ჭდე: გიორგი ნავალოვსკი

კვირკველიას “ლოკომოტივმა” ნავალოვსკის “ხაბაროვსკი” დაამარცხა

Posted on by ცოტნე შაორშაძე

დღეს რუსეთის პრემიერ ლიგის მე-18 ტურის შეხვედრა გაიმართა, სადაც “სკა ხაბაროვსკმა” მოსკოვის “ლოკომოტივს” უმასპინძლა და მძიმე ბრძოლაში 1-2 დამარცხდა.

ორივე გუნდის შემადგენლობაში ირიცხება საქართველოს ნაკრების ფეხბურთელი და ქართველი გულშემატკივრებისთვის საბედნიეროდ ნავალოვკსი და კვირკველია სასტარტო შემადგენლობაში იყვნენ და ორივემ სრული მატჩი ჩაატარა. ქართველები მინდორზე მართლაც რომ გამორჩეულები იყვნენ, მაგრამ გამარჯვება საბოლოოდ საბას “ლოკომოტივს” დარჩა. შეხვედრაში სტუმრები მე-15 წუთზე ჩერევკოს ავტო გოლის წყალობით დაწინაურდნენ, თუმცა “სკა”-მ ანგარიში 2 წუთში გაათანაბრა, თავი ფედეტოვმა გამოიჩინა. ყველაფერი იქით მიდიოდა, რომ შეხვედრა ფრედ 1:1 უნდა დასრულებულიყო, მაგრამ მსაჯის გადაწყვეტილებით 93-ე წუთზე მასპინძელთა კარის მიმართულებით თერთმეტმეტრიანი დაინიშნა, რომელიც ფარფანმა ზუტად ვერ გამოიყენა, თუმცა დამატებაზე თავად ითამაშა და მოსკოველებმა საბოლოოდ მეტოქე 1-2 დაამარცხეს.

ამ მარცხის შემდეგ “სკა” 12 ქულით ბოლო ადგილზეა, ხოლო “ლოკომოტივს” 39 ქულა აქვს და პირველ ადგილზე იმყოფება.

ნავალოვსკის “სკა” ისევ დამარცხდა

Posted on by ცოტნე შაორშაძე

დღეს სანაკრებო პაუზის შემდეგ რუსეთის პრემიერ ლიგა განახლდა. მეჩვიდმეტე ტურის პირველ შეხვედრაში “ხაბაროვსკმა” “ცსკას” უმასპინძლა და მძიმე ბრძოლაში 2:4 დამარცხდა.

მასპინძელთა სასტარტო შემადგენლობაში იყო საქართველოს ნაკრების მარცხენა მცველი გიორგი ნავალოვსკი, რომელმაც სრული შეხვედრა ჩაატარა, მაგრამ გუნდს წარმატებაში ვერ დაეხმარა. თავდაპირველად მატჩში “სკა” დაწინაურდა, მე-5 წუთზე თავი დედეჩკომ გამოიჩინა, თუმცა მათი სიხარული დიდხანს არ გაგრძელებულა და 7 წუთში ძაგოევმა ანგარიში გაათანაბრა. უხვ გოლიანი გამოდგა მატჩის მეორე ნახევარი. 74-ე წუთზე ვერნბლუმმა მოსკოველები წინ გაიყვანა, მაგრამ ამჯერად უკვე “ხაბაროვსკმა” შეძლო წონასწორობის მალე აღდგენა (81′), თუმცა ზუსტად ორ წუში ვერნბლუნმმა დუბლი გაიფორმა, ხოლო 93-ე წუთზე ვიტინიომ საბოლოო ანგარიში დააფიქსირა.

ამ მარცხის შემდეგ ნავალოვსკის “სკა” 12 ქულით ბოლო ადგილს იკავებს, შემდეგ შეხვედრას ისინი “ლოკომოტივთან” გამართავენ.

გრიგალავას “ტულამ” ნავალოვსკის “ხაბაროვსკი” დაამარცხა

Posted on by ცოტნე შაორშაძე

რუსეთის პრემიერ ლიგის მეთექვსმეტე ტურში “ხაბაროვსკმა” “არსენალს” უმასპინძლა და 1-2 დამარცხდა.

ამ შეხვედრაში მონაწილე ორივე გუნდის შემადგენლობაში ირიცხება ქართველი ფეხბურთელი. საბედნიეროდ ნავალოვსკიც და გრიგალავაც სასტარტო შემადგენლობაში იყვნენ. გიამ მოედანზე 73 წუთი გაატარა და 42-ზე ყვითელი ბარათი დაიმსახურა. რაც შეეხება ნავალოვსკის მან სრული შეხვედრა ჩაატარა, მაგრამ გუნდის დახმარება ვერაფრით შეძლო. თავდაპირველად “ტულა” დაწინაურდა. მე-5 წუთზე ანგარიში კანგვამ გახსნა (5′) , მასპინძლებმა წონასწორობა 33-ე წუთზე ფედოტოვის შედეგიანი დარტყმით გაათანაბრეს. გადამწვეტი გოლი ჯორჯევიჩის ანგარიშზეა, რომელმაც 86-ე წუთზე შეძლო მეტოქის კარის დალაშქვრა. საბოლოოდ შეხვედრა “არსენალის” გამარჯვებთ 2-1 დასრულდა.

ამ წარმატების შემდეგ “ტულას” 23 ქულა აქვს და მე-6 პოზიციას იკავებს, რაც შეეხება “სკა”-ს ისინი ბოლო ადგილზე არიან.

გიორგი ნავალოვსკიმ რუსეთის თასზე გაიტანა

Posted on by ცოტნე შაორშაძე

ამ წუთებში დასრულდა შეხვედრა რუსეთის თასზე, სადაც ერთმანეთს  “ხაბაროვსკი” და “დინამო სანკტ-პეტერბურგი” დაუპირისპირდნენ.

გიორგი ნავალოვსკი სათადარიგოთა შორის იყო, მაგრამ საქართველოს ნაკრების მარცხენა მცელი შეხვედრაში 37-ე წუთზე ჩაერთო. 61-ე წუთზე კი, მან “ხაბაროვსკი” დააწინაურა. მეორე გოლი მარკოვიჩის ანგარიშზეა (72). საბოლოოდ ნავალოვსკის გუნდმა 2-0 გაიმარჯვა და შემდეგ ეტაპზე გავიდა.

თუ ვის დაუპირისპირდება “ხაბაროვსკი” 1/4 ფინალში სულ მალე გაირკვევა.

ნავალოვსკისა და ტაბიძის გუნდები ფრეზე გაიყარნენ

Posted on by ცოტნე შაორშაძე

დღეს რუსეთის პრემიერ ლიგაში მეთოთხმეტე ტურის მატჩები მიმდინარეობს.

უკვე დასრულდა შეხვედრა “ხაბაროვკსა” და “უფას” შორის (2-2), ორივე გუნდის რიგებში ირიცხა ქართველი ფეხბურთელი. დღეს მინდორზე მხოლოდ ნავალოვსკი გამოჩნდა. “სკა”-ს შემადგენლობაში საქართველოს ნაკრების მარცხენა მცველმა 90 წუთი ითამაშა. გიორგიმ 63-ე წუთზე ყვითელი ბარათი დაიმსახურა. რაც შეეხეbა ჯიმი ტაბიძეს, ის არც დღეს გამოჩენილა “უფას” განაცხადში, როგორც ჩანს, ჯიმიმ ტრავმის მოშუშება ჯერჯერობით ვერ მოახერხა.

“ხაბაროვსკი” 12 ქულით გასავარდნ ზონაში იმყოფება, ხოლო “უფას” 18 ქულა აქვს და მეშვიდე პოზიციას იკავებს.

ლეგიონი: კაშიამ იმარჯვა, ნავალოვსკიმ – წააგო; ორივემ შეუცვლელად ითამაშა!

Posted on by კახა ყიფიანი

დღეს ერედივიზიონის 28-ე ტურის შეხვედრები გაიმართა.

არნემის “ვიტესი, რომლის კაპიტანიც, გურამ კაშიაა, საკუთარ მოედანზე “ნაიმეგენს” დაუპირისპირდა. შეხვედრა მასპინძელთა უპირატესობით წარიმართა და მათივე გამარჯვებით (2:1) დასრულდა. არენემელთა მხრიდან 28 წლის ჰოლანდიელი თავდამსხმელი, ვან ვოლფსვინკელი დუბლით გამოირჩა. ერთი ბურთის გაქვითვა ფრანს კადიოგლუმ მოახერხა.

საქართველოს ნაკრების ერთ-ერთმა ლიდერმა შეუცვლელად ითამაშა.

ამ გამარჯვებით “ვიტესს” 42 ქულა დაუგროვდა და მეხუთე ადგილზეა. იგი მეოთხეადგილოსან “უტრეხტს” ხუთი ქულით ჩამორჩება.

გადავინაცვლოთ აზერბაიჯანის ჩემპიონატში, რომლის ბაქოს “ნეფთჩიშიც” ჩვენი ნაკრების ფეხბურთელი, გიორგი ნავალოვსკი თამაშობს. დღეს ეს გუნდი 23-ე ტურში საკუთარ მოედანზე “ყარაბაღს” შეხვდა.

თავიდანვე პოზიტიურით დავიწყებ და გეტყვით, რომ ქართველმა მარცხენა მცველმა შეუცვლელად ითამაშა. თუმცა, მისმა კლუბმა პირველ ტაიმში გაშვებული ორი ბურთის შემდეგ, ვეღარაფერი მოახერხა და საბოლოოდ, 0:2 წააგო.

ამ მარცხის შედეგ დედაქალაქურ კლუბს 26 ქულა აქვს და მეხუთე ადგილზეა. იგი მეოთხეადგილოსან “ზირას” ოთხი ქულით ჩამორჩება.

 

 

გიორგი ნავალოვსკიმ ბერძნული “ვერია” დატოვა

Posted on by კახა ყიფიანი

საბერძნეთის “ვერიას” ოფიციალური გვერდი იტყობინება, რომ ქართველმა ფეხბურთელმა, გიორგი ნავალოვსკიმ გუნდი დატოვა.

სტატიაში ნათქვამია, რომ კონტრაქტი ორმხრივი შეთანხმების საფუძველზე გაწყდა.

გიორგი ნავალოვსკი “ვერიაში” გასულ ზაფხულს გადავიდა. ჯერჯერობით უცნობია, სად გააგრძელებს კარიერას 30 წლის მოთამაშე.

გიორგი ნავალოვსკიმ გორში მომხდარი ინციდენტის შესახებ კომენტარი გააკეთა

Posted on by საბა

21 ივლისს, ჩემპიონთა ლიგის მეორე საკვალიფიკაციო ეტაპის განმეორებით შეხვედრაში, გორის “დილამ” საკუთარ მოედანზე ბელგრადის “პარტიზანი” მიიღო და ანგარიშით 0:2 დამარცხდა.

გორელმა ფეხბურთელებმა მეორე გოლი 64-ე წუთზე გაუშვეს, რამაც გულშემატკივრები გაანაწყენა. საბოლოოდ, ფეხბურთელებსა და მაყურებლებს შორის შელაპარაკებაც მოხდა, ხოლო მარცვალაძემ და ნავალოვსკიმ ყვითელი ბარათები მიიღეს.

ამის შესახებ, საქართველოს ნაკრების მარცხენა მცველი კომენტარს აკეთებს:

Снимок