ევროპა ლიგის მესამე ტურის შეხვედრაში საბა კვირკველიას “ლოკომოტივი” “შერიფს” ეწვია და ფრედ, 1-1 ითამაშა.
მოსკოველთა სასტარტო შემადგენლობაში იყო საქართველოს ნაკრების ცენტრალური მცველი საბა კვირკველია, რომელმაც მინდორზე 90 წუთი დაჰყო და საკმაოდ საიმედოდაც გამოიყურებოდა. შეხვედრაში პირველი გოლი სწორედ “ლოკომოტივმა” გაიტანა მე-17 წუთზე, თავი ანტონ მირანჩუკმა გამოიჩინა, რაც შეეხება მასპინძლებს ანგარიში 31-ე წუთზე ბადიბანგამ გაათანაბრა.
კვირკველიას გუნდს 5 ქულა აქვს და ჯგუფში პირველ ადგილს იკავებს. “ლოკომოტივი” ევროპა ლიგაზე შემდეგ შეხვედრას 2 ნოემბერს გამართავს და მისი მეტოქე სწორედ მოლდოვური “შერიფი” იქნება.
