“მონაკოს” მცველი, კამილ გლიკი დარწმუნებულია, რომ მის გუნდს “იუვენტუსის” ბარიერის გადალახვა და ჩემპიონთა ლიგის ფინალში გასვლა შეუძლია.
“ჩვენზე ძალიან დიდი ზეწოლაა. სასურველი შედეგის ჩვენება ადვილი ნამდვილად არ იქნება.
ვფიქრობ, რომ ყველა ოცნებობდა “მონაკოსთან” მოხვედრილიყო, მაგრამ ნახეთ, სანამდე მოვედით. მჯერა, რომ ფინალში გასვლა შეგვიძლია.
ყველაფერს გავაკეთებთ, რომ კიდევ ერთხელ გავაკვირვოთ საფეხბურთო სამყარო,” – აცხადებს “მონაკოელთა” მცველი, რომელსაც იტალიაში თამაშის გამოცდილებაც აქვს.
კამილ გლიკმა თავის თანაგუნდელზე, კილიან მბაპეზე საუბრისას აღნიშნა, რომ 18 წლის შემტევი ერთ-ერთია იმ ფეხბურთელთაგან, რომელსაც უმაღლეს დონეზე შეუძლია თამაში.
შეგახსენებთ, რომ ახალგაზრდა მბაპე 2016/17 წლების სეზონის ერთ-ერთი მთავარი აღმოჩენაა. ახალი სეზონის 29 მატჩში მან 15 გოლის გატანა მოახერხა, რითიც მთელი საფეხბურთო სამყაროს ყურადღება მიიპყრო.
“მბაპე ყველაფერს იმსახურებს, რაც მის თავს ხდება. ყველამ ძალიან კარგად ვიცით, რომ მას შეუძლია, მსოფლიოს ერთ-ერთი საუკეთესო ფეხბურთელი გახდეს, თუ ამას მართლა მოინდომებს.
ის ჯერ კიდევ ძალიან ახალგაზრდაა, მაგრამ ამისდა მიუხედავად, ექსტრაორდინარულ რაღაცებს აკეთებს.
ის ძალიან ძლიერი, სწრაფი და ნიჭიერი ფეხბურთელია. პირველ გუნდში გადმოსვლის შემდეგ, სულაც არ შეცვლილა, რაც ძალიან მნიშვნელოვანია. მიწას არ უნდა მოსწყდეს და ვარჯიში ჩვეულ რეჟიმში გააგრძელოს,” – აცხადებს პოლონელი მცველი.
მიუნხენის „ბაიერნის“ თავდამსხმელმა რობერტ ლევანდოვსკიმ მისი თანამემამულის, „ტორინოს“ მცველ კამილ გლიკის მიუნხენურ კლუბში შესაძლო ტრანსფერის შესახებ ისაუბრა.
„გლიკი „ბაიერნში“? ამის შესაებ ოფიციალური სიახლეები ჯერ არ არის. კამილი ჩინებილი მოთამაშე და ნამდვილი პროფესიონალია. თუმცა, კლუბში ამის შესახებ ჩემთვის ჯერ არავის უკითხავს. სხვა შემთხვევაში, მასზე კარგის მეტს, ვერაფერს ვიტყოდი.
რა თქმა უნდა, კამილისთვის „ბაიერნი“ კარგი ვრიანტი იქნებოდა, მაგრამ ვიცი, რომ ამ ეტაპზე ის მხოლოდ პოლონეთის ნაკრების მატჩებზე ფიქრობს“, – განაცხადა ლევანდოვსკიმ.
