Goal-ის მიერ დადასტურებული ინფორმაციის მიხედვით, ლონდონის “არსენალის” მთავარი მწვრთნელი არსენ ვენგერი “ემირეიტსზე” კიდევ ორი წლით დარჩება.
როგორც იცით, 67 წლის ფრანგ სპეციალისტს მიმდინარე სეზონში ძალიან ბევრი გულშემატკივარი განუდგა, თუმცა, როგორც ჩანს, “არსენალის” ხელმძღვანელები კვლავ ენდობიან ვენგერის შესაძლებლობებს.
წყაროს ცნობით, დღეს, ორშაბათს ვენგერმა და სტან კროენკემ საიდუმლო შეხვედრა გამართეს, სადაც გადაწყდა, რომ არსენ ვენგერი “მეთოფეებს” კიდევ ორი წლით მოამზადებს.
ფრენკ ლამპარდი ლონდონის “არსენალის” წარმატებას გამოეხმაურა და “მეთოფეების” დადებით მხარეებსაც გაუსვა ხაზი.
“ის, რამაც დღეს ყველაზე მეტად მომხიბლა, არის “არსენალის” ფეხბურთელების თამაში, როდესაც მათ ბურთი არ ჰქონდათ.
ბურთის კონტროლისასაც ძალიან კარგად მოქმედებდნენ იოზილისა და სანჩესის წყალობით, მაგრამ უბურთუდაც ჭკვიანურად მოძრაობდნენ. თითქოს მთელი კვირა ამაზე ვარჯიშობდნენ.
არსენ ვენგერი? დიდი ზეწოლის მიუხედავად, ის ძალიან ბედნიერი იყო, პატარა ბავშვივით უხაროდა,” – აცხადებს ფრენკ ლამპარდი.
ლონდონის “არსენალის” მთავარმა მწვრთნელმა, არსენ ვენგერმა ინგლისის თასის მოგების შემდეგ პრესასთან ისაუბრა.
“ბრწყინვალე პერფრომანსი ვაჩვენეთ, პირველივე წუთიდან ბოლო წუთამდე დიდებულ ფეხბურთს ვთამაშობდით. ამ გუნდმა დიდი განსაცდელი გამოიარა, მაგრამ დღეს ერთიანი და გაძლიერებული იყო,” – აცხადებს ფრანგი სპეციალისტი.
შედეგად არსენ ვენგერი ინგლისის თასის რეკორდსმენი გახდა, როგორც პირველი მწვრთნელი, რომელმაც ეს ტიტული შვიდჯერ მოიგო – “ვამაყობ, რომ ასეთ რამეს მივაღწიე. ოქროს პრემიერ ლიგისა და ამ ტიტულის შვიდჯერ მოგება, ვამაყობ, რომ ასეთი რამ შევძელი,” – დაამატა მან.
არსენ ვენგერთან რიცხვი ოთხი დიდი ხანია, დაკავშირებულია. ბოლო წლებში “არსენალი” პრემიერ ლიგაში სწორედ ამ ადგილის დაკავებას ახერხებს. თუმცა, წელს ეს ტრადიცია არ გაგრძელდა. “მეთოფეები” მეხუთე პოზიციაზე გავდინენ, ხოლო მათი “კუთვნილი” ადგილი იურგენ კლოპის “ლივერპულმა” დაიკავა.
ომარ მომანიმაც არ დააყოვნა…
მართალია, უკვე ცნობილია, ინგლისის ჩემპიონისა და იმ სამი გუნდის ვინაობა, რომლებიც მომავალ სეზონში დაქვეითდებიან, მაგრამ პრემიერ ლიგის მიმდინარე სეზონში მაინც არის დარჩენილი ინტრიგა – ჯერ კიდევ გასარკვევია, თუ რომელი გუნდები შეძლებენ ოთხეულში მოხვედრას.
“ვესტ ჰემთან” მოპოვებული ბრწყინვალე გამარჯვების (4-0) შემდეგ, “ლივერპული” ამ დროისთვის მესამე პოზიციაზე იმყოფება. მაგრამ მათ უშუალო კონკურენტებს, “არსენალსა” და “მანჩესტერ სიტის” თადარიგში ერთი მატჩი აქვთ ჩასატარებელი. “სიტის” შეუძლია ორი ქულით გაასწროს იურგენ კლოპის გუნდს, “მეთოფეებს” კი შანსი აქვთ, სხვაობა ერთ ქულამდე შეამცირონ.
თუმცა, შესაძლოა, სეზონმა უფრო საინტერესო გაგრძელება ჰპოვოს და ის ბრწყინვალე პლეი ოფების სერიით დასრულდეს.
საქმე ისაა, რომ წესების თანახმად, თუ რამდენიმე კლუბი სეზონს ქულების ერთნაირი რაოდენობით, გოლების სხვაობითა და გატანილი გოლების თანაბარი რაოდენობით დაასრულებს და სასწორზე ევროსარბიელის საგზური, ან ჩემპიონატში დარჩენა დევს, საჭირო ხდება დამატებითი მატჩები გამართვა ნეიტრალურ სტადიონზე.
რა შედეგებით უნდა დასრულდეს მატჩები, რომ პლეი ოფები დაინიშნოს?
სამშაბათი
“არსენალი” 3-0 “სანდერლენდი”
“მანჩესტერ სიტი” 2-2 “ვესტ ბრომვიჩი”
კვირა
“ლივერპული” 0-1 “მიდლსბრო”
“არსენალი” 0-0 “ევერტონი”
“უოტფორდი” 3-1 “მანჩესტერ სიტი”
“მანჩესტერ იუნაიტედის” ყოფილი მცველის, ფილ ნევილის თქმით, ჟოზე მოურინიოს “არსენალთან” გამართული მატჩის შედეგი დიდად არ ადარდებდა.
“ეს იყო მეხუთე და მეექვსე ადგილებზე მყოფი გუნდების დაპირისპირება, თუმცა მეცხრე-მეათე ადგილოსნების უინტერესო თამაშს უფრო ჰგავდა, როდესაც შედეგს არანაირი მნიშვნელობა არ აქვს.
დიახ, “არსენალმა” მოიგო და “იუნაიტედის” დაუმარცხებელი სერიაც დაასრულა, მაგრამ ეს არავის აინტერესებდა – მათ შორის ჟოზე მოურინიოსაც.
13 წლის მცდელობის შემდეგ, ვენგერმა პირველად დაამარცხა მოურინიო ტურნირის მატჩში. თუმცა, მოურინიო ამაზე სულაც არ ფიქრობდა. პირველად ვნახე ასეთი მოდუნებული და მომღიმარი მატჩის შემდეგ,” – აცხადებს ნევილი.
ლონდონის “არსენალის” მთავარმა მწვრთნელმა, არსენ ვენგერმა “ტოტენჰემის” ხელმძღვანელები გააფრთხილა, რომ მცირე ბიუჯეტით ვარსკვლავების შენარჩუნება გაუჭირდებათ.
“როდესაც გარკვეულ დონეს აღწევ, რაღაც მომენტში ფეხბურთელებს სურვილი უჩნდებათ, ისევე დააფასონ, როგორც მათი დონის სხვა მოთამაშეები.
თუ ბიუჯეტი დიდი ხნის მანძილზე არ გაიზრდება და სხვაობა უფრო მაღალ ნიშნულს მიაღწევს, მათი შენარჩუნება თითქმის შეუძლებელი გახდება,” – განაცხადა ვენგერმა “ტოტენჰემთან” გასამართი მატჩის წინ.
შეგახსენებთ, რომ ამ დროისთვის “ტოტენჰემი” 4 ქულით ჩამორჩება ჩემპიონატის ლიდერ “ჩელსის” და 14 ქულით უსწრებს “არსენალს”.
დღეს ინგლისის ასოციაციის თასის ნახევარფინალში ლონდონის “არსენალმა” “მანჩეტსერ სიტის” ანგარიშით, 2-1 სძლია.
შეხვედრის შემდეგ ჟურნალისტებთან “მეთოფეთა” დამრიგებელმა, არსენ ვენგერმა ისაუბრა.
“ძალიან ამაყი ვარ ჩვენი გამოსვლითა და იმ სულისკვეთებით, რაც მოედანზე გამოვავლინეთ. ვფიქრობ, პასუხი გავეცით იმ ადამიანებს, ვისაც ჩვენს შესაძლებლობებში ეჭვი ეპარებოდათ.”
“პირევლ ტაიმში, რაღაც პრობლემები გვქონდა და მეტოქეს დომინირების უფლებაც დავრთეთ. თუმცა, მეორე ტაიმში უფრო და უფრო ძლიერები გავხდით. ფინალურ ფაზაში კი მოვახერხეთ და გამარჯვების გოლი გავიტანეთ. რა თქმა უნდა, ძალიან დაძაბული და თანაბარი შეხვედრა იყო, თუმცა ვფიქრობ, პირველი ტაიმის შემდეგ ნაჩვენები თამაშით ჩვენ მოგება დავიმსახურეთ,” – განაცხადა არსენ ვენგერმა.
ლონდონის “არსენალის” მთავარმა მწვრთნელმა, არსენ ვენგერმა საკუთარ მომავალზე საუბრისას აღნიშნა, რომ ბოლო სიტყვა მაინც კლუბის ხელმძღვანელობას ეკუთვნის და რომ საბოლოო გადაწყვეტილებას სწორედ ისინი გაასაჯაროებენ.
“ჩემს მომავალთან დაკავშირებულ გადაწყვეტილებას კლუბი გაგაცნობთ. სხვას ვერაფერს გეტყვით.
რა თქმა უნდა, მინდა, პრე-სეზონის მატჩებისთვის გუნდი მე მოვამზადო, მაგრამ ეს არაფერს ნიშნავს. მე მხოლოდ ჩემი მოვალეობების შესრულებას ვცდილობ.
ნამდვილად ვერ გეტყვით, როდის გაკეთდება ოფიციალური განცხადებს, რადგანაც ამის შესახებ არაფერი ვიცი. მთლიანად მომდევნო მატჩებზე ვარ კონცენტრირებული,” – აცხადებს ფრანგი სპეციალისტი.
ლონდონის “არსენალის” მთავარმა მწვრთნელმა, არსენ ვენგერმა პრესასთან გუნდის ამჟამინდელ მდგომარეობასა და მეოთხე ადგილზე გასვლასთან დაკავშირებულ პრობლემებზე ისაუბრა.
“20 წელია, რაც მეოთხე ადგილზე გამყავს გუნდი და ყოველთვის ისე ჩანს, თითქოს ეს არაფერს ნიშნავდეს.
ახლა კი, უეცრად ეს უმნიშვნელოვანესი ხდება. ერთი მხრივ, მიხარია კიდეც, რომ ხალხი ხვდება, მეოთხე პოზიციაზე გასვლა არც ისე ადვილია.
ამ დღეებში გვარდიოლამაც აღიარა, რომ ინგლისში მეოთხეზე გასვლა ტიტულის მოგების ტოლფასია. ეს ძალიან რთულია, ხალხი ამას უნდა ხვდებოდეს,” – აცხადებს ფრანგი სპეციალისტი.
ლონდონის “არსენალის” ფრანგმა სპეციალისტმა, არსენ ვენგერმა კიდევ ერთხელ უარყო ინფორმაცია მასსა და “პარი სენ-ჟერმენს” შორის რაიმე სახის შეთანხმების არსებობის შესახებ.
შეგახსენებთ, რომ ამ დროისთვის პარიზული კლუბის სათავეში უნაი ემერი დგას, რომელმაც ფრანგ გულშემატკივართა ნდობა “ბარსელონასთან” განადგურების შემდეგ დაკარგა. ვენგერს კი ისინი უნაი ემერის ჩანაცვლების საუკეთესო ვარიანტად მოისაზრებენ.
“ჩემსა და “პარი სენ-ჟერმენს” შორის არანაირი კონტაქტი არ ყოფილა. ამ ინფორმაციას ოფიციალურად უარვყოფ.
ახლა მე მხოლოდ ჩემს გუნდზე ვფიქრობ,” – აცხადებს ფრანგი სპეციალისტი, რომლის გუნდიც ამ დროისთვის პრემიერ ლიგაში მეექვსე პოზიციას იკავებს.
გუშინ ლონდონის “არსენალი” “ვესტ ბრომვიჩთან” ორბურთიანი სხვაობით დამარცხდა. არსენ ვენგერის შეგირდებმა პრემიერ ლიგის ბოლო ხუთი მატჩიდან ოთხი წააგეს. ამასთანავე, ისინი ჩემპიონთა ლიგაზე “ბაიერნის” წინააღმდეგ სამარცხვინოდ გამოვიდნენ და ორი მატჩის ჯამში ათი გოლი გაუშვეს.
გულშემატკივრები უფრო აძლიერებენ პროსტესტს, რომ ვენგერმა ახალი კონტრაქტი აღარ გააფორმოს და გუდნიდან 2017 წლის ზაფხულში წავიდეს.
გუშინ მათ პროტესტის ახალ ფორმას მიმართეს: “ვესტ ბრომვიჩის” მოედნის თავზე თვითმფრინავმა გადაიფრინა, რომელზე მობმულ ბანერზე არსებული წარწერით, ისინი არსენის გუნდიდან წასვლას მოითხოვდნენ.
იხილეთ ფოტოები
