იტალიური „ბოლონიას“ მთავარი მწვრთნელის პოსტზე დავიდე ბალარდინი დაინიშნა. კლუბმა 50 წლის სპეციალისტთან კონტრაქტი სეზონის ბოლომდე გააფორმა. ბალარდინი უკანასკნელად „ჯენოაში“ მუშაობდა, რომელსაც 2013 წლის პირველ ნახევარში ხელმძღვანელობდა. იტალიაში ის თავისი ემოციური ჟესტიკულაციით არის ცნობილი.
შეგახსენებთ, რომ მანამდე „ბოლონიას“ სტეფანო პიოლი თავკაცობდა, რომელიც კლუბიდან დაუკმაყოფილებელი შედეგების გამო გაათავისუფლეს.
იტალიის სერია A-ს სატურნირო ცხრილში „ბოლონიას“ 15 ქულით მე-17 პოზიცია აქვს დაკავებული. მომდევნო ტურში ბოლონიელები რომის „ლაციოს“ უმასპინძლებენ. სხვათა შორის, ბალარდინი 2009/10 წლებში სწორედ რომაულ კლუბს ხელმძღვანელობდა. მატჩი 11 იანვარს შედგება.
ბექა დოგრაშვილი