ანდერლეხტი – Fanebi.Com – ფეხბურთი, კალათბურთი, რაგბი, სხვა

ოფიციალურად: “მონაკომ” ტილემანსი გაიფორმა

Posted on მაისი 24, 2017მაისი 24, 2017 by იაკობ კაპანაძე

“ანდერლეხტის” ნახევარმცველი, იური ტილემანსი, რომლის გადაბირების სურვილასც “მანჩესტერ იუნაიტედის” ხელმძღანელები საკმაოდ აქტიურად გამოთქვამდნენ, კარიერას “მონაკოში” გააგრძელებს.

საფრანგეთის ჩემპიონის ოფიციალური ვებ-გვერდი ადასტურებს ინფორმაციას, რომლის მიხედვითაც, ტილემანსმა “მონაკოსთან” 5-წლიან კონტრაქტს მოაწერა ხელი. ტრანსფერის ღირებულება კი 25 მილიონ ევროს შეადგენს.

ბელგიის ჩემპიონატის 2016/17 წლების სეზონში “მონაკოს” ახალწვეულმა 37 მატჩი ჩაატარა, გაიტანა 13 გოლი და გააკეთა 12 საგოლე გადაცემა.

? L’AS Monaco est heureux d’annoncer la signature de Youri Tielemans jusqu’en 2022 !!! #WelcomeToMonaco pic.twitter.com/BcMOexXCnG

— CHAMPIONS ? (@AS_Monaco) May 24, 2017

“ევერტონი” ბელგიურ “ანდერლეხტს” 25 მილიონ ევროს სთავაზობს

Posted on აპრილი 26, 2017 by იაკობ კაპანაძე

ბელგიური “ანდერლეხტის” ნახევარმცველმა, იური ტილემანსმა კარიერა შესაძლოა, ინგლისურ პრემიერ ლიგაში გააგრძელოს.

ადგილობრივი გამოცემის, Sport/Foot-ის მიერ გავრცელებული ცნობების მიხედვით, 19 წლის ფეხბურთელის ტრანსფერით სერიოზულად არის დაინტერესებული მერსესაიდული “ევერტონი”.

ინგლისური კლუბი “ანდერლეხტს” ახალგაზრდა ფეხბურთელის სანაცვლოდ 25 მილიონ ევროს სთავაზობს.

როგორც ცნობილი ხდება ტილემანსის ტრანსფერით ასევე ინტერესდება ფრანგული “მონაკოც”, რომელსაც ბელგიელი ფეხბურთელისათვის ჩემპიონთა ლიგაზე თამაშის შანსის შეთავაზება შეუძლია.

ვიდეო: “ანდერლეხტმა” ახალი მესი აღმოაჩინა?

Posted on სექტემბერი 30, 2016სექტემბერი 30, 2016 by იაკობ კაპანაძე

“ანდერლეხტის” სახელოვან აკადემიაში კიდევ ერთი ნიჭიერი ახალგაზრდა დააბიჯებს, რომელიც შესაძლოა, რომელუ ლუკაკუს, ვინსენ კომპანისა და იური ტილემანსის გზას გაჰყვეს.

საუბარია ბელგიური კლუბის 10 წლის ფეხბურთელზე, რომლის სახელი და გვარი რაიან ბუნიდა გახლავთ, რომელმაც უცხოელების ყურადღება 8 წლის ასაკში მიიპყრო, როდესაც მესის მოძრაობებით რამდენიმე მეტოქეს მარტივად აუარა გვერდი.

“მეხელენის” მეკარემ “ანდერლეხტთან” მატჩში სამი პენალტი მოიგერია (ვიდეო)

Posted on ოქტომბერი 5, 2015 by -

4 ოქტომბერს, ბელგიის ჩემპიონატში, “ანდერლეხტმა” საკუთარ მოედანზე “მეხელენი” მიიღო და ფრედ 1:1 ითამაშა.

მატჩის მთავარი გმირი სტუმართა მეკარე ჟან-ფრანსუა ჟილე გახდა, რომელმაც მე-7, 14-ე და 89-ე წუთებზე “ანდერლეხტის” ფეხბურთელებს სამი პენალტი აუღო.

“ნიუკასლი” “ანდერლეხტს” შეუთანხმდა

Posted on მაისი 5, 2015 by საბა

უახლოეს ზაფხულში, “კაჭკაჭები” შემადგენლობას ალექსანდრ მიტროვიჩით გააძლიერებენ.

gianlucadimarzio.com-ის ცნობით, გუნდებმა მიაღწიეს შეთანხმებას 20 წლის ფეხბურთელის ტრანსფერის თაობაზე, რომელიც 15 მილიონი ფუნტი დაჯდება.

კონტრაქტის ფინანსური მხარეები გაუხმაურებელი რჩება.

შეგახსენებთ, რომ სერბმა თავდამსხმელმა ამ სეზონში “ანდერლეხტის” შემადგენლობაში ჩატარებულ 46 მატჩში 24 გოლი გაიტანა.

17 წლის ფეხბურთელმა, რომლის შეძენაც “ჩელსის” სურს, გასაოცარი გოლი გაიტანა (ვიდეო)

Posted on მაისი 2, 2015მაისი 1, 2015 by -

30 აპრილს, ბელგიის ჩემპიონატში, “გენტმა” საკუთარ მოედანზე “ანდერლეხტი” მიიღო და მეტოქე ანგარიშით 2:1 დაამარცხა.

“ანდერლეხტის” მხირდან ერთადერთი გოლი იური ტილემანსმა გაიტანა. მოგეხსენებათ, 17 წლის ფეხბურთელის შეძენა ლონდონის “ჩელსის” ძალიან სურს.

რატომ გააძევეს მოედნიდან “ანდერლეხტის” ნახევარმცველი სტივენ დეფური (ვიდეო)

Posted on იანვარი 26, 2015იანვარი 25, 2015 by -

25 იანვარს, ბელგიის ჩემპიონატში “სტანდარტმა” საკუთარ მოედანზე “ანდერლეხტი” მიიღო და მეტოქე ანგარიშით 2:0 დაამარცხა.

შეხვედრის 53-ე წუთზე “ანდერლეხტის” ნახევარმცველმა სტივენ დეფურმა ბურთი “სტანდარტის” ფანების ტრიბუნისკენ გადააგდო, მსაჯმა კი მას ამის გამო მეორე ყვითელი ბარათი მიიღო და მოედნის დატოვება მოუხდა.

შეგახსენებთ, რომ დეფური 2006 წლიდან 2011 წლის ჩათვლით “სტანდარტის” ღირსებას იცავდა და ამ გუნდის კაპიტანიც იყო, სტადიონზე კი მასპინძელთა გულშემატკივრებს მისი დამცინავი ბანერები ჰქონდათ ჩამოკიდებული.

მარკო მარინი “ანდერლეხტში” ითამაშებს

Posted on იანვარი 21, 2015 by ბექა დოგრაშვილი

ლონდონის “ჩელსის” ნახევარმცველი მარკო მარინი, რომელმაც სეზონის პირველი ნახევარი იჯარის წესით იტალიურ “ფიორენტინაში” გაატარა, კარიერას “ანდერლეხტში” გააგრძელებს.

გერმანელი ფეხბურთელი ბელგიურ კლუბში მიმდინარე სეზონის ბოლომდე იჯარის წესით ითამაშებს.

“მოხარული ვარ, რომ ჩემს კარიერას ახალი იმპულსი მიეცა. “ანდერლეხტმა” ევროპაში კარგი სახელი დაიგდო და მეც ძალისხმევას არ დავიშურებ, რომ ამ კლუბს ტიტულების მოგებაში დავეხმარო”, – მარინის სიტყვები “ანდერლეხტის” ოფიციალურ ვებგვერდზე გამოქვეყნდა.

მარკო მარინი “ანდერლეხტში” 11-ნომრიან მაისურს მოირგებს.

„ბორუსია“ – „ანდერლეხტი“ 1:1

Posted on დეკემბერი 10, 2014 by Alix

დორტმუნდის „ბორუსიამ“ ჩემპიონთა ლიგის ჯგუფური ეტაპის ბოლო ტურში ბელგიის ანდერლეხტი მიიღო და ფრედ 1:1 ითამაშა.

ანგარიში მატჩის 58-ე წუთზე გაიხსნა, გოლი ჩირო იმობილემ გაიტანა, თუმცა 84-ე წუთზე ალეკსანდრ მიროტიჩმა წონასწორობა აღადგინა.

„ბორუსიამ“ 13 ქულით ჯგუფში პირველი ადგილი დაიკავა და გატანილი/გაშებული გოლების მაჩვენებლით „არსენალს“ აჯობა. რაც შეეხება „ანდერლეხტს“, ბელგიური კლუბი 6 ქულით მესამე აღმოჩნდა და თებერვლიდან ბრძოლას უეფა-ს ევროლის ლიგის პლეიოფში გააგრძელებს.

16 მტკიცებულება იმისა, რომ ლეონარდო დი კაპრიოს სპორტი უყვარს

Posted on ნოემბერი 13, 2014ნოემბერი 13, 2014 by Alix

ბევრი ცნობილი მსახიობი სპორტისადმი სიყვარულით გამოირჩევა. გამონაკლისი არც ლეონარდო დი კაპრიოა.

1. 1992 წელი. 18 წლის დი კაპრიო. უკვე ამ სურათზევე ჩანს, რომ იგი კალათბურთელი ვერ გახდება

2. ისევ 1992 წელი. ამჯერად ლეო ბილიარდის თამაშით ერთობა

3. 2003 წელი. „ლოს-ანჯელეს ლეიკერსის“ მატჩზე

4. სტივენ სპილბერგთან ერთად „ლეიკერსის“ კიდევ ერთ შეხვედრაზე

5. მსახიობები, მუსიკოსები და პროდუსერები 2004 წლის „ოლ სტარტზე“

6. „პოკერი ვარსკვლავებთან“

7. დი კაპრიო და ლებრონ ჯეიმსი

8. „პორტლენდის“ მცველ ბრენდონ როისთან ერთად

9. ტობი მაგუაირი და დი კაპრიო მატჩს საინტერესო სახეებით უყურებენ

10. 2010 წელი. ლეო თავის მეგობარ გოგონასთან ერთად მეივეზერის ერთ-ერთ შეხვედრას დაესწრო

11. კრის ბოში დი კაპრიოს ფილმის პრემიერაზე

12. კამერონ დიასთან ერთად მონაკოს გრან-პრიზე

13. „როლან გაროსზე“

14. როგორც იქნა, ფეხბურთამდეც მივედით. პსჟ – „ანდერლეხტის“ მატჩზე გადაღებული სურათი

15. კევინ კონოლისთან ერთად NHL-ის მატჩზე

16. ამერიკის ღია პირველობაზე

უნდა ჩათვლილიყო თუ არა “ანდერლეხტის” გოლი “არსენალის” კარში?

Posted on ნოემბერი 6, 2014ნოემბერი 5, 2014 by -

4 ნოემბერს, ჩემპიონთა ლიგის გათამაშებაში, ლონდონის “არსენალმა” საკუთარ მოედანზე ბელგიურ “ანდერლეხტს” უმასპინძლა და ფრედ 3:3 ითამაშა.

73-ე წუთზე, ვანდენ ბორემ მეტოქის კარში თერთმეტმეტრიანი დარტყმით გოლი გაიტანა, თუმცა როგორც მატჩის შემდეგ გავრცელებულ კადრებში ჩანს, ეს გოლი სულაც არ უნდა ჩათვლილიყო. ამის მიზეზი ის გახლდათ, რომ დარტყმის შესრულებამდე “არსენალის” საჯარიმოში ფეხბურთელები უკვე შესულები იყვნენ.

„არსენალი“ – „ანდერლეხტი“ 3:3

Posted on ნოემბერი 5, 2014ნოემბერი 5, 2014 by Alix

„არსენალსა“ და „ანდერლეხტს“ შორის უეფა-ს ჩემპიონთა ლიგის D ჯგუფის მატჩი საინტერესოდ დასრულდა. მიუხედავად იმისა, რომ 58-ე წუთზე ლონდონური კლუბი ანგარიშით 3:0 მარცხდებოდა, ბელგიელებმა ინგლისის დედაქალაქიდან ქულის წამოღება მაინც მოახერხეს.

25-ე წუთზე ანგარიში მიკელ არტეტამ გახსნა, რომელმაც დანიშნული პენალტი ზუსტად შეასრულა. უკვე ოთხ წუთში ორამდე ლონდონელთა უპირატესობა ალექსის სანჩესმა გაზარდა. მეორე ტაიმის მე-13 წუთზე თავი ალექს ოქსლეიდ-ჩემბერლენმა გამოიჩინა. ერთ შეხედვით, მატჩი „არსენალისთვის“ მშვიდად უნდა მორჩენილიყო. თუმცა, 61-ე წუთზე ვანდენ ბონეს გოლი „ანდერლეხტისთვის“ ამ თამაშში ერთადერთი არ ყოფილა. 73-ე წუთზე პენალტით ბონემ დუბლი შეასრულა, 90-ე წუთზე კი, ალექსანდრ მიროტიჩმა მესამე გოლიც გაიტანა.

საბოლოოდ, 3:3 და დრამატულ ბრძოლაში „ანდერლეხტმა“ აქტივში ქულა მიითვალა.