“იუვენტუსის” კარში ბოლო წუთებზე გატანილი გადამწყვეტი გოლის ავტორი, კალიდუ კულიბალი, მატჩის შემდეგ პრესისთვის მიცემულ ინტერვიუში აცხადებს, რომ ამ გამარჯვებაში დიდი როლი რწმენამ ითამაშა.
“თავიდანვე ძალიან კარგად ვიცოდით, რომ ძალიან რთული და მნიშვნელოვანი მატჩი გველოდა წინ. ყველაფერი გავაკეთეთ სასურველი შედეგის მისაღწევად და შევძელით კიდეც.
ამ დღეებში ფანები ჩვენს გვერდით იდგნენ, ქალაქი მხარს გვიჭერდა, როდესაც ვხედავდით, როგორ მოგვყვებოდნენ ფანები აეროპორტამდე, ძალიან ბედნიერები ვიყავით. მინდა თითოეულ მათგანს გადავუხადო მადლობა მხარდაჭერისთვის.
“იუვე” ძალიან ძლიერი გუნდია, მაგრამ ჩვენ უკვე დავამტკიცეთ, რომ მათთვის წინააღმდეგობის გაწელა შეგვიძლია. “ნაპოლის” ყოველთვის სჯეროდა, რაც უმნიშვნელოვანესია “სკუდეტოსთვის” ბრძოლაში,” – აცხადებს კულიბალი.
