მერსესაიდის “ლივერპულის” მთავარი მწვრთნელი იურგენ კლოპი ჟერდან შაქირის ტრანსფერზე საუბრობს. როგორც იცით, მერსესაიდულმა კლუბმა “სტოკ სიტის” ფეხბურთელის სანაცვლოდ 13.5 მილიონი ფუნტ სტერლინგი გადაუხადა.
“როდესაც შაქირის მსგავსი ფეხბურთელი გუნდისთვის ხელმისაწვდომი ხდება, ისღა დაგრჩენია ჭკვიანურად იმოქმედო – როგორც ჩვენ გავაკეთეთ. შაქირი ის ფეხბურთელია, რომელიც ჩვენ გვჭირდება.
მისი შესაძლებლობები ნამდვილად აღსნიშნავია, ის ძალიან სწრაფია და ამასთანავე მოედანზე საკმარისად ამაყი და აგრესიულია. ის მუდამ ბურთს ეძებს და ყოველ მომენტში ცდილობს თამაშზე კარგი გავლენის მოხდენას.
მეორეს მხრივ, ვფიქრობ, რომ ჩვენც საუკეთესო ვარიანტი ვართ მისთვის, რადგანაც ახლა მას დიდი გამოწვევები სჭირდება. ჩვენ მას ყველა პირობას შევუქმნით, რომ საკუთარი თავი საუკეთესოდ წარმოაჩინოს,” – აცხადებს გერმანელი სპეციალისტი.
