ბრაზილიის ნაკრების ყოფილი ფეხბურთელი კაფუ რთულ ფინანსურ სიტუაციაში აღმოჩნდა.
საფეხბურთო სააგენტოს, რომელსაც 49 წლის ბრაზილიელი უკვე 15 წელია ფლობს, დიდი ფინანსური დანაკარგი აქვს, გაკოტრების წინაშეა და კაფუ იძულებული ხდება, პასუხი საკუთარი ქონებით აგოს.
“ეს ჩემი პირადი პრობლემაა. ვალების დასაფარად მზად ვარ, საკუთარი ქონება, ავტომობილები და სახლი დავთმო”, – ციტირებს კაფუს სიტყვებს “მარკა”.
შეგახსენებთ, რომ კაფუ მსოფლიოს ორგზის ჩემპიონია (1994, 2002), მიმდინარე წლის ივნისის თვეში კი 2022 წლის მუნდიალის ელჩად აირჩიეს.
