ლონდონის “ჩელსის” შემტევი ნახევარმცველი, უილიანი, “ბარსელონას” ყურადღების ცენტრშია მოქცეული. ამ ინფორმაციას ესპანური და ინგლისური გამოცემები ადასტურებენ.
როგორც ცნობილი ხდება, “ბარსელონამ” უკვე მიმართა ბრაზილიელი შემტევის ტრანსფერთან დაკავშირებით “ჩელსის”, თუმცა “არისტოკრატებმა” ოფიციალური წინადადება უარყვეს.
Daily Mail-ის ცნობით, კატალონიელები ლონდონელებს 56 მილიონ ევროს სთავაზობდნენ, თუმცაღა “ჩელსი” მხოლოდ 80 მილიონი ევროს შეთავაზების შემთხვევაში აპირებს მოლაპარაკების მაგიდასთან მისვლას.
პრემიერ ლიგის 30-ე ტურის შაბათი დღე ლონდონის “ჩელსისა” და “კრისტალ პალასის” დაპირისპირებამ დახურა. “ბარსელონასთან” გასამართი უმნიშვნელოვანესი მატჩის წინ “არისტოკრატებმა” განწყობა გამოიკეთეს – “არწივები” ანგარიშით 2:1 დაამარცხეს.
მატჩის გმირი უილიანი გახდა, რომელმაც თავის გამოჩენა “ბარსელონასთან” მატჩშიც შეძლო. ამ უკანასკნელმა შეხვედრის 25-ე წუთზე გახსნა ანგარიში, 32-ე წუთზე კი კელიმ საკუთარ კარში ჩაჭრა ბურთი. შეხვედრის მიწურულს ვან ანჰოლტმა ერთი გოლი გაქვითა (90′), თუმცა ამან ვერაფერი შეცვალა.
30 მატჩში დაგროვებული 56 ქულით ინგლისის მოქმედი ჩემპიონი მეხუთე პოზიციას იკავებს და მომავალ ტურში “ტოტენჰემს” მიიღებს, “კრისტალ პალასი” კი მე-18 ადგილზეა 27 ქულით.
“ჩელსი”: ტიბო კურტუა; გარი კეჰილი, კრისტენსენი, ასპილიკუეტა; ალონსო, კანტე, ფაბრეგასი, ზაპაკოსტა; ედენ აზარი (ბაკაიოკო 88′), უილიანი; ჟირუ (ალვარო მორატა 72′)
მთავარი მწვრთნელი: ანტონიო კონტე
“კრისტალ პალასი”: ჰენესი; ვან-ბისაკა, კელი, ტომკინსი, ვან ანჰოლტ; ტაუნსენდი (ლი ჩუნ-იონი 81′), მილივოიევიჩი, მაკკართური, შლუპი (რიდევალდი 75′); სორლოტი, ბენტეკე (ზაჰა 46′)
მთავარი მწვრთნელი:როი ჰოჯსონი
ლონდონის “ჩელსის” ბრაზილიელმა ნახევარმცველმა, უილიანმა უარყო ინფორმაცია მასსა და “პარის სენ-ჟერმენს” შორის რაიმე შეთანხმების არსებობასთან დაკავშირებით და აღნიშნა, რომ კარიერის დასრულება სწორედ “არისტოკრატთა” რიგებში სურს.
“პრესაში “პარის სენ-ჟერმენის” ინტერესთან დაკავშირებით წავიკითხე, თუმცა ისეთი წინადადება არასდროს მიმიღია, ყურადღება რომ გამემახვილებინა.
ჩემი ოჯახი ლონდონში თავს მშვენივრად გრძნობს და მე ძალიან მომწონს პრემიერ ლიგა, რომელიც ჩემთვის მსოფლიოს საუკეთესო ჩემპიონატია.
მე კვლავ ვპროგრესირებ გუნდში, რომელიც ლამაზ ფეხბურთს თამაშობს. ჩემი მიზანი არა გუნდიდან წასვლა, არამედ კონტრაქტის გახანგრძლივებაა, რადგანაც კარიერის დასრულება ამ კლუბში მსურს.”
ცნობილი ბრიტანული გამოცემა, Daily Mirror იუწყება, რომ ჩინური გრანდი, “გუანჟოუ ევერგრანდი” ლონდონის “ჩელსის” ფორვარდის, უილიანის ტრანსფერის განხორციელებას აპირებს.
“გუანჟოუმ” ახლო წარსულში ორი დიდი ფეხბურთელის შეძენა შესძლო (პაულინიო “ტოტენჰემიდან” და ჯექსონ მარტინესი “ატლეტიკოდან”), თუმცა ისინი ამით დაკმაყოფილებას არ აპირებენ.
უილიანი კი ჯერჯერობით “სტემფორდ ბრიჯის” ბინადრებთან ახალი კონტრაქტის გაფორმებას არ აპირებს, მიუხედავად იმისა, რომ “არისტოკრატები” მას კვირაში 120,000 ფუნტს სთავაზობენ.
“გუანჟოუს” გარდა ბრაზილიელი ფეხბურთელის გადაბირებით რამოდენიმე ინგლისური კლუბია დაინტერესებული, თუმცა ყველაზე რეალურ ვარიანტად სწორედ ჩინური კლუბი ითვლება, რომელიც მზადაა უილიანის სანაცვლოდ 50 მილიონი ფუნტიც გაიღოს.
ტურინის “იუვენტუსს” იმედი აქვს, რომ ლონდონის “ჩელსის” შემტევი ნახევარდაცვის რომელიმე წევრს მაინც გადაიბირებს ზაფხულის სატრანსფერო ფანჯარაზე. ამ ინფორმაციას Tuttosport ავრცელებს.
როგორც იცით, ხუან კუადრადოს კონტრაქტის თანახმად “სტემფორდ ბრიჯზე” დაბრუნება მოუწევს, სადაც დიდი ალბათობით ანტონიო კონტე დახვდება, რომლის ინტერესზე ლეონარდო ბონუჩისა და სიმონე ძაძას მიმართ ძალიან ბევრს საუბრობენ.
ამიტომაც “ბებერი ქალბატონი” ეცდება ამ სიტუაციიდან მოგებული გამოვიდეს და “არისტოკრატთა” რომელიმე ნახევარმცველი (უილიანი, ოსკარი ან აზარი) გადაიბიროს. რასაც ხელს ის ფაქტიც შეუწყობს, რომ მომავალ სეზონში “ლურჯები” ევროპულ სარბიელზე დიდი ალბათობით ვერ იასპარეზებენ.
