გუშინ, ესპანეთის ნაკრებმა ალბანეთს უმასპინძლა და 3-0 დაამარცხა მეტოქე.
განსაკუთრებული აღმოჩნდა 24 წუთზე ისკოს გოლი. საქმე იმაშია, რომ დავიდ დე ხეას გადაცემის შემდეგ ესპანეთის ნაკრების 10 მოთამაშე შეეხო ბურთს. 18 ზუსტი გადაცემა და ბურთი ისკომდე მივიდა, რომელმაც საოცარი დარტყმით ანგარიში ორამდე გაზარდა. ესპანელებს ამ შეტევის განსახორციელებლად 53 წამი დასჭირდათ.
ესპანეთისა და მადრიდის “რეალის” კაპიტანმა, სერხიო რამოსმა დღევანდელ პრესკონფერენციაზე, საკმაოდ საინტერესო განცხადება გააკეთა, როგორც პიკესთან ურთიერთობაზე, ასევე კატალონიაში მიმდინარე მოვლენებზე.
“გასული კვირა საკმაოდ დაძაბული იყო “ბარსელონას” ფეხბურთელებისათვის, ჩვენ უნდა განვასხვავოთ ფეხბურთი და პოლიტიკა ერთმანეთისგან. სანამ თქვენ წინაშე წარვსრდგებოდი, მსურდა პიკესთან და მთავარ მწვრთნელთან მესაუბრა. ნაკრებში არავისთან მილაპარაკია კატალონიის მხარდაჭერასთან დაკავშირებით, რადგან ესაა ეროვნული ნაკრები. ჩემი სურვილი კი ერთია, ვიცხოვრო თავისუფალ და დემოკრატიულ სახელმწიფოში”, – განცახადა რამოსმა.
“მე და პიკეს ძალიან კარგი ურთიერთობა გვაქვს, მიუხედავად იმისა, რომ შეიძლება განსხვავებული მოსაზრებები გვქონდეს. ყველას გააჩნია გამოხატვის თავისუფლება, მაგრამ ჩვენ აუცილებლად უნდა ვიფიქროთ ეროვნულ ნაკრებზე. ფანებს კი ერთადერთ რაიმეს ვთხოვ, შექმნან შესანიშნავი ატმოსფერო და ისიამოვნონ შეხვედრით.” -განაცხადა სერხიო რამოსმა.
ტურინის “იუვენტუსის” თავდამსხმელი, ალვარო მორატო თვლის, არიც ადურისი, რომელიც შესანიშნავ სეზონს ატარებს, ესპანეთის ეროვნული ნაკრებიდან მოწვევას იმსახურებს.
ადურისმა 2015/16 წლების სეზონში ბასკური კლუბის მაისურით 31 გოლის გატანა მოახერხა, რაც შესანიშნავი შედეგია. ამასთანავე უნდა აღვნიშნოთ ისიც, რომ ესპანელი ფორვარდი 35 წლის არის.
“პირადად მას არც თუ ისე კარგად ვიცნობ, თუმცა ვფიქრობ, რომ ის ძალიან კარგი ტიპია. ის ნამდვილად იმსახურებს ნაკრებში გამოძახებას შესანიშნავი ასპარეზობიდან გამომდინარე.”
ალვარო მორატა იმედოვნებს, ის საფრანგეთში გასამართ ევროპის ჩემპიონატზე შესძლებს თამაშს:”რთულია, თუმცა მჯერა რომ მე ამას შევძლებ. რაც შეეხება ჯგუფს – საკმაოდ კარგია. სეზონის უმნიშვნელოვანესი ნაწილისთვის სრულიად მზად ვარ.”
ესპანეთის ეროვნული ნაკრების თავკაცი, ვისენტე დელ ბოსკე თვლის, რომ საფრანგეთში გასამართ ევრო-2016-ზე “ფურია როხას” მთავარი მეტოქე სწორედ მასპინძელთა გუნდი იქნება.
“ძალიან ძლიერი გუნდები არიან, თუმცა ამ ტურნირზე ფავორიტი არ არსებობს.” – განაცხადა დელ ბოსკემ იტალიის ეროვნულ ნაკრებთან გასამართ ამხანაგურ მატჩამდე.
თუმცა თუ მხოლოდ ერთი გუნდის ამორჩევას მომთხოვთ, ვიტყოდი რომ ეს საფრანგეთია, რამეთუ სწორედ ისინი თამაშობენ სახლში.
მოგებისთვის იტალია, ბელგია, ინგლისი, საფრანგეთი, გერმანია, ესპანეთი და პორტუგალია იბრძოლებს, თუმცა არაა გამორიცხული, რომელიმე სხვა გუნდმაც განაცხადოს ჩემპიონობაზე პრეტენზია, რაც გუნდის კარგი ფორმით იქნება განპირობებული.” – განაცხადა ევროპის მოქმედმა ჩემპიონმა.
ესპანეთის ეროვნული ნაკრების მცველმა, სერხიო რამოსმა მოახლოებულ ევროპის ჩემპიონატზე საუბრისას აღნიშნა, რომ ესპანელები მაქსიმალურად ეცდებიან ტიტულის დაცვას.
“ჩვენ ტიტულს ვიცავთ. მე პატივი მერგო ეს ტიტული ორჯერ მომეგო, თუმცა ძალიან მინდა, რომ მესამედაც მოვიგო.
გუნდი რამოდენიმე მნიშვნელოვანმა ფიგურამ დატოვა – ჩავიმ და ჩაბი ალონსომ, ორმა ცენტრალურმა ნახევარმცველმა, რომელმაც ახალ ერას ჩაუყარეს საფუძველი.
დღეისათვის გუნდში ვეტერანებისა და ახალგაზრდების სრული ბალანსია. ახალგაზრდებს ტიტულის მოგება ძალიან უნდათ, რაც დიდი პლუსია.”
რამდენიმე წუთის წინ დასრულდა ამხანაგური შეხვედრა “ამსტერდამ არენაზე”, სადაც გუს ჰიდინკის შეგირდებმა ესპანეთის ეროვნული ნაკრები დამაჯერებელი ანგარიშით დაამარცხეს.
ჰოლანდია 2-0 ესპანეთი
გოლი: დე ვრეი ’13, კლაასენი ’16
ესპანეთის ნახევარმცველი, ანდრეს ინიესტა მიიჩნევს, რომ 2014 წლის მსოფლიო ჩემპიონატზე განცდილი ფიასკოს მიუხედავად, ესპანეთის ნაკრებმა სტილი არ უნდა შეიცვალოს.
“ჩვენ არ უნდა შევიცვალოთ სტილი, მცირე ჩავარდნის გამო. შეიძლება არსებობდეს მოთამაშეები, რომლებიც ამ ტაქტიკას ბრწყინვალედ მოერგებიან”.
“ჩავარდნილი ეტაპის შემდეგ, წარმატების მწვერვალზე ასვლა ძალიან რთული იქნება, მაგრამ დიდი მუშაობის ხარჯზე, ვიმედოვნებთ, ამას შევძლებთ”.
“ჩემი წარმოდგენა მიმდინარე სეზონზე არაა კარგი, მაგრამ ლა ლიგას სტატისტიკით არ შევაფასებ,”-განაცხადა ინიესტამ.
“იუვენტუსის” ნახევარმცველი, ალვარო მორატა მოხარულია ესპანეთის ეროვნულ ნაკრებში გამოძახებით.
“მოხარული ვარ, რომ ნაკრებში დამსახურებისამებრ მოვხვდი, მიუხედავად სხვა ქვეყანაში გადასვლისა. მადრიდიდან პრაქტიკის უქონლობის გამო წამოვედი. ვგრძნობდი, იქ დარჩენის შემთხვევაში, ადგილს ნაკრებშიც დავკარგავდი”.
“მსურს ფურია როხასთან ერთად წარმატების მიღწევა, აქ სწორედ ამიტომ მოვიდვარ,”-განაცხადა მორატამ.
ამას გარდა, ალვარომ არ განმარტა, თუ რატომ არ აძლევდა ანჩელოტი შანსს.
“ვერ ვაცნობიერებ რა მოხდა. გოლების გატანა დავიწყე და უცებ, სკამზე აღვმოვჩნდი. ყველას აქვს ჩავარდნა, მაგრამ ამის გამო პრობლემები არ ექმნებათ. ანჩელოტისთან არანაირი ურთიერთობა არ მაქვს”.
“ჩელსის” ესპანელი თავდამსხმელი გუშინ “ჰალ სიტისთან” მატჩში(2-3) დაშავდა.
75-ე წუთზე კოშტა ლოიკ რემიმ შეცვალა, რადგან “ფურია როხას” წევრმა თამაშის გაგრძელება ვეღარ შეძლო.
“არისტოკრატთა” მესაჭემ, ჟოზე მოურინიომ დაადასტურა დიეგოს დაზიანება, მას მუხლქვედა მყესი აქვს დაზიანებული. 25 წლის შემტევის სარებილიტაციო კურსებს შეიძლება, ორ კვირაზე მეტი დასჭირდეს.
ამდენად, ეურო-2016-ის შესარჩევ ეტაპზე, უკრაინის წინააღმდეგ, ესპანეთის ეროვნული ნაკრები, დიდი ალბათობით, დიეგო კოშტას გარეშე დარჩება.
თუ ცნობილ ესპანურ გამოცემა AS-ს დავუჯერებთ, ვისენტე დელ ბოსკეს ესპანეთის ნაკრებიდან წასვლა მინიმუმ 2016 წლამდე გადაიდო.
ესპანეთის ფეხბურთის ფედერაციის პრეზიდენტი ანხელ ვილიარი გენერალურ მდივანთან ხორხე პერეს არიასთან ერთად დელ ბოსკეს სრულ ნდობას უცხადებს.
ნდობის მიზეზი კი, სავარაუდოდ, დელ ბოსკეს სხვა გუნდში წასვლაზე უარის თქმაა – აქამდე ესპანელმა სპეციალისტმა ძვირადღირებული წინადადებები იუარა. გავრცელებული ინფორმაციით, მას მანჩესტერული კლუბებისა და იაპონიის ნაკრების თავკაცის პოსტს სთავაზობდნენ.
ესპანეთის ეროვნული ნაკრების მთავარი მწვრთნელი ვისენტე დელ ბოსკე მადრიდის „რეალის“ მეკარის იკერ კასილიასის გამოძახებაში ცუდს ვერაფერს ხედავს.
„კასილიასი აქტიურია, იგი ვარჯიშობს. იკერი ჩემპიონთა ლიგის მატჩებში გამოდის და ვერ ვხედავ პრობლემებს, რომელთა გამოც იგი ნაკრებში არ უნდა იყოს. ფიზიკურად იკერი ბოლომდეა მზად“, – განაცხადა დელ ბოსკემ.
ალექსანდრე მატევოსოვი
