ინგლისურ პრესაში აქტიურად ვრცელდება ინფორმაცია იმის შესახებ, რომ მაჰრეზი კლუბის შეცვლასთან ახლოსაა.
როგორც ადგილობრივი გამოცემები იუწყებიან, მაჰრეზის დამატება “არსენალსა” და “ტოტენფემს” სურთ.
ორივე გუნდი მზადაა ალჟირელი ფეხბურთელი ზამთრის სატრანსფერო ფანჯარაზე დაიმატონ.
მაჰრეზი 2014 წელს “ლესტერ სიტიში” გადავიდა და იმ პატარა სასწაულის ერთ-ერთი შემოქმედი იყო, რომელიც ამ კლუბმა 2015-2016 წლების სეზონზე შემოგვთავაზა.
6 იანვარს აფრიკის საუკეთესო ფეხბურთელის დაჯილდოვების ცერემონია გაიმართა. საბოლოოდ, აღნიშნული პრიზი რიად მაჰრეზს ხვდა წილად, რომელმაც პრემიერ ლიგის მოგება გასულ სეზონში “ლესტერ სიტისთან:” ერთად მოახერხა.
საგულისხმოა, რომ მეორე ადგილზე გაბონელი ფეხბურთელი, პიერ-ემერიკ ობამეიანგი გავიდა, რომელიც ძალიან უცნაურად ჩაცმული მივიდა დაჯილდოვებაზე. ეს ყველაფერი მაშინ, როცა სხვები ოფიციალურად იყვნენ გამოწყობილნი. ობამეიანგმა მიზეზად ის დაასახელა, რომ ბარგი დაეკარგა და, საბოლოოდ, ასე ჩაცმა მოუწია.
ომარ მომანიმ დაჯილდოვების ცერემონია ასე დაინახა
მართალია, რიად მაჰრეზის გოლებს ფეხბურთის გულშემატკივარი უკვე მიეჩვივნენ, თუმცა დაკვირვებული ფანები შეამჩნევდნენ, რომ მაჰრეზის ზურგზე ყველაფერი ისე არ იყო, როგორც ბოლო დროს.
ალჟირელმა ფლეიმეიკერმა “კოპენჰაგენის” კარში გოლის გატანა მე-40 წუთზე მოახერხა, თუმცა უფრო გასაკვირი ის იყო, რომ მას უკან სახელი და ნომერი განსხვავებულად ეწერა.
რატომ აწერიათ განსხვავებული შრიფტით ფეხბურთელებს სახელი და ნომრები საშინაო ჩემპიონატებში და ევროპულ ტურნირებზე?
პასუხი მარტივია. პრემიერ ლიგასა და ჩემპიონთა ლიგას განსხვავებული სტანდარტები გააჩნიათ, მაგალითად ფეხბურთელის სახელის მაისურზე დატანისას 7.5 სანტიმეტრზე უფრო მაღალი შრიფტი არ უნდა იქნას გამოყენებული. ნომრები კი 25-35 სანტიმეტრებში უნდა ჯდებოდეს.
დღეს პრემიერ ლიგა დაიწყო, რომელიც ძალიან დიდ ინტრიგებსა და დაძაბულ მატჩებს გვპირდება.
ნახსენები ტურნირის გახსნით მატჩში “ჰალ სიტი” და “ლესტერ სიტი” უპირისპირდებიან ერთმანეთს. აღსანიშნავია, რომ გასული სათამაშო სეზონის ჩემპიონებმა ამ შეხვედრით რეკორდი დაამყარეს, რადგან აქამდე პრემიერ ლიგის ისტორიაში არასდროს ყოფილა შემთხვევა, როცა წინა სათამაშო წლის ჩემპიონ კლუბს ახალი სეზონის გახსნით მატჩში მიეღოს მონაწილეობა.
ეგვიპტელმა ფეხბურთელმა, რიად მაჰრეზმა შესანიშნავი სეზონი ჩაატარა “ლესტერის” შემადგენლობაში და ბევრი გრანდის ინტერესის ქვეშ მოექცა. მათ შორის, ყველაზე მეტად “არსენალი” აქტიურობს. ასევე, 25 წლის მოთამაშეს სხვა ევროპულ გუნდებსაც უკავშირებენ.
აღნიშნულთან დაკავშირებით, ჟურნალისტებთან კომენტარი გააკეთა “მელიების” დამრიგებელმა, კლაუდიო რანიერიმ.
“მაჰრეზი ძალიან მნიშვნელოვანი მოთამაშეა ჩვენთვის. მოხარული ვიქნები თუ ის ჩვენთან დარჩება. ის ჩვენი ვარსკვლავია. წავიდეს სხვა გუნდში? რატომ? მსოფლიო ფეხბურთში ძალიან ბევრი გამოჩენილი მოთამაშეა, რომლებსაც შეუძლიათ, დატოვონ ერთი კლუბი და სხვა გააძლიერონ, მაგრამ რიადი ჩვენთან თუ დარჩება, ეს “ლესტერისთვის” ძალიან დიდი წარმატება იქნება. “
“ჩვენ ერთმანეთს ძალიან კარგად ვიცნობთ. ვიცი მისი შესაძლებლობები. მაგრამ წარმოიდგინეთ, მაჰრეზი სხვა კლუბში გადავიდა,სადაც უამრავი ვარსკვლავია. ძალიან დიდი ალბათობაა იმის, რომ იგი სათადარიგოთა სკამზე დაჯდეს და ცოტა დრო მიეცეს თავის გამოსაჩენად. მე კი ზუსტად ვიცი, რა სჭირდება მას. რიადს არასდროს შევუზღუდავ დროს იმისთვის, რომ საკუთარი პოტენციალი ბოლომდე გამოავლინოს,” – განაცხადა რანიერიმ.
რიად მაჰრეზმა საოცარი სეზონი ჩაატარა და “ლესტერის” ჩემპიონობაში განუსაზღვრელი წვლილი შეიტანა. ამ ზაფხულზე მისი გადაბირებით ძალიან ბევრი გრანდი დაინტერესდა. მათ შორის იყო “არსენალი”.
ლონდონელები გუშინ საფრანგეთში, ამხანაგურ შეხვედრაში “ლენსს” დაუპირისპირდნენ. სწორედ იქ მოხდა “მეთოფეთა” მესვეურების” და მაჰრეზის აგენტის შეხვედრა, რომელმაც დაადასტურა, რომ “ლესტერის” ფეხბურთელს გუნდიდან წასვლა სურს. მისი სურვილია, მომავალ სეზონში “არსენალის” მაისურით იასპარეზოს.
შეგახსენებთ, რომ ცოტა ხნის წინ კლაუდიო რანიერიმ განაცხადა მაჰრეზის გუნდში დარჩენის თაობაზე. თუმცა, როგორც აღმოჩნდა, ეგვიპტელ სპორტსმენს ცვალებადი ხასიათი აქვს და თუ გუნდი დათანხმდა, ტრანსფერის განხორციელებას საერთოდ აღარაფერი შეუშლის ხელს.
კლაუდიო რანიერი “ლესტერ სიტის” სათავეში გასულ ზაფხულზე ჩაუდგა. მაშინ ცოტა თუ იფიქრებდა იმას, რომ იტალიელი სპეციალისტი ერთ წელში “პრემიერ ლიგის” ტიტულს მოაგებინებდა “მელიებს”, მაგრამ… ზღაპარი, სახელად “ლესტერ სიტი”, შეიქმნა.
სულ ცოტა ხნის წინ ოფიციალურად დადასტურდა, რომ 64 წლის მწვრთნელმა 4 წლიან კონტრაქტს მოაწერა ხელი ინგლისურ კლუბთან. რანიერი 2020 წლამდე იქნება “ლესტერში” და კვირაში 70 000 ფუნტს მიიღებს.
