ჭდე: ოდეგაარდი

ედეგორი “არსენალში” მიდის

Posted on by ბექა დოგრაშვილი

მადრიდის “რეალის” ნახევარმცველმა მარტინ ედეგორმა ლონდონის “არსენალში” სამედიცინო შემოწმება გაიარა. ამ ინფორმაციას “სქაი სპორტსის” ჟურნალისტი პოლ გილმორი ავრცელებს.

გავრცელებული ინფორმაციით, “მეთოფეები” 22 წლის ნორვეგიელ ფეხბურთელს იჯარის წესით აიყვანენ. ინფორმაცია უახლოესი 24 საათის განმავლობაში უნდა დადასტურდეს.

ჟურნალისტის თანახმად, “არსენალის” მთავარ მწვრთნელ მიკელ არტეტას ედეგორი ძალიან მოსწონს და მას ძირითადი შემადგენლობის წევრად მოიაზრებს.

მარტინ ედეგორმა მიმდინარე სეზონში ცხრა არასრული მატჩი ჩაატარა.

ოდეგაარდი: “რეალთან” კონტრაქტი გავახანგრძლივე”

Posted on by კახა ყიფიანი

გუშინ ნორვეგიის 21-წლამდე ნაკრები ისრაელს დაუპირისპირდა და უგოლო ფრე გააგორა.

შეხვედრის შემდეგ ნორვეგიელთა ფეხბურთელს, მარტინ ოდეგაარდს მადრიდის “რეალთან” მქონე კონტრაქტზე ჰკითხეს.

“რეალში” მხოლოდ 2018 წლის ზაფხულამდე აღარ ვირიცხები. ჩვენ შეთანხმებას მივაღწიეთ და ახალი ხელშეკრულება ცოტა ხნის წინ დავდეთ. სხვა დეტალებს ვერ გეტყვით,” – აცხადებს ოდეგაარდი.

გეტყვით, რომ მარტინი ამჟამად “ჰერენვენშია” განათხოვრებული.

ზიდანმა ჩემპიონთა ლიგის განაცხადში ორი ახალაგაზრდა ფეხბურთელი შეიყვანა

Posted on by კახა ყიფიანი

მადრიდის “რეალში” ტრავმიანობაა. მარსელო და კარვახალი ისევ ვერ ახერხებენ მწყობრში ჩადგომას. ბრაზილიელი მცველი მოედანზე განცალკევებით ვარჯიშობს. კარვახალი კი, “ვალდებებასის” საწვთნელი ბაზის მინდორზე ჯერ არ ჩანს.

სწორედ ამიტომ, ზინედინ ზიდანმა ჩემპიონთა ლიგის განაცხადში ორი ახალგაზრდა ფეხბურთელი შეიყვანა.

 

პირველი მათგანი მარცხენა მცველი – აბნერია. 20 წლის ბრაზილიელი ე.წ. “A სიაშია” შეყვანილი. ეს ახალგაზრდა 46-ნომრიან მაისურს მორგებს. რაც შეეხება მეორე სპორტსმენს, ესაა აშრაფ ჰაქიმ მოუჰი (“B სია”). იგი 18 წლის მაროკოელი მარჯვენა მცველია. აშრაფი 32-ნომრიან მაისურს მოირგებს.