დიდი ხანია იწერება იმაზე, რომ “ვესტ ჰემი” სერიოზულად არის დაინტერესებული “მილანის” ფეხბურთელით, კარლოს ბაკათი…
სულ ცოტა ხნის წინ გავრცელდა ინფორმაცია, რომლის თანახმადაც იტალიური კლუბის ხელმძღვანელობა დათანხმდა 29 წლის სპორტსმენის გაშვებას. ეს ყოველივე “ვესტ ჰემის” მესვეურებმა დაადასტურეს. აღნიშნული იმას ნიშნავს, რომ თუ ბაკა თანახმა იქნება, ფაქტობრივად, ფორმალობაღა დარჩება იქამდე, რომ მან ინგლისური კლუბის ფორმა მოირგოს.
დაველოდოთ, რას გადაწყვეტს კოლუმბიელი…
მიმდინარე ზაფხულზე ბევრი დაიწერა იმის შესახებ, რომ “მადრიდის ატლეტიკოს” ფეხბურთელით, ლუსიანო ვიეტოთი ანდალუსიის “სევილია” და კატალონიის “ბარსელონა” ინტერესდებოდა. 22 წლის მოთამაშეს ჰქონდა არჩევანი, ან უნდა ეთამაშა მესის, სუარესისა და ნეიმარის მხარდამხარ ან “სევილიაში” გადასულიყო, სადაც დიდი ალბათობით სტაბილურად იქნებოდა ძირითადში იმ მიზეზით, რომ კლუბს ლორენტე და იმობილე ტოვებენ.
როგორც გაირკვა, მოთამაშის აგენტი და “სევილიას” მესვერურები შეხვდნენ ერთმანეთს არგენტინაში. სწორედ იქ გადაწყდა, რომ მომავალ სეზონს ვიეტო “სევილიაში” იჯარის წესით გაატარებს. მოთამაშეს სჭირდება სათამაშო პრაქტიკა, რომლის მიღების საშუალება არგენტინელს ანდალუსიურ კლუბში უფრო ექნება, ვიდრე “ბარსაში”.
მთელი ზაფხულია არ ცხრება მითქმამოთქმა პოლ პოგბას ტრანსფერთან დაკავშირებით. მთავარი გრანდები, რომლებიც ფრანგი მოთამაშისთვის იბრძვის, მადრიდის “რეალი” და “მანჩესტერ იუნაიტედია”.
“La Gazzetta dello Sport”-ს თუ დავუჯერებთ, “წითელი ეშმაკები” დანებებას არ აპირებენ და მათ პოგბას სანაცვლოდ “ბებერ ქალბატონს” ასტრონომიული თანხა – 125 მილიონი ევრო (104.6 მილიონი ფუნტი) შესთავაზეს.
აღსანიშნავია ის ფაქტიც, რომ პოგბას, ტრანსფერის განხორციელების შემთხვევაში, 12 მილიონი ევრო ექნება ხელფასის სახით. გარდა ამისა, თუ ფრანგი “მანჩესტერს” მიაშურებს, იგი ტრანსფერის ღირებულების 20%-ს ანუ 25 მილიონ ევროს მიიღებს. საინტერესოა, დათანხმდება თუ არა იტალიური გუნდი და თვითონ ფეხბურთელი აღნიშნულ შემოთავაზებას.
რამდენიმე წუთის წინ “ნაპოლის” ოფიციალურმა გვერდმა დაადასტურა ემანუელე ჯაკერინის ტრანსფერი. “სანდერლენდის” უკვე ყოფილმა მოთამაშემ 3 წლიან კონტრაქტს მოაწერა ხელი. ის თანხა, რომელიც “ნაპოლის” ხელმძღვანელობამ ინგლისურ კლუბს გადაუხადა იტალიელი სპორტსმენის სანაცვლოდ, არაა საჯარო.
შეგახსენებთ, რომ 31 წლის შემტევმა ნახევარცველმა გასული სეზონი არენდის წესით “ბოლონიაში” გაატარა.
