ესპანეთის პრიმერადივიზიონის მე-14 ტურში “ვალენსიასა” და “ბარსელონას” შორის “მესტალიაზე” გამართული მატჩი ფრედ, ანგარიშით 1:1 დასრულდა.
ანგარიში შეხვედრის 59-ე წუთზე კატალონიელთა თავდამსხმელმა ლუის სუარესმა გახსნა. 86-ე წუთზე სანტი მინამ წონასწორობა აღადგინა და საბოლოო ანგარიში დააფიქსირა.
მატჩს ტრიბუნიდან ადევნებდა თვალს “ღამურების” ახალი მთავარი მწვრთნელი გარი ნევილი, რომელიც მუშაობას დღეიდან შეუდგება.
“ბარსელონამ” პრიმერადივიზიონში 3 ოქტომბრის შემდეგ ქულები პირველად დაკარგა.
პრიმერადივიზიონის სატურნირო ცხრილს “ბარსა” 34 ქულით ლიდერობს, რაც ორი ქულით მეტია მეორეადგილოსან მადრიდის “ატლეტიკოს” მონაგარზე. “ვალენსიას” 20 ქულით მეცხრე ადგილი უკავია.
ესპანეთის პრიმერადივიზიონი
XIV ტური
“ვალენსია” — “ბარსელონა” 1:1 (0:0)
გოლები: სანტი მინა 86′ — სუარესი 59′.
გაფრთხილებები: პარეხო 70′, დანილო 77′, ხოსე გაია 87′ — მასკერანო 16′.