მოგეხსენებათ, გუშინ საქართველოს საკალათბურთო ნაკრებმა ახალაგაზრდული ოლიმპიური ფესტივალი თურქეთთან შთამბეჭდავი გამარჯვებთ დაიწყო – ქართველებმა მეტოქეს 39 ქულით მოუგეს.
დღეს ჩვენმა ნაკრებმა მეორე შეხვედრა გამართა, რომელშიც მეტოქე ტურნირის ერთ-ერთი ფავორიტი ბოსნიის ნაკრები იყო. შეხვედრამ ბრძოლაში ჩაიარა და, სამწუხაროდ, ბოსნიელთა გამარჯვებით, 81:74 დასრულდა.
ხვალ ქართველები რიგით მესამე მატჩს გამართავენ – ჩვენი მეტოქე ამჯერად ლატვიის ნაკრები იქნება
მიხეილ მესხის სახელობის სტადიონზე ევროპის ახალგაზრდული ოლიმპიური ფესტივალი “თბილისი 2015” საზეიმო ვითარებაში გაიხსნა, თუმცა ცერემონიას ხარვეზების გარეშე არ ჩაუვლია. ფოირვერკის გაშვების დროს აღმოსავლეთ ტრიბუნაზე ხანძარი გაჩნდა, თუმცა ცეცხლი მალევე ჩააქრეს. სათქმელია, რომ სტადიონის ამ მხარეს მაყურებელთა დასწრება არ იყო დაშვებული. ასე რომ, არავინ დაშავებულა.
კიდევ ერთი ლაფსუსი ცერემონიალის კულმინაციის დროს მოხდა. ბოლო მეჩირაღდნე დამოუკიდებელი საქართველოს ისტორიაში პირველი ოლიმპიური ჩემპიონი ზურად ზვიადაური გახლდათ, რომელსაც სამხრეთ ტრიბუნაზე მდგარ ფიალაზე ცეცხლი უნდა აენთო, თუმცა ცეცხლი ფიალაზე არ გადავიდა. გთავაზობთ ფოტოს, რომელიც ცერემონიალის დასრულების შემდეგ გადავიღეთ.
თბილისის ოლიმპიური ფესტივალის გახსნის დროს მეჩირაღდნეებს შორის კომენტატორი სანდრო ცნობილაძეც იყო. სათქმელია, რომ მეჩირაღდნეების ჩამოთვლისას ეთერში პირველმა არხმა ცნობილაძე არ დაასახელა, რის შესახებაც კომენტატორმა თავისი ფეისბუქის გერედზე დაწერა.
„პირველი არხის გამჭრიახობას საზღვარი არ აქვს. მეჩირაღდნეების ჩამონათვალიდან ამომიღო“, – დაწერა ცნობილაძემ.
დღეს საქართველოს პრემიერ-მინსიტრმა ირაკლი ღარიბაშვილმა ოლიმპიური სოფელი გახდა. გარდა ამისა, პრემიერმა ათლეტების ოლიმპიური სოლფის მერად ლევან კობიაშვილი წარადგინა.
„ოლიმპიურ სოფელს, როგორც წესი, მერი ხელმძღვანელობს. დღეს მინდა ამ სიმბოლურ, მაგრამ ძალიან საპატიო თანამდებობაზე წარმოგიდგინოთ ჩვენი სახელოვანი სპორტსმენი, ყველასთვის ცნობილი და საყვარელი ფეხბურთელი ლევან კობიაშვილი. გარდა იმისა, რომ ლევანი დიდი ფეხბურთელია, პიროვნული ღირსებებითაც გამოირჩევა, და დარწმუნებული ვარ, ძალებს არ დაზოგავს, რომ ოლიმპიადის თითოეულმა მონაწილემ, ოლიმპიური სოფლის თითოეულმა ბინადარმა კომფორტულად იგრძნოს თავი. ჩვენთან ასეთი მასშტაბის საერთაშორისო სპორტული ღონისძიება ჯერ არ ჩატარებულა. ეს ჩვენი ქვეყნისთვის, ყველა ჩვენგანისთვის დიდი პასუხისმგებლობაცაა და ერთგვარი გამოცდილებაც. დარწმუნებული ვარ, ჩვენ ყველაფერს ღირსეულად გავართმევთ თავს“, – გადასცემს ღარიბაშვილის სიტყვებს მისი ოფიციალური „ფეისბუქის“ გვერდი.
