ჭდე: მუჰამედ სალაჰი

ჩემპიონთა ლიგის მეოთხედფინალური ეტაპის პირველი მატჩის მიმდინარეობისას (“ლივერპული” – “მანჩესტერ სიტი”), შეხვედრის 52-ე წუთზე “ლივერპულის” ეგვიპტელმა ლიდერმა, მუჰამედ სალაჰმა, თავი ცუდად იგრძნო და მისი მოედნიდან გაყვანა გახდა საჭირო.

“მერსესაიდელთა” საბედნიეროდ, ეგვიპტელ ფეხბურთელს იმ დროისთვის უკვე გატანილი ჰქონდა თავისი გოლი, რითიც “წითლებმა” “სიტის” განადგურებას ჩაუყარეს საფუძველი, მატჩი კი მასპინძლების დამაჯერებელი გამარჯვებით (3:0) დასრულდა.

რაც შეეხება უშუალოდ სალაჰის ტრავმას, ინგლისური კლუბის ექიმების თქმით, საქმე სერიოზულ დაზიანებასთან არ გვაქვს. მან უბრალოდ მცირე დისკომფორტი იგრძნო და ექიმის რჩევით, კლოპმა დაზღვევის მიზნით გაიყვანა სალაჰი მოედნიდან.

საერთაშორისო სპორტული კვლევების ცენტრმა საკმაოდ საინტერესო ინფორმაცია მოგვაწოდა, რომლის მიხედვითაც, ბოლო ექვსი თვის მანძილზე გამომუშავებული სარგებლის მიხედვით, მუჰამედ სალაჰის მსოფლიოს ყველა სხვა ფეხბურთელზე ძვირად ფასობს.

25 წლის ეგვიპტელი ფეხბურთელი, რომელმაც “რომადან” “ლივერპულში” გადასვლის შემდეგ 32 გოლი გაიტანა 40 მატჩში, CIES-მა 74.7 მილიონ ევროდ შეაფასა. მისი ტრანსფერი კი “მერსესაიდელებს” 42 მილიონი დაუჯდათ.

რაც არ უნდა გასაკვირი იყო, იმავე ალგორითმის მონაცემებით, რიგით მეორე ყველაზე ძვირადღირებული ფეხბურთელი “მანჩესტერ სიტის” მეკარე, ედერსონია. ბრაზილიელი კარის დარაჯი პეპ გვარდიოლას გუნდის კარში 36-ჯერ ჩადგა მიმდინარე სეზონში.

სისტემამ ლეროი სანე 63 მილიონ ევროდ შეაფასა, კილიან მბაპე – 54.7 მილიონად. მეხუთე პოზიციაზე პაულინიო იმყოფება (42.4 მლნ.), შემდეგ კი მილინკოვიჩ-სავიჩი (40.7 მლნ.) და “ლაიფციგის” დაიოტ უპამეკანო (35.6 მლნ.) მოდიან.

ბრიტანული პრემიერ ლიგის ფანებმა მაისის თვის საუკეთესო ფეხბურთელად “ლივერპულის” ეგვიპტელი ლიდერი, მოჰამედ სალაჰი დაასახელეს. ამ უკანასკნელმა მიღებული ხმების 37 პროცენტი დააგროვა.

მაისის თვეში მოჰამედ სალაჰმა პრემიერ ლიგის 3 მატჩში მიიღო მონაწილეობა და საკუთარ აქტივში 4 გოლი ჩაიწერა უამრავ შექმნილ საგოლე მომენტთან ერთად. ეს სალაჰის რიგით მესამე პრიზია მიმდინარე სეზონში.

გამოკითხვაში, რომელშიც მონაწილეობის მიღება ნებისმიერ მსურველს ფიქრობდა, მეორე ადგილი წილად რობერტო ფირმინოს ხვდა – მას ხმა ამომრჩეველთა 19-მა პროცენტმა მისცა.

საუკეთესოთა შორის ასევე დაასახელეს ჯეკ ბატლენდი (“სტოკ სიტი”), ქრის სმოლინგი (“მანჩესტერ იუნაიტედი”), პასკალ გროსი (“ბრაიტონი”) და ედენ აზარი (“ჩელსი”).

“ლივერპულის” ლეგენდის, პატრიკ ბერგერის აზრით, მერსესაიდული კლუბი “რომას” შემტევის, მუჰამედ სალაჰის დამატებით ჩემპიონობას კიდევ ერთი ნაბიჯით მიუახლოვდა.

შეგახსენებთ, რომ “წითლებმა” იტალიურ კლუბს ეგვიპტელი ფეხბურთელის სანაცვლოდ 42 მილიონი ევრო გადაუხადეს.

“მუჰამედი მშვენიერი მოთამაშეა, ის ძალიან ტექნიკური და ამავდროულად სწრაფია. მას გოლების გატანაც და შექმნაც შესანიშნავად შეუძლია, რაც იტალიაში ყოფნის პერიოდშიც დაგვიმტკიცა.

ის პრემიერ ლიგაში ადრეც თამაშობდა და იცის, რაც ელის აქ.

ის ახლა უფრო ძლიერია და მჯერა, რომ მისი გადაბირებით “ლივერპული” ჩემპიონობას ერთი ნაბიჯით მიუახლოვდა,” – აცხადებს პატრიკ ბერგერი.