კილიან მბაპე – გვერდი 4 – Fanebi.Com – ფეხბურთი, კალათბურთი, რაგბი, სხვა

“რეალი” მბაპეს სანაცვლოდ 135 მილიონს იხდის

Posted on ივნისი 5, 2017 by იაკობ კაპანაძე

RMC Sport-ის მიერ მოპოვებული ცნობების მიხედვით, მადრიდის “რეალი” კიდევ ერთი რეკორდის დამხობას აპირებს.

როგორც ცნობილი ხდება, ზინედინ ზიდანმა მისი თანამემამულის, კილიან მბაპეს ტრანსფერი მთავარ პრიორიტეტად გაიხადა ზაფხულის სატრანსფერო ფანჯარაზე.

ესპანური პრესის ცნობით, “რეალი” მზადაა 2016/17 წლების სეზონის მთავარი აღმოჩენის ტრანსფერში 135 მილიონი ევრო გადაიხადოს.

აქვე გეტყვით იმასაც, რომ ამ ტრანსფერისთვის საჭირო თანხის ნაწილის დაგროვებას “რეალი” ხამეს როდრიგესის გაყიდვით გეგმავს – საუბარია დაახლოებიტ 70 მილიონ ევროზე.

მბაპე რაულს გაუთანაბრდა

Posted on მაისი 10, 2017მაისი 10, 2017 by იაკობ კაპანაძე

ჩემპიონთა ლიგის 2016/17 წლების სეზონის პირველი ფინალისტის ვინაობა უკვე ცნობილია – ტურინის “იუვენტუსი”, რომელმაც “მონაკო” ორმატჩიან დუელში ანგარიშით 4-1 დაამარცხა.

მეორე ნახევარფინალურ მატჩში “მონაკოელთა” მხრიდან თავის გამოჩენა კილიან მბაპემ შეძლო, რომელმაც უკვე გაითქვა სახელი მთელ ევროპაში და საკმაოდ დიდ მომავალსაც უწინასწარმეტყველებენ.

შედეგად, კილიან მბაპე ჩემპიონთა ლიგაზე 19 წლის ასაკამდე გატანილი გოლებით რაულს გაუთანაბრდა – 6.

ანტონიო კონტე: “მბაპეს ყველაფერი აქვს დიდი ფეხბურთის სათამაშოდ”

Posted on მაისი 5, 2017 by იაკობ კაპანაძე

ლონდონის “ჩელსის” იტალიელმა თავკაცმა, ანტონიო კონტემ “მონაკოს” ახალგაზრდა ვარსკვლავი და მიმდინარე სეზონის ნამდვილი აღმოჩენა, კილიან მბაპე შეაფასა.

“არ მიყვარს სხვა გუნდის ფეხბურთელებზე საუბარი, მაგრამ ეს შემთხვევა გამონაკლისად შეიძლება ჩაითვალოს. ის ძალიან ნიჭიერი და პერსპექტიული ახალგაზრდაა.

ის ჯერ კიდევ ახალგაზრდაა და დარწმუნებული ვარ, რომ უფრო ძლიერი გახდება. ჩემი გადმოსახედიდან, მას ყველაფერი აქვს დიდი ფეხბურთის სათამაშოდ,” – აცხადებს ანტონიო კონტე.

მიმდინარე სეზონში მან “მონაკოს” მაისური 39 შეხვედრაში მოირგო და ამ დროის მანძილზე 24-ჯერ შეძლო მეტოქის კარის აღება.

კილიან მბაპეს მიღწევა ჩემპიონთა ლიგაზე

Posted on აპრილი 19, 2017აპრილი 20, 2017 by იაკობ კაპანაძე

ფრანგული “მონაკოს” ახალგაზრდა თავდამსხმელმა, კილიან მბაპემ დორტმუნდის “ბორუსიასთან” გამართულ მატჩში ანგარიშის გახსნა შეძლო.

ფრანგი ფეხბურთელისათვის ეს პლეი-ოფის რიგით მეოთხე მატჩია მიმდინარე სეზონში (ჩემპიონთა ლიგაზე). ამ ოთხ მატჩში კი მან საერთო ჯამში 5 გოლის გატანა მოახერხა.

კილიან მბაპე პირველი ფეხბურთელი გახდა ჩემპიონთა ლიგის ისტორიაში, რომელმაც პლეი-ოფის პირველ, მეორე, მესამე და მეოთხე მატჩში შეძლო გოლის გატანა.

კილიან მბაპე ჩემპიონთა ლიგის ისტორიაში შევიდა

Posted on აპრილი 12, 2017 by იაკობ კაპანაძე

ფრანგული “მონაკოს” ახალგაზრდა ვარსკვლავი, კილიან მბაპე “სიგნალ იდუნა პარკზე” ნაჩვენები ბრწყინვალე თამაშის წყალობით ჩემპიონთა ლიგის ისტორიაში შევიდა.

როგორც იცით, ჩემპიონთა ლიგის 1/4-ფინალური ეტაპის პირველი მატჩი, რომელიც დორტმუნდის “ბორუსიას” საშინაო არენაზე გაიმართა, ფრანგთა გამარჯვებით, 2-3 დასრულდა.

აღნიშნულ მატჩში “მონაკოს” ახალგაზრდა თავდამსხმელმა ორი გოლის გატანა მოახერხა.

შედეგად, ის ყველაზე ახალგაზრდა ფეხბურთელი გახდა, რომელმაც ჩემპიონთა ლიგის პლეი-ოფში დუბლის გაფორმება შეძლო.

2 – Mbappé (18 yo & 3 months) is the 2nd youngest player to score in the 1/4 final of the CL, after Bojan in 2008 (17 yo & 7 months). Early.

— OptaJean (@OptaJean) April 12, 2017

პერესი: “ბენზემასა და მბაპეს დუეტი? სავსებით შესაძლებელია”

Posted on მარტი 23, 2017მარტი 23, 2017 by იაკობ კაპანაძე

ფლორენტინო პერესმა აღიარა, რომ არის შანსი, “მონაკოს” 18 წლის ამომავალმა ვარსკვლავმა, კილიან მბაპემ “რეალში” ითამაშოს.

“ბენზემასა და მბაპეს დუეტი? ყველაფერი შესაძლებელია, მაგრამ სეზონის ამ ეტაპზე ამაზე საუბარი არ მინდა.

კარიმი ზიდანისა და რონალდოს ნარევია. ის მსოფლიოს საუკეთესო 9 ნომერია. დარწმუნებული ვარ, რომ ის დარჩება. მხოლოდ ჩემზე რომ იყოს დამოკიდებული, მას კარიერის დარჩენილ ნაწილს სწორედ აქ გავატარებინებდი.

მე ძალიან ბედნიერი ვარ ისეთი ფეხბურთელის ყოლით, როგორიც ბენზემაა და მისი სანიმუშო ყოფაქცევით,” – აცხადებს “რეალის” პრეზიდენტი.

“პარი სენ-ჟერმენმა” შესაძლოა, მბაპე 60-90 მილიონად იყიდოს

Posted on მარტი 21, 2017 by იაკობ კაპანაძე

ფრანგულ პრესაში გავრცელებული უახლესი ინფორმაციის მიხედვით, “პარი სენ-ჟერმენის” ხელმძღვანელები სერიოზულად არიან დაინტერესებულნი კილიან მბაპეს ტრანსფერით.

როგორც ცნობილი ხდება, ფრანგული კლუბის ხელმძღვანელობამ უკვე წამოიწყო მოლაპარაკებები ამ ტრანასფერის თაობაზე.

მართალია, მბაპე 60 მილიონ ევროდ არის შეფასებული, მაგრამ გამომდინარე იქიდან, რომ “მონაკო” და “პსჟ” ერთ ჩემპიონატში თამაშობენ, პარიზელებს შესაძლოა, 20-30 მილიონით მეტის გადახდა დასჭირდეთ.

შეგახსენებთ, რომ მბაპე მიმდინარე სეზონის ერთ-ერთი მთავარი აღმოჩენაა. ლიგა 1-ის 22 მატჩში მან 12 გოლის გატანა შეძლო, ჩემპიონთა ლიგაზე კი ორჯერ შეძლო თავის გამოჩენა (5 მატჩში).