ალექსანდრ ლაკაზეტი – Fanebi.Com – ფეხბურთი, კალათბურთი, რაგბი, სხვა

ლაკაზეტი შესაძლოა, “ატლეტიკოში” გადავიდეს, მაგრამ 2018 წლამდე არ ითამაშოს

Posted on ივნისი 5, 2017 by იაკობ კაპანაძე

უცხოურ პრესაში გავრცელებული ინფორმაციის თანახმად, “ლიონის” ფრანგი ლიდერი და თავდამსხმელი, ალექსანდრ ლაკაზეტი “ატლეტიკოში” გადასვლას არ გამორიცხავს.

როგორც იცით, მადრიდული გრანდი ესპანური ფეხბურთის ფედერაციის მიერ არის დასჯილი და გუნდში ახალი ფეხბურთელის დამატება 2018 წლამდე არ შეუძლია.

“სრულიად შესაძლებელია, არც ამ ვარიანტს არ გამოვრიცხავ,” – აცხადებს ფეხბურთელი.

თუ მოვლენები ამგვარად განვითარდა, ლაკაზეტი მოედანზე 2018 წლის პირველ იანვრამდე ვერ გამოვა, მაგრამ გუნდთან ერთად ვარჯიშის უფლება ექნება.

“ატლეტიკომ” “ლიონთან” მოლაპარაკებები წამოიწყო

Posted on მარტი 27, 2017მარტი 27, 2017 by იაკობ კაპანაძე

“ატლეტიკომ” “ლიონის” ხელმძღვანელობასთან ალექსანდრ ლაკაზეტის ტრანსფერთან დაკავშირებით მოლაპარაკებები უკვე წამოიწყო.

როგორც ცნობილი ხდება, მადრიდული გრანდის სპორტული დირექტორი, ანდრეა ბერტა უკვე შეხვდა “ოლიმპიკის” წარმომადგენლებს.

აღნიშნული ტრანსფერის ღირებულებად უცხოური გამოცემები 60 მილიონ ევროს ასახელებენ. თუმცა, შესაძლოა, ტრანსფერში “ატლეტიკოს” რომელიმე ფეხბურთელიც ჩაერთოს (ტეო ან ლუკას ერნანდესი).

ლიგა 1-ის მიმდინარე სეზონში ფრანგი ფორვარდის ანგარიშზე 23 გოლია, რომელთაგან ათიც მან თერთმეტმეტრიანი ნიშნულიდან გაიტანა.

საფრანგეთიდან მიღებული უარის მიუხედავად “ვესტ ჰემი” დანებებას არ აპირებს

Posted on მაისი 18, 2016 by იაკობ კაპანაძე

Goal-ის მიერ მოპოვებული ინფორმაციის თანახმად, “ლიონის” ხელმძღვანელებმა ალექსანდრე ლაკაზეტის ტრანსფერის თაობაზე “ვესტ ჰემის” 31 მილიონ ფუნტიანი შემოთავაზება უარით გაისტუმრეს.

როგორც იცით, “ჩაქუჩებისთვის” ფრანგი ფორვარდი ყველაზე პრიორიტეტული სამიზნეა, ამიტომაც ინგლისელები დანებებას არა აპირებენ და მზად არიან თანხა 33 მილიონ ფუნტამდე გაზარდონ.

“ვესტ ჰემის” ხელმძღვანელებმა “მარსელთანაც” წამოიწყეს მოლაპარაკებები ბატშუაის ტრანსფერთან დაკავშირებით, თუმცა “მარსელმა” მის სანაცვლოდ 40 მილიონი ფუნტი მოითხოვა.

ამავდროულად ლაკაზეტის გარშემო არსებულ სიტუაციას აკვირდება ლონდონური “ტოტენჰემიც”, რომელიც ჰარი კეინისთვის პარტნიორის მოყვანას აპირებს. 36 მილიონი ფუნტის გადახდა მათ ნამდვილად არ გაუჭირდებათ.

ლაკაზეტისთვის “ლივერპული” და “ევერტონი” იბრძოლებენ

Posted on აპრილი 3, 2016აპრილი 4, 2016 by იაკობ კაპანაძე

მერსესაიდული კლუბები ერთმანეთს “ლიონის” თავდამსხმელის, ალექსანდრე ლაკაზეტის გადაბირებისთვის შეებრძოლებიან. ამ ინფორმაციას Sunday People ავრცელებს.

საფრანგეთის ეროვნული ნაკრების წევრი ბოლო ორი სეზონია კარგად გამოიყურება, ლიგა 1-ის გასულ სეზონში მან საუკეთესო ბომბარდირის სტატუსიც მოიპოვა.

ამავდროულად, რომელუ ლუკაკუ და კრისტიან ბენტეკე “გუდისონ პარკისა” და “ენფილდის” მიტოვებას აპირებენ, ამიტომაც მათი ჩამნაცვლებლის პოვნა მერსესაიდელთათვის აუცილებელია. ლაკაზეტის კანდიდატურით კი ორივე კლუბი მოხიბლულია.

დარჩება თუ არა ლაკაზეტი „ლიონში“?

Posted on ივლისი 19, 2015 by Alix

თავდამსხმელი ალექსანდრ ლაკაზეტი „ლიონის“ შემადგენლობაში კიდევ ერთი სეზონის ჩასატარებლად მზადაა. ფრანგულ კლუბს თავისი გამორჩეული მოთამაშის თაობაზე კონკრეტული წინადადებები ჯერ არ მიუღია.

„მოლაპარაკება მუშაობაში ხელს არ მიშლის. „ლიონში“ თამაშზე ვარ ორიენტირებული, სხვაზე არც ვფიქრობ. მწვრთნელსა და კლუბის პრეზიდენტს უკვე ვუთხარი, რომ აქ სეზონის ჩასატარებლად მზად ვარ“, – განაცხადა ლაკაზეტმა.

აქამდე გავრცელებული ინფორმაციით, „ლიონმა“ ლაკაზეტის კიდევ ერთი სეზონით შენარჩუნება გადაწყვიტა.

ლაკაზეტს “ლიონიდან” წასვლა არ სურს

Posted on ივლისი 19, 2015 by ბექა დოგრაშვილი

“ლიონის” თავდამსხმელმა ალექსანდრ ლაკაზეტმა ხაზგასმით აღნიშნა, რომ კლუბის დატოვება არ სურს. 24 წლის ფრანგი ფეხბურთელით ლონდონის “არსენალი” და “ლივერპული” არიან დაინტერესებულნი.

“უკვე არაერთხელ ვთქვი, რომ კარიერის გაგრძელება “ლიონში” მინდა. ეს კლუბი ჩემთვის ბევრ რამეს ნიშნავს”, – ფრანგი ფორვარდის სიტყვებს Tmw აქვეყნებს.

შეგახსენებთ, რომ ალექსანდრ ლაკაზეტმა გასულ სეზონში “ლიონის” ფორმით 40 მატჩი ჩაატარა და 32 გოლი გაიტანა.

ლაკაზეტი „მანჩესტერ იუნაიტედში“?

Posted on ივნისი 21, 2015 by Alix

„ლიონის“ თავდამსხმელი ალექსანდრ ლაკაზეტი, შესაძლოა, ინგლისში გადაბარგდეს.

როგორცდ „სქაი სპროტსი“ წერს, ფეხბურთელისადმი ინტერესი „მანჩესტერ იუნაიტედის“ ხელმძღვანელობას აქვს. აღსანიშნავია, რომ აქამდე „ლიონის“ პრეზიდენტის ჟან-მიშელ ოლას თქმით, თავდამსხმელის სატრანსფერო ფასი 50 მილიონ ევროზე მეტს შეადგენს.

შეგახსენებთ, როპმ საფრანგეთის ლიგა 1-ის განვლილ სეზონში ლაკაზეტი 27 გოლით ჩემპიონატის საუკეთესო ბობმარდირი გახდა.

“ლიონი”: 50 მილიონი ლაკაზეტის გასაფორმებლად საკმარისი არ არის

Posted on მაისი 19, 2015 by საბა

ფრანგული კლუბი მთავარ თავდამსხმელს ძალიან ძვირად აფასებს.

“ლიონი” ჩემპიონთა ლიგაზე დაბრუნდა, ამიტომაც მათ ალექსანდრ ლაკაზეტის შენარჩუნება მინიმუმ ერთი წლით სურთ.

“არაფერი შეიძლება ითქვას მის შესახებ, ის ბრწყინვალეა. ალექსანდრის გასაფორმებლად 50 მილიონი არაა საკმარისი”.

“პსჟ? – მათ ხელმძღვანელობას ლაკაზეტის ტრანსფერი არასდროს განუხილავთ. ბლანთან ხშირი კონტაქტი მაქვს და ვიცი, რომ ისინი სხვა შემტევს უმიზნებენ,”-განაცხადა ჟან-მიშელ ოლამ.

23 წლის თავდამსხმელმა ლიგა 1-ის მიმდინარე სეზონში 27 გოლი გაიტანა და ბომბარდირი გახდა.

„ლიონი“ ლაკაზეტის სანაცვლოდ მინიმუმ ორმოცაად მილიონ ევროს ითხოვს

Posted on მაისი 19, 2015 by Alix

„ლიონის“ პრეზიდენტის ჟან-მიშელ ოლას თქმით, მისი გუნდის თავდამსხმელის ალექსანდრ ლაკაზეტის სატრანსფერო ფასი 50 მილიონ ევროზე ნაკლებს არ შეადგენს.

„ლაკაზეტის შესანარჩუნებლად ყველაფერს გავაკეთებთ. ვფიქრობ, მისი სატრანსფერო ფასი მინიმუმ 50 მილიონ ევროს შეადგენს. ჩვენი გუნდისთვის ის შეუფასებელი მოთამაშეა“, – განაცხადა ოლამ.

ალექსანდრ ლაკაზეტი – საფრანგეთის წლის საუკეთესო

Posted on მაისი 18, 2015 by საბა

“ლიონის” თავდამსხმელმა, ალექსანდრ ლაკაზეტმა ინდივიდუალური პრიზი მიიღო.

ამ ჯილდოსთვის სეზონის ბომბარდირს, რომლის ანგარიშზეც 27 გოლი იყო, “პსჟ”-ს მოთამაშეები, ზლატან იბრაჰიმოვიჩი და ხავიერ პასტორე ეცილებოდნენ.

საუკეთესო ახალგაზრდა ფეხბურთელი ლაკაზეტის თანაგუნდელი, ნაბილ ფეკირი გახდა. მეკარე სტივ მანდანდა “მარსელიდან”, ხოლო მწვრთნელი ლორან ბლანი, რომელიც დედაქალაქელებს წვრთნის.

2014/2015 წლის სეზონის “ოცნების გუნდი” შემდეგნაირია:

მანდანდა(მარსელი) – ჟალე(ლიონი), ტიაგო სილვა, დავიდ ლუისი, მაქსველი(სამივე პსჟ-დან) – ხავიერ პასტორე, მარკო ვერატი(ორივე პსჟ-დან), დიმიტრი პაიე(მარსელი) – ნაბილ ფეკირი, ლაკაზეტი(ორივე ლიონიდან), ზლატან იბრაჰიმოვიჩი(პსჟ).