“ვესტ ბრომვიჩ ალბიონის” ხელმძღვანელები უკმაყოფილონი არიან კლუბის მიერ მიმდინარე სეზონში ნაჩვენები შედეგებით და გუნდის მთავარი მწვრთნელის პოსტიდან ტონი პულისის განთავისუფლებას აპირებენ.
ბრიტანულ პრესაში გავრცელებულ ინფორმაცის თუ დავუჯერებთ, დიდია ალბათობა იმისა, რომ ტონი პულისისთვის სანაკრებო შესვენების შემდეგ, “ჩელსისთან” გასამართი მატჩი პულისისთვის ბოლო გამოდგეს “ვესტ ბრომელთა” თავკაცის რანგში.
Telegraph-ის ცნობით, ხელმძღვანელები უკვე ესაუბრნენ ტონი პულისს, რომელმაც ინგლისის პრემიერ ლიგაში ჩატარებული ბოლო ოცი მატჩიდან მხოლოდ ორის მოგება მოახერხა.
რაც შეეხება პრემიერ ლიგის სატურნირო ცხრილში ამჟამად არსებულ მდგოამრეობას, 11 მატჩის შემდეგ “ალბიონელებს” 10 ქულა უგროვდებათ და მე-16 ადგილზე იმყოფებიან.
