“რომას” მცველი ალექსანდარ კოლაროვი კარიერას, სავარაუდოდ, მილანის “ინტერში” გააგრძელებს.
“ილ ტემპო” წერს, რომ მხარეები ტრანსფერზე უკვე შეთანხმდნენ. წყაროს თანახმად, “ნერაძური” სერბი მოთამაშის სანაცვლოდ 1,5 მილიონ ევროს გაიღებს, რასაც სხვადასხვა ტიპის ბონუსებიც დაემატება. რომაელები 34 წლის ფეხბურთელის სანაცვლოდ თავდაპირველად ორ მილიონ ევროს ითხოვდნენ.
შეგახსენებთ, რომ ალექსანდარ კოლაროვი “რომას” შემადგენლობაში 2017 წლიდან ირიცხება. მას “მგელთა” რიგებში ჩატარებულ 132 მატჩში 19 გოლი და ოცი შედეგიანი გადაცემა აქვს მითვლილი.
