„ნაპოლის“ მთავარმა მწვრთვნელმა მაურიციო სარიმ თავისი გუნდის თავდამსხმელი გონსალო იგუაინი შეაქო.
„იგუაინი „ოქროს ბურთის“ პოტენციური მფლობელია. როგორც არაერთხელ მითქვამს, ჩემთვის ის მსოფლიო ფეხბურთის საუკეთესო „ცხრიანია“, – ციტირებს სარის Goal.com-ი.
ჭდე: მაურიციო სარი
„ნაპოლიმ“ მთავარ მწვრთნელს ახალი კონტრაქტი შესთავაზა
„ნაპოლის“ ხელმძღვანელობამ გუნდის მთავარ მწვრთნელს მაურიციო სარის ახალი კონტრაქტი შესთავაზა. აღსანიშნავია, რომ სპეციალისტი ნეაპოლიტანურ კლუბს მხოლოდ ზაფხულში ჩაუდგა სათავეში, თუმცა ხელმძღვანელობა მისი მუშაობით კმაყოფილია და სხვა გრანდების მხრიდან მისსადმი ინტერესის თავიდან ასაცილებლად შეთანხმების გაგრძელებას გეგმავს.
ცნობისთვის, სერია ა-ს შვიდი ტურის შემდეგ „ნაპოლი“ თორმეტი ქულით მეექვსე ადგილს იკავებს.
“ნაპოლი” ლევან მჭედლიძის ყოფილ მწვრთნელს ჩააბარეს
“ნაპოლის” მთავარი მწვრთნელის პოსტზე მაურიციო სარი დაინიშნა, რომელიც მანამდე “ემპოლის” თავკაცობდა.
ფეხბურთის იტალიელმა სპეციალისტმა ნეაპოლიტანურ კლუბთან ერთწლიანი კონტრაქტი გააფორმა, შემდგომი გახანგრძლივების პირობით. სარი წელიწადში ჯამაგირის სახით 1,5 მილიონ ევროს მიიღებს.
შეგახსენებთ, რომ 2014/15 წლების ბოლოს რაფაელ ბენიტესმა “ნაპოლის” მთავარი მწვრთნელის პოსტი დატოვა და ახლა ესპანელი მადრიდის “რეალს” ხელმძღვანელობს.
“ნაპოლიმ” სატურნირო ცხრილში მეხუთე პოზიცია დაიკავა და მომდევნო სეზონში ევროპის ლიგაზე ისაპარეზებს.
მჭედლიძის თავკაცმა შესაძლოა, “მილანი” ჩაიბაროს
“ემპოლის” სპორტულმა დირექტორმა მარსელო კარლიმ განაცხადა, რომ კლუბი ხელს არ შეუშლის მთავარი მწვრთნელის, მაურიციო სარის “მილანში” შესაძლო გადაბარგებას.
56 წლის სპეციალისტს “როსონერის” თავკაცის პოსტზე დანიშვნის ერთ-ერთ შესაძლო კანდიდატად ასახელებენ. “მილანის” მთავარი მწვრთნელის პოსტზე სარის კანდიდატურა “როსონერის” ყოფილმა თავკაცმა არიგო საკიმ გაახმაურა.
“ემპოლის” სპორტული დირექტორი წინააღმდეგი არ არის, სარი “მილანში” გაუშვას.
“თუ “მილანი” სარის მიმართ ინტერესს გამოიჩენს, ჩვენ მას ხელს არ შევუშლით. თუ გიყვარს ჩიტი, რომელსაც ფრენა უნდა, მაშინ მას ფრთები არ უნდა მოაჭრა”, – ციტირებს “ემპოლის” სპორტული დირექტორის სიტყვებს “კალჩო მერკატო”.