8 მაისს, საფრანგეთის TOP 14-ის 23-ე ტურში “აჟენის” ქართველმა მორაგბემ, თამაზ მჭედლიძემ “ტულუზთან” გამართულ შეხვედრაში ლელოს დადება მოახერხა.
ლელოს დადებამდე, მჭედლიძემ ვეტერანი ფრანგი ვენსან კლერკი შესანიშნავად ჩამოიშორა, რის გამოც მას ერთ-ერთმა უცხოურმა სარაგბო ვებ-გვერდმა “ქართველი ლომუ” უწოდა.
რაგბის ისტორიაში ერთ-ერთი გამორჩეული მოთამაშე ჯონა ლომუ 40 წლის ასაკში გარდაიცვალა.
ლომუს, რომელმაც ზელანდიის ეროვნულ ნაკრებში ჩატარებულ 73 მატჩში 43 ლელოს გატანა მოახერხა, თირკმელზე სერიოზული პრობლემები ჰქონდა, სწორედ ამის გამო მან კარიერა ნაადრევად დაასრულა.
ოჯახის ერთ-ერთი წარმომადგენლის თქმით, ლომუს გარდაცვალება ძალიან მოულოდნელი იყო, რადგან ის ინგლისიდან სამშაბათს დაბრუნდა.
აგვისტოში, Daily Mail-ისათვის მიცემულ ინტერვიუში, ლომუმ თქვა, რომ მისი მიზანი 55 წლამდე მიღწევა იყო: “ამ დროს ჩემი შვილები 21 წლის იქნებიან. თუ ამ ასაკში ჩემი ისინი ჯანმრთელად იქნებიან, მაშინ ნორმალურად იცხოვრებენ,”
აღსანიშნავია, რომ მიუხედავად ჯანმრთელობის პრობლემებისა, ლომუ ინგლისში, მსოფლიოს ჩემპიონატის მიმდინარეობისას მაინც მუშაობდა.
