უეფამ ერთა ლიგის საწყისი ორი ტურის ათი საუკეთესო გოლი დაასახელა. როგორც მოსალოდნელი იყო, საუკეთესოებს შორის მოხვდა გიორგი ჩაკვეტაძის მიერ ყაზახეთის ნაკრების კარში გატანილი გოლი.
გთავაზობთ ვიდეოს, რომელიც უეფას ოფიციალურმა არხმა გამოაქვეყნა:
?⚽️ Check out the top goals from the opening week of the #NationsLeague… Which was the best? pic.twitter.com/HoptSanoEf
— UEFA Nations League (@UEFAEURO) September 15, 2018
გუშინ ლა ლიგა სანტანდერის 24-ე ტურის მატჩში მადრიდის “რეალი” “ბენიტო ვილამარინს” ესტუმრა და ადგილობრივ “რეალ ბეტისს” დაუპირისპირდა. “ბლანკოსმა” მეტოქე დაძაბულ ბრძოლაში, ანგარიშით, 5:3 დაამარცხა.
საგულისხმოა, რომ მარკო ასენსიომ ორი გოლის გატანა შეძლო. “ბლანკოსის” შემტევი ჟურნალისტებს მატჩის შემდეგ ესაუბრა.
“ახლა შესანიშნავი პერიოდი გვაქვს და ასე უნდა გავაგრძელოთ. ამ დროის მანძილზე განვვითარდით და ფანტასტიკურად ვითამაშეთ. გამარჯვებით ბედნიერი ვარ. პირველი გოლის დროს ვიფიქრე, რომ თუ ბურთს მეკარე აიღებდა, მაშინ ის ისევ ჩემკენ გადმოვარდებოდა. ხოლო, მეორე გოლი დანის (კარვახალი, ავტ.) მივუძღვენი. ის ჩემი ახლო მეგობარია.”
“მეტოქე ძალიან კომპაქტურად იყო განლაგებული და შესანიშნავად თამაშობდა.
“ბეტისი” მოედნის ცენტრში სივრცეებს პოულობდა და იძულებულნი ვიყავით, დიდი ძალებით დაგვეცვა თავი. თუმცა, მატჩი სწორი მიმართულებით განვავითარეთ და გავიმარჯვეთ კიდეც,” – აცხადებს მარკო.
ხვალ ჩემპიონთა ლიგის ჯგუფური ეტაპის მეხუთე ტურის შეხვედრები შედგება. ერთ-ერთ მატჩში მადრიდის “რეალი” ნოქოზიის “აპოელს” დაუპირისპირდება.
თამაშის წინ პრესკონფერენცია გამართა მადრიდის “რეალის” მთავარმა მწვრთნელმა, ზინედინ ზიდანმა.
“მადრიდული დერბი რთული გამოდგა. გასაგებია, რომ ბენზემამ ცუდი შეფასება მიიღო, თუმცა, დამიჯერეთ, ის გუნდში პირველია, რომელსაც გაცილებით მეტის ჩვენება და გაკეთება უნდა, ვიდრე ამას ახლა ახერხებს. აქ ვარ, რათა დავეხმარო ყველა მოთამაშეს, არა მხოლოდ კარიმს.”
“გუნდში ახალაგზრდა ფეხბურთელები გვყავს. ერთ-ერთი ასეთი ასენსიოა, რომელსაც სათამაშო დრო ნამდვილად მოემატა. ის ყოველ დღე ვითარდება. ასევე, აღვნიშნავ დანი სებალოსის პროგრესს, რომელსაც ძალიან დიდი მომავალი აქვს. ამ გუნდში ყველას შეუძლია, რომ მაღალ დონეზე, სტაბილურად ითამაშოს.”
“ვიცით, ჩვენი სამუშაოს სირთულე. მადრიდის “რეალს” წარმოვადგენთ და გაცილებით მეტი ძალისხმევის გამოჩნეა გვმართებს, რათა სასურველი შედეგი მივიღოთ; ის დიდი შედეგი, რომელსაც ხალხი ელოდება. ყველას უნდა, რომ მეტი ითამაშოს. ჩემი გუნდის წევრები შანსებს ელიან. სწორედ მე გადავწყვეტ, ვინ რამდენ ხანს გავა მოედნაზე. ესაა ჩემი საქმე. ერთადერთს, რასაც სპორტსმენებს ვთხოვ, ისაა, რომ, როცა ვეტყვი, მოემზადონ და მაქსიმალურად კონცენტრირდნენ.”
“აპოელი” მშვენიერი გუნდია. მათ დაამტკიცეს, რა შეუძლიათ. მათ ჩემპიონატს არ ვუყურებ და კლუბის შესაძლებობებზე, იქიდან გამომდინარე, ვერ გეტყვით. თუმცა, ჩემპიონთა ლიგაზე ყოფნას ისინი ნამდვილად იმსახურებენ. “ბერნაბეუზე” მათ კარგად ითამაშეს. ხვალ რთული მატჩი გველის და მას მომზადებულები უნდა შევხვდეთ,” – ამბობს “ზიზუ”.
დღეს ლა ლიგა სანტანდერის მე-11 ტურის მატჩები გაიმართა.
ერთ-ერთ შევხედრაში მადრიდის “რეალმა” “სანტიაგო ბერნაბეუზე” “ლას პალმასი” მიიღო. ანგარიში მას შემდეგ გაიხსნა, რაც “ბლანკოსმა” კუთხური მოაწოდა და კაზემირომ თავით გადაგზავნა ბურთი მეტოქის კარში. ეს ყოველივე 41-ე წუთზე მოხდა.
მეორე ნახევარში, 56-ე წუთზე მარკო ასენსიომ საჯარიმოს გარედან უძლიერესი დარტყმით ულამაზესი გოლი შეაგდო. ხოლო, 74-ე წუთზე კი ისკომ ივარგა. მას საგოლე გადაცემა კრიშტიანუ რონალდუმ გაუკეთა. საბოლოოდ, მადრიდელებმა ანგარიშით, 3:0 იმარჯვეს.
ამ მოგების შემდეგ ზიდანის შეგირდებს 23 ქულა აქვთ და მესამე პოზიციას იკავებენ. “ლას პალმასი” ექვსი ქულით ბოლოს წინა პოზიციაზეა.
მადრიდის “რეალის” სამმა ფეხბურთელმა – ასენსიომ, ნაჩომ და კაზემირომ გულშემატკივრებს ქუჩაში სიურპრიზი მოუწყვეს.
ფეხბურთელები მაღაზიის ვიტრინიდან “ესაუბრებოდნენ” გულშემატკივრებს. საქმე იმაში იყო, რომ ისინი სპეციალურად დამონტაჟებული ეკრანისა და დინამიკის საშუალებით ეკონტაქტებოდნენ ხალხს.
ხორხე ვალდანომ AS-თან საინტერესო ინტერვიუ ჩაწერა, სადაც მას მადრიდის “რეალზეც” ჰკითხეს. მოგეხსენებათ, არგენტინელი წარსულში სწორედ “ბლანკოსში” თამაშობდა, შემდეგ კი ხელმძღვანელობაში მუშაობდა.
“რეალს” ლა ლიგაში რთული სიტუაცია აქვს. თუმცა, ცალსახაა, რომ მის ფეხბურთელებს ამ ჩამორჩენის აღმოფხვრის შესაძლებლობა აქვთ. უბრალოდ, ახლა ქულები აღარ უნდა დაკარგონ. მათთვის ნებისმიერი მეტოქე დასაფასებელია.”
“ასენსიო ყველა პოზიციაზე იდეალურად თამაშობს. თუმცა, ის, რაღაც მხრივ, მესის მაგონებს; იმ ლეოს, რომელიც არგენტინის ეროვნული ნაკრებისთვის თამაშობს. როცა ის ბურთს იღებს, რაღაც სახიფათო აუცილებლად ხდება. ის ძალიან მოძრავია და თანაგუნდელებისთვის დიდ დამხმარე ძალას წარმოადგენს,” – აცხადებს ვალდანო.
მადრიდის “რეალის” ხელმძღვანელობა მარკო ასენსიოსთვის კონტრაქტის გახანგრძლივებას აპირებს. ამის შესახებ ესპანური პრესა იუწყება.
როგორც ირკვევა, ახალი ხელშეკრულება ხელმოსაწერად უკვე მომზადებულია. კონტრაქტი ჩემპიონთა ლიგის ჯგუფური ეტაპის მეორე ტურის მატჩის (დორტმუნდის “ბორუსია” – მადრიდის “რეალი”) შემდეგ დღეებში გაფორმდება. ეს დოკუმენტი გაითვალისწინებს იმას, რომ 21 წლის ფეხბურთელი 2023 წლის ივნისამდე დარჩება “ბლანკოსში”. მისი გამოსასყიდი თანხა კი 500 მილიონი ევრო იქნება.
ასენსიო “რეალში” 2014 წელს ჩაირიცხა, თუმცა ამ სეზონამდე იგი “მალიორკასა” და “ესპანიოლში” იყო განათხოვრებული. მან მიმდინარე სეზონში ყველა ტურნირზე ჩატარებულ ცხრა შეხვედრაში ოთხი გოლი გაიტანა.
გუშინ ესპანეთის სუპერთასის განმეორებითი შეხვედრა გაიმართა, სადაც მადრიდის “რეალი” საკუთარ მოედანზე კატალონიის “ბარსელონას” დაუპირისპირდა. შეხვერდა ანგარიშით, 2:0 დასრულდა. პირველი გოლი მეოთხე წუთზე მარკო ასენსიომ გაიტანა. მან უძლიერესი დარტყმით შეუგდო მარკ-ანდრე ტერ შტეგენს. დაახლოებით, ასეთ სტილში ახალგაზრდა ესპანელმა მოთამაშემ სუპერთასის პირველ მატჩშიც შეძლო “ბლაგურნას” კარის აღება.
ასენსიომ შეხვედრის შემდეგ ჟურნალისტებთან ისაუბრა.
“ტიტულისთვის ბრძოლაში ორივე გოლი უმნიშვნელოვანესი იყო. პირველი მათგანი ლამაზი გამოვიდა, ისევე როგორც მეორე. თუმცა, “კამპ ნოუზე” გატანილი გოლი უფრო მნიშვნელოვანი და რთულად შესასრულებელი გამოდგა.”
“ძალიან ბევრს ვმუშაობ, რათა, რაც შეიძლება, ბევრი სათამაშო დრო მქონდეს. მინდა, სასტარტოში ხშირად ვიყო ხოლმე. ამისთვის ყველაფერს ვაკეთებ. კმაყოფილი ვარ იმით, რაც ჩემს თავს ხდება,” – აცხადებს ასენსიო.
“ნიუკასლ იუნატედის” დამრიგებელს, რაფა ბენიტესს ლუკას ვასკესის თავის გუნდში ხილვა სურს. ამის შესახებ ინგლისური გამოცემა, Mirror-ი წერს.
ვასკესი 2015 წლის ზაფხულზე სწორედ ბენიტესის დიდი აქტიურობის შემდეგ დაბრუნდა “ესპანიოლიდან” “რეალში” და მას შემდეგ დაიწყო კლუბში თავის დამკვიდრება. წინა სეზონში ესპანელ მოთამაშეს “ბლნკოსის” მიერ ჩატარებული მატჩების ყველაზე დიდ რაოდენობაში ჰქონდა მონაწილეობა მიღებული. სწორედ ვასკესი იყო ის მოთამაშე, რომელიც 2016 წლის ჩემპიონთა ლიგის ფინალში პირველი თერთმეტმეტრიანი შეასრულა, გაიტანა და გუნდის წარმატებულ სვლას დასაბამი მისცა.
ბენიტესი, რა თქმა უნდა, აცნობიერებს, ლუკასის გადაბირება ურთულესი იქნება. თუმცა, მისი მთავარი კოზირი ვასკესის იმაში დარწმუნებაა, რომ მას “რეალში” აღარ ექნება დიდი სათამაშო დრო. ასენსიო, ისკო, BBC გუნდშია და 26 წლის მოთამაშეს, ესპანელი სპეციალისტის აზრით, დიდი ხნის გატარება არა მოედანზე, არამედ სათადარიგოთა სკამზე მოუწევს.
თავის მხრივ, ზინედინ ზიდანმა განაცხადა, რომ ბედნიერია იმ შემადგენლობით, რაც ჰყავს და არავის შეძენას ან გაშვებას არ აპირებს.
“რეალის” ნახევარმცველები, მარტინ ედეგორი და მარკო ასენსიო მომდევნო სეზონში “სამეფო კლუბის” ღირსებას არ დაიცავენ.
ესპანური პრესის ცნობით “რეალი” ორივე მოთამაშეს გაანათხოვრებს. ედეგორის გადაბირების სურვილი “ვილიარეალმა” გამოთქვა, თუმცა მადრიდელები უპირატესობას ნორვეგიელის “ბეტისში” ან “მალაგაში” გაშვებას ანიჭებენ.
რაფაელ ბენიტესი და კლუბი ხელმძღვანელობა დაინტერესებულები არიან, რომ ამ მოთამაშეებს სათამაშო პრაქტიკის პრობლემა არ ჰქონდეთ.
შეგახსენებთ, რომ ედეგორი და ასენსიო “რეალმა” ზამთარში “სტრიომსგოდსეტიდან” და “მალიორკადან” შეიძინა.
