ირლანდიის ნაკრების მთავარმა მწვრთნელმა მარტინ ონილმა დაკავებული პოსტი დატოვა. მხარეებს შორის გაფორმებული კონტრაქტი ურთიერთშეთანხმების საფუძველზე გაწყდა.
66 წლის სპეფციალისტი ირლანდიელებს 2013 წლიდან წვრთნიდა. მისი თავკაცობით გუნდმა 2016 წლის ევროპის ჩემპიონატის ფინალურ სტადიაზე იასპარეზა.
ირლანდიის ნაკრებმა ერთა ლიგის წლევანდელ გათამაშებაზე ჯგუფში დანიისა და უელსის ეროვნულ გუნდებთან ერთად იასპარეზა და ბოლო ადგილი დაიკავა, რის გამოც С ლიგაში დაქვეითდა.
2016 წლის ევროპის ჩემპიონატის შესარჩევი ეტაპზე საქართველოს ეროვნული გუნდი დუბლინში ირლანდიის ნაკრებს ესტუმრა და შეხვედრის 69-ე წუთზე ჯონათან უოლტერსის მიერ გატანილი ერთადერთი გოლის წყალობით 0:1 დამარცხდა.
მატჩის შემდეგ ირლანდიის ნაკრების მთავარმა მწვრთნელმა მარტინ ონილმა განაცხადა, რომ პირველ ტაიმში მისი გუნდის თამაში არ მოეწონა, თუმცა შეხვედრის მეორე ნახევარში ყველაფერი შეიცვალა.
“ძალზედ დაძაბული მატჩი გამოვიდა. პირველ ტაიმში კარგად ვერ ვითამაშეთ. შეიძლება ითქვას, რომ ვნერვიულობდით. მეორე ნახევარში სიტუაცია შემოვატრიალეთ, დიდი ძალისხმევა ჩავდეთ და გავიმარჯვეთ კიდეც. გოლის მომენტში ჯეფ ჰენდრიკმა შესანიშნავად ითამაშა. იგი უფრო მეტად უნდა წავახალისოთ.
შესანიშნავი იყო ჯონ უოლტერსიც, რომელმაც გოლი გაიტანა”, – ონილის სიტყვები BBC-მ გამოაქვეყნა.
