“ლე პარიზიენის” ცნობით, “პარი სენ-ჟერმენს” ლონდონის “ჩელსიდან” ნგოლო კანტეს გადმობირება სურდა. წყაროს თანახმად, იანვრის ბოლოს პარიზული კლუბის წარმომადგენლები ფრანგ ფეხბურთელს დაუკავშირდნენ და “პსჟ”-ში გადასვლა შესთავაზეს, თუმცა კანტემ ტრანსფერზე უარი თქვა.
31 წლის ფეხბურთელსა და “ჩელსის” შორის გაფორმებულ მოქმედ შრომით ხელშეკრულებას ვადა 2023 წლის ზაფხულამდე აქვს. ნგოლო კანტე ლონდონური კლუბის დატოვებას ჯერ არ აპირებს.
ფრანგმა ნახევარმცველმა მიმდინარე სეზონში ყველა საკლუბო ტურნირზე ერთად 31 მატჩი ჩაატარა, ორი ბურთი გაიტანა და ოთხი შედეგიანი გადაცემა მიითვალა. სპეციალიზებული ინტერნეტპორტალი “ტრანსფერმარკტი” კანტეს სატრანსფერო ღირებულებას 50 მილიონ ევროდ აფასებს.
