ჭდე: არსენალი

ლონდონის “არსენალის” ლეგენდა, იან რაიტი თვლის, რომ “ბარნლის” ამჟამინდელი თავკაცი, შონ დაიჩი ყველაზე მეტად შეეფერება “მეთოფეთა” სათამაშო სტილს.

“მჯერა, რომ დაიჩს წინ კიდევ ერთი ნაბიჯის გადადგმა სჭირდება, სხვაგვარად მომავალში დიდ წარმატებას ვერ მიაღწევს. მას ახალი გამოწვევები სჭირდება,”- აცხადებს რაიტი BBC-სთან საუბრისას.

“მან ისეთი კლუბი უნდა გაწვრთნას, რომელიც მუდმივად გამოდის ევროპულ სარბიელზე. მე მას “არსენალში”, ვენგერის შემცვლელად ვხედავ. მაგრამ საკითხავია, რამდენად მისცემენ კლუბის ხელმძღვანელები ასეთ შანსს,” – დაამატა რაიტმა.

ცნობისთვის გეტყვით, რომ პრემიერ ლიგის 7 ტურის შემდეგ “ბარნლის” ანგარიშზე 12 ქულაა და ამ დროისთვის მეშვიდე პოზიციას იკავებს სატურნირო ცხრილში.

2017 წლის 20 ოქტომბერს ლონდონის “არსენალმა” ინგლისის ლიგის თასის ეგიდით გამართულ მატჩში საშინაო არენაზე “დონკასტერი” მიიღო და მინიმალური ანგარიშით, 1:0 დაამარცხა.

საინტერესოა, რომ აღნიშნულ მატჩს ტრიბუნებიდან თვალი მხოლოდ 44 064-მა გულშემატკივარმა ადევნა, რაც ახალი ანტი-რეკორდია “ემირეიტსის” არსებობის ისტორიაში.

აქამდე, “მეთოფეთა” საშინაო სტადიონზე გამართულ ოფიციალურ მატჩებში ყველაზე ცოტა ადამიანი 2011 წლის 20 სექტემბერს, “შრიუსბართან” გამართულ შეხვედრაში იყო დაფიქსირებული – 46 539.

შეგახსენებთ, რომ რაც დრო გადის, ინგლისური კლუბები უფრო და უფრო ნაკლებ ყურადღებას აქცევენ ლიგის თასს – წლევანდელ სეზონში, თასის მესამე ტურში ინგლისურმა კლუბებმა ძირითადის 137 ფეხბურთელი დაასვენეს, გულშემატკივართა რაოდენობა კი ჩვეულებრივთან შედარებით 150 000-ით ნაკლები იყო.