ლონდონის “ტოტენჰემის” ინგლისელ ლიდერს, ჰარი კეინს სჯერა, რომ “ტოტენჰემი” გასული სეზონის შემდეგ კიდევ უფრო გაიზარდა და რომ “მამლებს” ნამდვილად შეუძლიათ პრემიერ ლიგის მოგება.
“ლიგის მოგება ნამდვილად შეგვიძლია. ამ მიზანთა გასულ წელს ძალიან ახლოს ვიყავით, მაგრამ საქმე ბოლომდე ვერ გავაკეთეთ.
კარგი გაკვეთილი მივიღეთ და ვთვლი, რომ წელს უფრო გამოცდილები ვართ და უკეთაც ვთამაშობთ. ყველაფერთან ერთად, კარგ ფორმაშიც ვიმყოფებით და ასე თუ გავაგრძელებთ, ჩემპიონები აუცილებლად გავხდებით.”
შეგახსენებთ, რომ პრემიერ ლიგის მიმდინარე სეზონის 21 ტურის შემდეგ, მაურისიო პოჩეტინოს გუნდი 45 ქულით მეორე პოზიციაზე იმყოფება და შვიდი ქულით ჩამორჩება ლიდერ “ჩელსის”.
