დღეს, მიხეილ მესხის სახელობის სტადიონზე ბრინჯაოს ფინალში შედგა. ერთმანეთს თბილისის “დინამო” და ბათუმის “დინამო” დაუპირისპირდნენ.
მატჩი დაძაბული გამოდგა და, საბოლოოდ, ერთადერთი გატანილი გოლით დასრულდა. მე-16 წუთზე თავის გამოჩენა თემურ შონიამ მოახერხა და ბათუმის “დინამოს” ევროპის ლიგის საკვალიფიკაციო ეტაპის საგზური მოუპოვა.
შესაბამისად, ქართული ფეხბურთის ყველაზე ტიტულოვანი კლუბი – დედაქალაქური “დინამო” ევროტურნირების მიღმა დარჩა.
დღეს უმაღლესი ლიგის პლეი-ოფის განმეორებითი შეხვედრები ტარდება.
ქობულეთში, “ჩელე არენაზე” ბათუმის “დინამომ” ქუთაისის “ტორპედო” მიიღო. მატჩი გარდამავალი უპირატესობით წარიმართა და ერთადერთ გატანილი გოლით დასრულდა: აჭარელთა მხრიდან მე-8 წუთზე ქავთარაძემ გამოიჩინა თავი და მის გუნდს გაამარჯვებინა.
შეგახსენებთ, რომ ამ გუნდებს შორის პირველი მატჩი ქუთაისში “ტორპედოს” გამარჯვებით, ანგარიშით, 2:1 დასრულდა. შესაბამისად: ორი დაპირისპირების ჯამში 2:2 – ბათუმის “დინამომ” სტუმრად გატანილი გოლის წყალობით “ბრინჯაოს ფინალის” საგზური მოიპოვა.
აჭარული გუნდის მეტოქე დღეს “დინამო არენაზე” გაირკვევა. თბილისის “დინამო” “საბურთლოსთან” შეხვდება. თამაში 17:00 საათზე დაიწყება.
