ჭდე: ფილიპო ინძაგი

„მილანის“ მთავარი მწვრთნელი ფილიპო ინძაგი იმედოვნებს, რომ მისი გუნდის თავდამსხმელი ჟერემი მენეზი, მიმდინარე სეზონის შედეგების მიხედვით, სერია ა-ს საუკეთესო ბობმარდირი გახდება.

„მენეზი? მის კარგ თამაშში წვლილი არ შემიტანია. ის ისედაც ჩინებული თავდამსხმელია, რომელიც შემტევი ნახევარმცველის პოზიციაზეც კარგია. ბერლუსკონიმ და გალიანიმ მასში ინვესტიციები ჩადეს, რისთვისაც ქებას იმსახურებენ. თუმცა, ახლა ის არ უნდა გაჩერდეს. მენეზი ჩემპიონატის საუკეთესო ბობმარდირი უდნა გახდეს. ეს მან არა საკუთარი თავისთვის, არამედ გუნდისთვის უნდა გააკეთოს“, – განაცხადა სუპერპიპომ.

იტალიური მედიასაშუალებების მტკიცებით, “მილანის” პრეზიდენტი სილვიო ბერლუსკონი გუნდის მთავარ მწვრთნელ ფილიპო ინძაგის მომავალთან დაკავშირებით გადაწყვეტილებას დღეს მიიღებს და შესაძლოა, იტალიელი სპეციალისტი თანამდებობიდან გაანთავისუფლოს.

თუ ასე მოხდა, დიდი ალბათობით, პიპოს ადგილს “როსონერის” ახალგაზრდულის გუნდის მთავარი მწვრთნელი, კრისტიან ბროკი დაიკავებს.

„ჩეზენასთან“ მოგებული მატჩით კმაყოფილმა ფილიპო ინძაგიმ განაცხადა, რომ მისმა გუნდმა შემდეგი მატჩებიც უნდა მოიგოს.

„ბედნიერები ვართ, თუმცა გუნდს ჯერ არაფერი გაუკეთებია. ფეხბურთელები უფრო თავდაჯერებულები უნდა იყვნენ. დღეს მათ ეს გამოუვიდათ. ამისთვის ზედიზედ რამდენიმე მატჩის მოგება გვჭირდება“, – განაცხადა „მილანის“ თავკაცმა.

იხილეთ იტალიის ჩემპიონატის სატურნირო ცხრილი