ჭდე: ერნესტო ვალვერდე

კატალონიის “ბარსელონას” მთავარი მწვრთნელი, ერნესტო ვალვერდე აღიარებს, რომ დღესდღეობით საერთაშორისო ასპარეზზე ინგლისური კლუბები უფრო კარგად გამოიყურებიან, ვიდრე ესპანურები.

“დიახ, ნამდვილად ასე ვფიქრობ. კარგა ხანია, რაც ინგლისური კლუბები ასეთ დონეზე არ ყოფილან, დღეს ისინი დომინანტები არიანჩემპიონთა ლიგაზე. იგივეს ვიტყოდი ევროპა ლიგაზეც, თუმცა, ეს ტურნირი შარშან “იუნაიტედმა” მოიგო.

ინგლისურ კლუბებს ძალიან ბევრი ფული და დიდებული ისტორია აქვთ. ისინი ყოველთვის განსაკუთრებულ ძალას წარმოადგენენ. აქიდან გამომდინარე, ჩემთვის ძალიან ალოგიკური იყო მათი ასეთი პასიურობა გასულ წლებში.

თუმცა, იმის თქმა, რომ ინგლისური კლუბები ესპანურებზე უკეთესები არიან, უსამართლო იქნება. გასულ წელს ესპანელები დომინირებდნენ, წელს კი ინგლისელები,” – აცხადებს ბილბაოს “ატლეტიკის” ყოფილი თავკაცი.

ერნესტო ვალვერდე, რომელიც ივნისის თვიდან აკვირდება “ბარსელონას” მიერ განხორციელებულ სპორტულ ქმედებებს სატრანსფერო ბაზარზე, თვლის, რომ გუნდი რამდენიმე ფეხბურთელმა უნდა დატოვოს.

მიუხედავად იმისა, რომ “ბლაუგრანას” სპორტული დირექტორები მუდმივად ეკითხებოდნენ მას აზრს, ის მაინც ჩუმად ყოფნას ამჯობინებდა. შესამჩნევია, რომ ბილბაოს “ატლეტიკის” ყოფილ თავკაცს დიდი მოთხოვნები არ გააჩნია.

Sport.es-ის მიერ გავრცელებულ ცნობებს თუ დავუჯერებთ, ვალვერდე ზამთრის სატრანსფერო ფანჯარაზე ახალი ფეხბურთელის დამატების ნაცვლად გუნდიდან რამდენიმეს გაშვებას გეგმავს.

ვალვერდეს აზრით, ვარჯიშზე ბევრი ფეხბურთელი მონაწილეობს. სავარაუდოდ, ამ მიზეზით, “კამპ ნოუს” იანვარში ვერმალაენი და თურანი გამოემშვიდობებიან და შანსები ახალგაზრდა ფეხბურთელებს მიეცემათ.

ესპანეთის ლა ლიგაში ჩართვამდე “ბარსელონას” მთავარმა მწვრთნელმა, ერნესტო ვალვერდემ პრესასთან ისაუბრა და ბოლოდროინდელი ჩავარდნის მიზეზიც განმარტა.

“ტრავმები ფეხბურთში ჩვეულებრივი რამ არის, რაც სუარესის შემთხვევაშიც მოხდა. ისიც მესმის, რომ მოსისხლე მტერთან წაგება და უტიტულოდ დარჩენა გულშემატკივრებში იმედგაცრუებას იწვევს.

მაგრამ ნეიმარის წასვლა სხვა საკითხია, ეს ძალიან მოულოდნელი იყო ჩვენთვის. ამის გამო გეგმების შეცვლა მოგვიწია, ახლა სხვაგვარად უნდა ვიმუშავოთ წარმატების მისაღწევად.

ეს უნდა დავივიწყოთ და მომავალზე ვიფიქროთ,” – აცხადებს ვალვერდე, რომლის გუნდიც პრიმერადივიზიონის პირველ ტურში “რეალ ბეტისს” მიიღებს საშინაო მოედანზე.