ჭდე: ჯაბა ჯიღაური

ჯაბა ჯიღაურის გამარჯვება “პელისტერთან”

Posted on by კახა ყიფიანი

დღეს მაკედონიის პირველ ლიგაში მე-16 ტურის მატჩები ჩატარდა.

სკოპიეში, “ტელეკომ არენაზე” “ვარდარმა” “პელისტერი” მიიღო. არც ისე სანახაობრივ შეხვედრაში ერთადერთი გოლი გავიდა. მისი ავტორი დედაქალაქელთა ფეხბურთელი, ვისარ მუსლიუ გახდა. 23 წლის მაკედონიელმა 65-ე წუთზე გაიტანა “ვარდარის” გამარჯვების გოლი.

ამ მატჩში მონაწილეობა მიიღო საქართველოს ნახევარმცველმა, ჯაბა ჯიღაურმა. მან სასტარტო შემადგენლობიდან დაიწყო, თუმცა მეორე ტაიმის დასაწყისშივე შეცვალეს. მის მაგივრად მოედანზე სომეხი ლეგიონერი, ბარსეღიანი გამოვიდა.

ამ მოგების შემდეგ ჯიღაურის გუნდი 29 ქულით მეორე პოზიციაზეა.

ჯიღაურის ვარდარმა გასვლაზე წააგო

Posted on by ცოტნე შაორშაძე

მაკედონიის პირველ დივიზიონში დღეს მეთერთმეტე ტურის შეხვედრაში “პაბედამ” “ვარდარს” უმასპინძლა და მინიმალური სხვაობით დაამარცხა.

“ვარდარის” სასტარტო შემადგენლობაში იყო საქართველოს ნაკრების შემტევი ჯაბა ჯიღაური. როგორც ჩანს ევროპა ლიგაზე განადგურების შემდეგ სკოპიელები გონზე ჯერ კიდევ ვერ მოვიდნენ და ახლა უკვე შიდა ჩემპიონატში დამარცხდნენ.

ჯიღაურის გუნდს მეთერთმეტე ტურისათვის 19 ქულა აქვს და მეორე პოზიციაზეა, მაგრამ “ვარდარს” ორი შეხვედრით ნაკლები აქვს ჩატარებული.

ჯიღაურის “ვარდარი” ევროპა ლიგაზე განადგურდა

Posted on by ცოტნე შაორშაძე

დღეს ევროპა ლიგის მესამე ტურის შეხვედრაში “ვარდარმა” “რეალ სოსიედადს” უმასპინძლა და განადგურდა.

“ვარდარის” სასტარტო შემადგენლობაში იყო ქართელი ფეხბურთელი ჯაბა ჯიღაური, რომელმაც სრული მატჩი ჩაატარა, მაგრამ მინდორზე მნიშვნელოვანი ვერაფერი შექმნა. საბოლოოდ შეხვედრა 0-6 დასრულდა. ესპანელთაგან გოლები შემდეგმა ფეხბურთელებმა გაიტანეს: ოარზაბალი (12), ვილიან ჟოზე (34; 42; 55; 59), დე ლა ბელა (90).

ამ მომენტისათვის მაკედონელები ქულის გარეშე ბოლო ადგილს იკავებენ, მათ 14 გაშვებული და მხოლოდ 1 გატანილი გოლი აქვთ აქტივში.

“ვარდარს” ჩემპიონთა ლიგის პლეი-ოფამდე ერთი ნაბიჯი აშორებს – ჯიღაურს მომდევნო კვირაში ელიან

Posted on by კახა ყიფიანი

გუშინ ჩემპიონთა ლიგის მესამე საკავლიფიკაციო ეტაპის პირველი მატჩები გაიმართა.

ერთ-ერთ შეხვედრაში მაკედონიის “ვარდარი” “ფილიპ II მაკედონსკიზე” დანიურ “კოპენჰაგენს” დაუხვდა. პირველ კლუბში ქართველი ფეხბურთელი, ჯაბა ჯიღაური თამაშობს. 25 წლის ნახევრამცველს ტრავმა აქვს და იგი განაცხადში არ ყოფილა. თუმცა, მომდევნო კვირაში, დიდი ალბათობით, ჯაბა თამაშს შეძლებს.

რაც შეეხება უშუალოდ მატჩს, იგი მინიმალური ანგარიშით სწორედ ჯიღაურის კლუბმა მოიგო. ერთადერთი გოლის ავტორი ჯონათან ბალოტელი გახდა. ბრაზილიელმა 65-ე წუთზე აიღო სკანდინავიელების კარი.

შეგახსენებთ, რომ მომდევნო შეხვედრა უკვე დანიაში, “ტელია პარკენზე”, ორ აგვისტოს, 22:00 საათზე შედგება. ამ ბარეირის გადალახვის შემთხვევაში, ქართველი მოთამაშის გუნდი ჩემპიონთა ლიგის პლეი-ოფში ითამაშებს. იმასაც გეტყვით, რომ თუ “ვარდარი” პლეი-ოფში წარუმატებლად გამოვა, იგი პირდაპირ გადაინაცვლებს ევროპის ლიგის ჯგუფურ ეტაპზე.

ლეგიონი: ჯიღაურის “ვარდარმა” იმარჯვა, კვეკვესკირის “გაბალამ” სახლში ფრე გააგორა

Posted on by კახა ყიფიანი

დღეს მაკედონის ჩემპიონატის 24-ე ტურის მატჩები გაიმართა.

ერთ-ერთ შეხვედრაში პირველადგილოსანმა სკოპიეს “ვარდარმა” თანაქალაქელი “რაბოტნიცკი” მიიღო და მეტოქე ანგარიშით, 2:0 დაამარცხა.

საგულისხმოა, რომ ჯაბა ჯიღაურმა, რომელიც პირველი კლუბის რიგებში გამოდის, შეხვედრა სათადარიგოდან დაიწყო. იგი მოედანზე 61-ე წუთზე სომეხი ტიგრან ბარსეღიანის მაგივრად შევიდა.

ამ მოგებით მაკედონიურმა კლუბმა 56 ქულა დააგროვა და ცხრილში ლიდერობას არავის უთმობს. იგი მეორეადგილოსან “შკენდიას” ექვსი ქულით უსწრებს.

გადავიდეთ აზერბაიჯანის ჩემპიონატზე, სადაც დღეს 24-ე ტურში “გაბალა” “ზირას” შეხვდა. შეხვედრა ანგარიშით, 1-1 დასრულდა.

პირველ გუნდში საქართველოს ნაკრების ნახევარმცველი, ნიკა კვეკვესკირი გამოდის, რომელმაც მატჩი ძირითადიდან დაიწყო. იგი 71-ე წუთზე შეცვალეს.

ამ დაპირისპირების შემდეგ კვეკესკირის გუნდს 48 ქულა აქვს, მეორე ადგილზეა და ლიდერ “ყარაბაღს” ოთხი ქულით ჩამორჩება.

ჯაბა ჯიღაური: “გვინდოდა, ეს სანაკრებო პაუზა კარგ განწყობაზე დაგვესრულებინა”

Posted on by კახა ყიფიანი

ლატვიის დამარცხების შემდეგ, ჯაბა ჯიღაურმა ჟურნალისტებთან ისაუბრა.

“მთლიანობაში, შესანიშნავი თამაში გამოვიდა. სერბეთთან მატჩის შემდეგ, გვინდოდა, კარგ განწყობაზე დაგვესრულებინა ეს სანაკრებო პაუზა.”

“ღმერთის წყალობითა და ჩვენი მონდომებით, ხუთი გოლი გავიტანეთ და ხასიათი გამოვისწორეთ.”

“ვფიქრობ, ნორმალურად ვითამაშე. კარგი იქნებოდა, გოლი გამეტანა, თუმცა, მთავარი გუნდური წარმატებაა,” – განაცხადა ჯაბამ.

ოფიციალურად: ჯაბა ჯიღაური სკოპიეს “ვარდარის” ფეხბურთელია

Posted on by კახა ყიფიანი

კიდევ ერთმა ქართველმა ფეხბურთელმა დატოვა უმაღლესი ლიგა და უცხოეთში გაემგზავრა სათამაშოდ.

სულ ცოტა ხნის წინ ოფიციალურად დადასტურდა, რომ თბილისის “დინამოს” აწ უკვე ყოფილი ფეხბურთელი, ჯაბა ჯიღაური სკოპიეს “ვარდარში” ითამაშებს. ამის შესახებ ინფორმაციას მაკედონიური კლუბის ოფიციალური გვერდი ავრცელებს.

შეგახსენებთ, რომ 24 წლის ფეხბურთელმა კარიერა 2010 წელს თბილისის “დინამოში” დაიწყო. 2013 წელს იგი დედალაქაურმა კლუბმა საჩხერის “ჩიხურაში” გაანათხოვრა, სადაც წელიწად-ნახევარი გაატარა. საგულისხმოა, რომ ჯიღაური იყო იმ “ჩიხურას” ერთ-ერთი ლიდერი, რომელმაც თურქული “ბურსასფორი” გამოთიშა ევროპის ლიგის შესარჩევ ეტაპს და ცოტა დააკლდა ნახსენებ ტურნირზე მოხვედრამდე.

ჯაბა 2016 წლიდან საქრათველოს ეროვნული ნაკრების წევრიცაა. მას ორი შეხვედრა აქვს ჩატარებული.

ჯიღაური: “მჯერა, რომ “დინამო” წელს ჩემპიონი გახდება”

Posted on by საბა

დღეს, საქართველოს უმაღლესი ლიგის პირველი ტურის ბოლო მატჩი “დინამო არენაზე” გაიმართა, სადაც თბილისის “დინამომ” ტურნირის დებიუტანტი, თერჯოლის საპოვნელა 4-0 გაანადგურა.

მატჩის შემდეგ, Fanebi.com-მა ექსკლუზიური კომენტარი დუბლის ავტორთან, ჯაბა ჯიღაურთან ჩაწერა.

– მოგესალმებით ჯაბა, პირველ რიგში, გილოცავთ დღევანდელ მატჩში გამარჯვებას, მიმდინარე სეზონის პირველ შეხვედრაში დუბლი გაიფორმე. როგორ შეაფასებდი შენს მიერ გატანილ გოლებს და გუნდის თამაშს დღევანდელ მატჩში?

– პირველ რიგში, ვულოცავ ყველას ჩემპიონატის დაწყებას. მინდა ავღნიშნო დღევანდელი მატჩი, კარგად ჩავატარეთ. მთავარია, შედეგზე ორიენტირებული თამაში იყო და გამარჯვებას მივაღწიეთ, რაც ჩვენთვის მნიშვნელოვანი იყო. კარგი სტარტი შემდეგი თამაშებისთვის აუცილებლად გამოგვადგება და მე მჯერა, წარმატებით გავაგრძელებთ ეროვნულ ჩემპიონატს.

– როგორ გააგრძელებს მომდევნო მატჩებზე ბრძოლას დედაქალაქური კლუბი და რა იქნება ქართული ფლაგმანის მიზნები მიმდინარე სეზონის განმავლობაში?

– ამას უკვე შემდეგი თამაშები გვაჩვენებს. ჩვენ ძალას არ დავიშურებთ მოგებისთვის და მჯერა, რომ თბილისის “დინამო” წელს ჩემპიონი გახდება.