ჭდე: საბა კვირკველია

“ლოკომოტივმა” ლიდერობა გაიმყარა – კვირკველია სასტარტოში

Posted on by ცოტნე შაორშაძე

დღეს რუსეთის პრემიერ ლიგაში მე-20 ტურის შეხვედრაში “ტოსნომ” მოსკოვის “ლოკომოტივს” უმაპინძლა და უშანსოდ 3-1 დამარცხდა.

სტუმართა სასტარტო შემადგენლობაში იყო საქართველოს ნარკრების ცენტრალური მცველი საბა კვირკველია, რომელმაც სრული მატჩი ჩაატარა და მინდორზე ერთ-ერთი საუკეთესო იყო. შეხვედრაში დედაქალაქელები მე-19 წუთზე ფარფანის გოლით დაწინაურდნენ. მეორე გოლი ედერმა 54-ე წუთზე გაიტანა. მდოგმარეობის გამოსწორებას “ტოსნოს” ფეხბურთელები 66-ე წუთზე შეეცადნენ, როდესაც ტრუჯიჩმა სხვაობა ერთამდე შეამცირა, მაგრამ 73-ზე ფარფანმა დუბლი გაიფორმა და საბოლოოდ შეხვედრა “ლოკომოტივის გამარჯვებით 3-1 დასრულდა.

ამ გამარჯვების შემდეგ საბა კვირკველიას გუნდს 20 ტურში 45 ქულა აქვს და პირველ ადგილს დამაჯერებლად იკავებს.

საბა კვირკველიას “ლოკომოტივი” ევროპა ლიგის 1/16 ფინალში იასპარეზებს

Posted on by ცოტნე შაორშაძე

რამდენიმე წუთის წინ დასრულდა ევროპა ლიგის ჯგუფური ეტაპის ბოლო მე-6 ტურის შეხვედრა ჩეხეთში, “ზლინმა” მოსკოვის “ლოკომოტივს” უმასპინძლა და 0:2 დამარცხდა.

სტუმართა სასტარტო შემადგენლობაში იყო საქართველოს ნაკრების ცენტრალური მცველი საბა კვირკველია, რომელმაც სრული მატჩი ჩაატარა და მოსკოველთა შემადგენლობასი ერთ-ერთი საუკეთესო იყო. პირველ ნახევარში გუნდები თანაბარად თამაშობდნენ, მაგრამ მეორე ტაიმში “ლოკომოტივმა” შეხვედრაში აშკარა გარდატეხა შეიტანა და ანგარიში 70-ე წუთზე მირანჩუკმა გახსნა, ხოლო 5 წუთში ფარფანმა სხვაობა ორამდე გაზარდა და თავის გუნდს გამარჯვებასთან ერთად 1/16 ფინალის საგზური მოუპოვა.

საბოლოოდ საბა კვირკველიას “ლოკომოტივმა” 11 ქულით ჯგუფში პირველი ადგილი დაიკავა. ჯერჯერობით უცნობია, თუ ვის დაუპირისპირდება კვირკველიას გუნდი 1/16 ფინალში.

კვირკველიას “ლოკომოტივმა” ნავალოვსკის “ხაბაროვსკი” დაამარცხა

Posted on by ცოტნე შაორშაძე

დღეს რუსეთის პრემიერ ლიგის მე-18 ტურის შეხვედრა გაიმართა, სადაც “სკა ხაბაროვსკმა” მოსკოვის “ლოკომოტივს” უმასპინძლა და მძიმე ბრძოლაში 1-2 დამარცხდა.

ორივე გუნდის შემადგენლობაში ირიცხება საქართველოს ნაკრების ფეხბურთელი და ქართველი გულშემატკივრებისთვის საბედნიეროდ ნავალოვკსი და კვირკველია სასტარტო შემადგენლობაში იყვნენ და ორივემ სრული მატჩი ჩაატარა. ქართველები მინდორზე მართლაც რომ გამორჩეულები იყვნენ, მაგრამ გამარჯვება საბოლოოდ საბას “ლოკომოტივს” დარჩა. შეხვედრაში სტუმრები მე-15 წუთზე ჩერევკოს ავტო გოლის წყალობით დაწინაურდნენ, თუმცა “სკა”-მ ანგარიში 2 წუთში გაათანაბრა, თავი ფედეტოვმა გამოიჩინა. ყველაფერი იქით მიდიოდა, რომ შეხვედრა ფრედ 1:1 უნდა დასრულებულიყო, მაგრამ მსაჯის გადაწყვეტილებით 93-ე წუთზე მასპინძელთა კარის მიმართულებით თერთმეტმეტრიანი დაინიშნა, რომელიც ფარფანმა ზუტად ვერ გამოიყენა, თუმცა დამატებაზე თავად ითამაშა და მოსკოველებმა საბოლოოდ მეტოქე 1-2 დაამარცხეს.

ამ მარცხის შემდეგ “სკა” 12 ქულით ბოლო ადგილზეა, ხოლო “ლოკომოტივს” 39 ქულა აქვს და პირველ ადგილზე იმყოფება.

“ანჟი” 0-1 “ლოკომოტივი” – ქართველები სასტარტოში იყვნენ

Posted on by ცოტნე შაორშაძე

დღეს რუსეთის პრემიერ ლიგის მეჩვიდმეტე ტურის შეხვედრა გაიმართა, სადაც ერთმანეთს ლორიას “ანჟი” და კვირკველიას “ლოკომოტივი” დაუპირისპირდნენ.

ქართველი გულშემატკივრი გასახარად ეროვნული ნაკრების ორივე ფეხბურთელი სასტარტო შემადგენლობაში იყო და სრული მატჩი ჩაატარეს. შეხვედრაში ერთადერთი გოლი პირველი ტაიმის მიწურულს გავიდა, სტუმართა მხრიდან თავი მირაჩუკმა გამოიჩინა (43′). აღნინულ მატჩში ლორიას ბევრი საქმე არ ჰქონია, რაც შეეხება საბას ის დამაჯერებლად თამაშობდა მთელი შეხვედრის განმავლობაში.

ამ შედეგის შემდეგ “ლოკომოტივი” პირველ ადგილზეა და უახლოეს მდევარს 6 ქულით უსწრებს, რაც შეეხება “ანჟის”, ისინი 16 ქულით მეთხუთმეტე ადგილზე არიან.

კვირკველიას მარცხი ევროპა ლიგაზე

Posted on by ცოტნე შაორშაძე

დღეს ევროპა ლიგის მეოთხე ტურის შეხვედრები გაიმართა, მოსკოვში ადგილობრივმა “ლოკომოტივმა” “შერიფს” უმასპინძლა და მძიმე ბრძოლაში 1-2 დამარცხდა.

“ლოკომოტივის” სასტარტო შემადგელობაში იყო საქართველოს ნაკრების ცენტრალური მცველი საბა კვირკველია, რომელმაც მინდორზე 90 წუთი გაატარა და კარგადაც გამოიყურებოდა, მაგრამ მისი გუნდი მაინც დამარცხდა. თავდაპირველად ანგარიში სწორედ მოსკოველებმა გახსნეს, 26-წუთზე თავი ფარფანმა გამოიჩინა. მოლდოველთაგან წონასწორობის აღდგენა 41-ე წუთზე ბადიბანგამ შეძლო, ხოლო 58-ზე ბრეზოვიჩმა თავისი გუნდი წინ გაიყვანა. საბოლოოდ “ლოკომოტივი” 1-2 დამარცხდა.

ამ მომენტისათვის საბა კვირკველიას გუნდი ევროპა ლიგის F ჯგუფში მესამე პოზიციაზე იმყოფება და 5 ქულა აქვს, პირველ-მეორე ადგლოსანს კი, მხოლოდ 1 ქულით ჩამორჩება. მოსკოველები ამ ტურნირზე შემდეგ შეხვედრას 23 ნოემბერს “კოპენჰაგენის” წინააღმდეგ გამართავენ.

კვირკველიას ფრე ევროპა ლიგაზე

Posted on by ცოტნე შაორშაძე

ევროპა ლიგის მესამე ტურის შეხვედრაში საბა კვირკველიას “ლოკომოტივი” “შერიფს” ეწვია და ფრედ, 1-1 ითამაშა.

მოსკოველთა სასტარტო შემადგენლობაში იყო საქართველოს ნაკრების ცენტრალური მცველი საბა კვირკველია, რომელმაც მინდორზე 90 წუთი დაჰყო და საკმაოდ საიმედოდაც გამოიყურებოდა. შეხვედრაში პირველი გოლი სწორედ “ლოკომოტივმა” გაიტანა მე-17 წუთზე, თავი ანტონ მირანჩუკმა გამოიჩინა, რაც შეეხება მასპინძლებს ანგარიში 31-ე წუთზე ბადიბანგამ გაათანაბრა.

კვირკველიას გუნდს 5 ქულა აქვს და ჯგუფში პირველ ადგილს იკავებს. “ლოკომოტივი” ევროპა ლიგაზე შემდეგ შეხვედრას 2 ნოემბერს გამართავს და მისი მეტოქე სწორედ მოლდოვური “შერიფი” იქნება.

კვირკველიას “ლოკომოტივი” “უფასთან” დამარცხდა

Posted on by ცოტნე შაორშაძე

რუსეთის პრემიერ ლიგაში მეცამეტე ტურის შეხვედრები გაიმართა.

საბა კვირკველიას “ლოკომოტივი” სტუმრად ეწვია “უფას” და 1-0 დამარცხდა. მინდორზე 90 წუთი გაატარა კვირკველიამ და ყვითელი ბარათიც დაიმსახურა. “ლოკომოტივს” ძალიან კარგი შანსი ჰქონდა ამ გამარჯვების შემთხვევაში “ზენიტისთვის” გადაესწრო და პირველ ადგილზე გადასულიყო.

თავის მხრივ დღეს რუსეთში მეორე ქართველმა ფეხბურთელმაც ითამაშა მე-13 ტურის შეხვედრაში. “არსენალ ტულას” სათადარიგოთა შორის იყო გია გრიგალავა, რომელიც შეხვედრაში 79-ე წუთზე ჩაერთო, სტუმრად მისმა გუნდმა “ზენიტი” დაამარცხა.

კვირკველიას “ლოკომოტივი” მეორე ადგილზეა, გრიგალავას “ტულა” კი მეცხრეზე.

ქართული ლეგიონი: ჩაკვეტაძის დებიუტი, კვირკველიასა და მერებაშვილის გამარჯვება

Posted on by ცოტნე შაორშაძე

სანაკრებო პაუზამდე დატვირთული საფეხბურთო ვიიქენდი გამოვიდა ქართველი ფეხბურთელებისათვის.

მას შემდეგ, რაც “დინამოს” აკადემიის აღზრდილი გიორგი ჩაკვეტაძე “გენტში” გადავიდა, ძირითადი გუნდის რიგებში პირველად ვიხილეთ. გიორგი მოედანზე 82-ე წუთზე გამოჩნდა, მისი კლუბი კი, “ბრიუგესთან” 2-1 დამარცხდა.

რუსეთის პრემიერ ლიგაში გამართულ მეთორმეტე ტურში “ლოკომოტივმა” “დინამოს” უმასპინძლა და 2-0 დაამარცხა, ამ შეხვედრაში 90 წუთი გაისარჯა ქართველი ფეხბურთელი სოლომონ კვირკველია. ასევე “უფას” სასტარტოში იყო მეორე ქართველი ცენტრალური მცველი ჯიმი ტაბიძე, რომელმაც ასევე, სრული შეხვედრა ჩაატარა. სამწუხაროდ “ანჟის” სათადარიგოთა შორის დარჩა ქართველთა კიპერი გიორგი ლორია, რომელსაც არა და არ ეძლევა თამაშის საშუალება.

პოლონეთის ექსტრაკლასის მეთერთმეტე ტურში მერებაშვილის “პლოკმა” “ტერმალიცას” უმასპინძლა და მინიმალური სხვაობით 1-0 დაამარცხა. ქართველმა ათიანმა მოედანზე 90 წუთი გაატარა და თავის გუნდს გამარჯვებაში დაეხმარა.

ჰოლანდიაში “ვიტესის” შემადგენლობაში იყო გურამ კაშია. არნემელთა კაპიტანმა სრული შეხვედრა ჩაატარა და “უტრეხტთან” ფრედ 1-1 ითამაშა. “ვიტესი” ამ შეხვედრის შემდეგ 14 ქულით მესამე ადგილზეა.

საბა კვირკველიამ “ლივერპულთან” მატჩში კინაღამ ავტოგოლი გაიტანა

Posted on by ბექა დოგრაშვილი

უეფას ევროპის ლიგის ჯგუფურ ეტაპზე ყაზანის “რუბინსა” და “ლივერპულს” შორის გამართულ მატჩში (0:1) მასპინძელთა ქართველი ლეგიონერი საბა კვირკველია მოწოდების სიმაღლეზე იყო, მაგრამ პირველი ტაიმის ბოლოს ავტოგოლს გადაურჩა. ახალგაზრდა მცველმა თავით ბურთი საკუთარ კარში გადაგზავნა, თუმცა მეკარე სერგეი რიჟიკოვმა შესანიშნავი რეაქცია გამოავლინა და კვირკველია ავტოგოლისგან იხსნა.

საბა კვირკველია “ლივერპულთან” სასტარტო განაცხადშია

Posted on by ბექა დოგრაშვილი

დღეს უეფას ევროპის ლიგის ჯგუფური ეტაპის მესამე ტურის მატჩები იმართება. “ლივერპული” “ენფილდზე” ყაზანის “რუბინს” მასპინძლობს, რომლის ღირსებასაც საქართველოს ნაკრების მცველი საბა კვირკველია იცავს. ქართველი ლეგიონერი სასტარტო განაცხადშია.

მატჩი “ლივერპულსა” და “რუბინს” შორის თბილისის დროით 23:05 საათზე დაიწყება.

აქვე გეტყვით, რომ B ჯგუფს შვეიცარიული “სიონი” 4 ქულით ლიდერობს, “ლივერპულსა” და “ბორდოს” 2-2 ქულა აქვთ, “რუბინს” კი 1 ქულით ბოლო ადგილი უკავია.

საბა კვირკველიამ საწყისი ორივე ტურის მატჩში სრულად ითამაშა.