ინგლისის პრემიერლიგის პირველი ტურის მატჩი ლონდონის „არსენალისთვის“ მძიმე გამოდგა. არსენ ვენგერის გუნდმა საკთარ მოედანზე „კრისტალ პალასი“ მიიღო და ანგარიშით 2:1 დაამარცხა. „მეთოფეთათვის“ გამარჯვების მომტანი გოლი 90-ე წუთზე უელსის ნაკრების ნახევარმცველმა აარონ რემსიმ გაიტანა.
23 წლის ფეხბურთელის გოლს სოციალურ ქსელ „ტვიტერში“ სახალისო კომენტარები მოჰყვა. ასე, მაგალითად, რემზის „უელსელი იესო ქრისტე“ უწოდეს.
ლონდონის “არსენალის” ფეხბურთელი კალუმ ჩეიმბერსი მატჩის დაწყების წინ ასე ხურდება.
გასული კვირის ბოლოს „ბარსელონამ“ „არსენალთან“ მცველ ტომას ვერმალენის ტრანსფერი შეათანხმა, რომლის ფასმაც 15 მილიონი ფუნტი შეადგინა. აქედან გამომდინარე, ბელგიელი უკვე მე-8 ფეხბურთელი გახდა, რომელიც „არსენალიდან“ „ბლაუგრანასის“ რიგებში გადაბარგდა.
შეგახსენებთ, რომ წინა წლებში კატალონიელებმა „არსენალიდან“ ტიერი ანრი, ემანუელ პეტი, მარკ ოვერმარსი, ჯოვანი ვან ბრონკხორსტი, ალექსანდრ გლები, ალექს სონგი და სესკ ფაბრეგასი გადაიბირეს.
ჯამში ჩამოთვლილი ფეხბურთელების ტრანსფერების სანაცვლოს „მეთოფეებმა“ „ბარსასგან“ 135 მილიონი ფუნტი მიიღეს. აღნიშნული თანხა კი, „არსენალის“ სტადიონის ფასის 34,6%-ს შეადგენს, რომლის აშენებაზეც 390 მილიონი ფუნტი დაიხარჯა.
ლონდონის “არსენალის” მთავარი მწვრთნელი არსენ ვენგერი აცხადებს, რომ მას გუნდისათვის ცენტრალური მცველის შეძენა კვლავაც სურს.
შეგახსენებთ, რომ “მეთოფეთა” რიგები დატოვა 28 წლის ბელგიელმა მცველმა ტომას ვერმაელენმა, რომელიც ამიერიდან კატალონიის “ბარსელონას” ღირსებას დაიცავს.
“ვერმაელენმა გასული სეზონში კარგად ითამაშა. მას მადლობას ვუხდი. ცხადია, ახალი ცენტრალური მცველის შეძენა გვსურს. გვინდა, დაცვის ხაზი გავაძლიეროთ”, – ამბობს ფრანგი სპეციალისტი.
ლონდონის “უემბლის” სტადიონზე ლონდონის “არსენალსა” და “მანჩესტერ სიტის” შორის ინგლისის სუპერთასის მატჩი შედგა. როგორც მოგეხსენებათ, “მეთოფეებმა” გასულ სეზონში ინგლისის თასი მოიგეს, “ქალაქელები” კი პრემიერლიგის გამარჯვებულები გახდნენ. შეხვედრა ლონდონელთა გამარჯვებით, ანგარიშით 3:0 დასრულდა.
პირველ ტაიმში არსენ ვენგერის გუნდმა ორი უპასუხო გოლი გაიტანა: 21-ე წუთზე ანგარიში სანტი კასორლამ გაიტანა, 42-ე წუთზე კი თავი აარონ რემსიმ გამოიჩინა. მატჩის მეორე ნახევარში “სიტის” კარში კიდეც ერთი გოლი გავიდა: 61-ე წუთზე ოლივიე ჟირუმ შორეული დარტყმით გაიტანა — 3:0.
ინგლისის სუპერთასი:
“არსენალი” — “მანჩესტერ სიტი” 3:0 (2:0)
“არსენალი”: შჩესნი, დებიუში, გიბსი, კოსელნი (მონრეალი 46′), კასორლა (როსიცკი 70′) არტეტა, რემსი (კემპბელი 85′), ჩემბერსი, უილშირი (ფლამინი 68′), სანჩესი (ოქსლედი-ჩემბერლენი 46′), სანოგო (ჟირუ 46′).
მთავარი მწვრთნელი: არსენ ვენგერი.
“მანჩესტერ სიტი”: კაბალიერო, ნასტასიჩი, ბოიატა, კოლაროვი (რიჩარდსი 76′), კლიში, ნასრი (სილვა 46′), იაია ტურე (მილნერი 60′), ფერნანდო, იოვეტიჩი, ნავასი (სინკლერი 85′), ჯეკო (ზუკულინი 60′).
მთავარი მწვრთნელი: მანუელ პელეგრინი.
გოლები: კასორლა 21′, რემსი 42′, ჟირუ 61′.
გაფრთხილება: ფერნანდო 51′.
მთავარი მსაჯი: მაიკლ ოლივერი.
“ბარსელონამ” ოფიციალურად დაადასტურა ლონდონის “არსენალთან” ტომას ვერმალენის ტრანსფერთან დაკავშირებით შეთანხმება.
28 წლის ბელგიელი ფეხბურთელი კატალონიურ გუნდთან ხუთწლიან კონტრაქტს მოაწერს ხელს.
ტრანსფერის ფინანსური დეტალები არ ხმაურდება.
შეგახსენებთ, რომ “არსენალმა” ვერმალენი ამსტერდამის “აიაქსიდან” 2009 წელს შეიძინა. “მეთოფეთა” რიგებში ბელგიელმა მცველმა 150 მატჩი ჩაატარა და 15 გოლი გაიტანა. ვერმალენი “არსენალის” კაპიტანი გახლდათ.
ბრიტანული გამოცემა “დეილი მეილი” იუწყება, რომ ლონდონის “არსენალის” ახალი კაპიტანი მიკელ არტეტა გახდება. შეგახსენებთ, რომ გუნდის კაპიტნის სამკლავური ამ დრომდე ტომას ვერმალენს ეკუთვნის, რომელიც “ბარსელონაში” გადასვლასთან ახლოსაა.
ვიცე-კაპიტანი, სავარაუდოდ, პერ მერტეზაკერი გახდება, რომელიც აღნიშნულ პოზიციაზე სწორედ არტეტას შეცვლის.
შეგახსენებთ, რომ მიკელ არტეტაც და პერ მერტეზაკერიც “არსენალის” ღირსებას 2011 წლიან იცავენ.
ლონდონის “არსენალის” ნახევარმცველმა ალექს ოქსლეიდ-ჩემბერლენმა აღნიშნა, რომ ახალ სეზონში გუნდს საკმაოდ ამბიციური მიზნები აქვს. მისი თქმით, “მეთოფეები” პრემიერლიგისა და ინგლისის თასის მოგება შეეცდებიან.
“ძალზედ საინტერესო იქნება ალექსის სანჩესთან ერთად თამაში. დარწმუნებული ვარ, ის “არსენალს” გააძლიერებს. ჩვენი გუნდი ყოველთვის დიდ მიზნებს ისახავს. გვინდა, რომ ქვეყნის თასი და ჩემპიონატი მოვიგოთ. გარდა ამისა, მნიშვნელოვანი იქნება ჩემპიონთა ლიგაზე წარმატებით ასპარეზობა”, – ოქსლეიდ-ჩემბერლენის სიტყვებს goal.com-ი აქვეყნებს.
ცნობისთვის, “არსენალი” პრემიერლიგის ახალი სეზონის პირველ მატჩს 16 აგვისტოს, შინ “კრისტალ პალასის” წინააღმდეგ ჩაატარებს.
ლონდონის “არსენალის” ფეხბურთელებმა იღბლიან შვიდი წლის ბიჭუნას დაბადების დღე მიულოცეს.
ლონდონის “არსენალის” მეკარე შჩესნიმ პატარა ბავშვების წინააღმდეგ ფეხბურთი ითამაშა და გოლის გატანაც მოახერხა, რომელიც სახალისოდ აღნიშნა.
3 აგვისტოს ლონდონის “არსენალსა” და “მონაკოს” შორის ამხანაგური შეხვედრა გაიმართა, რომელიც ფრანგულ გუნდის გამარჯვებით 0:1 დასრულდა.
აღნიშნულ შეხვედრაში ტრავმის მოშუშების შემდეგ პირველი გოლი გაიტანა კოლუმბიელმა თავდამსხმელმა რადამელ ფალკაომ.
ლონდონის “არსენალის” მთავარი მწვრთნელი არსენ ვენგერი შეშფოთებას გამოთქვამს ფრენკ ლამპარდის “მანჩესტერ სიტიში” შესაძლო გადასვლის გამო. ფეხბურთის ფრანგი სპეციალისტის თქმით, ამ გზით კლუბის ხელმძღვანელობამ შესაძლოა ფინანსური ფეარ-პლეის წესი დაარღვიოს.
შეგახსენებთ, რომ მიმდინარე სატრანსფერო პერიოდში ლამპარდი თავისუფალი აგენტის სტატუსით “ნიუ-იორკ სიტის” შეუერთდა. შემდეგ გავრცელდა ინფორმაცია, რომლის მიხედვითაც, MLS-ის ახალი სეზონის დაწყებამდე შესაძლოა, 36 წლის ინგლისელმა ნახევარმცველმა იჯარის წესით “მელბურნ სიტის” ან “მანჩესტერ სიტის” მიაშუროს. აღსანიშნავია, რომ სამივე დასახელებულ კლუბს მფლობელთა ერთი ჯგუფი მართავს, რაც ვენგერის აღშფოთებას იწვევს.
“ეს სიურპრიზია. როგორც ჩანს, “სიტის” სახელით არსებული ეს კლუბები მთავარ კლუბს, “მანჩესტერ სიტის” მოამარაგებენ. მსმენია იმის შესახებ, რომ მათ მსოფლიოს მასშტაბით მოქმედი კიდევ ხუთი კლუბის შეძენა სურთ. ფინანსურ ფეარ-პლეის საკმარისად კარგად არ ვიცნობ, თუმცა გეტყვით, რომ “მანჩესტერ სიტიმ” ეს ფრანშიზა (“ნიუ-იორკ სიტი”) 100 მილიონ ევროდ შეიძინა. ამ კლუბში გადასულ მოთამაშეებს მომდევნო წლამდე MLS-ში თამაში არ შეეძლებათ, თუმცა მათ იჯარის წესით სხვა კლუბებში გადაბარგების უფლება ეძლევათ. არის თუ არა ეს ფინანური ფეარ-პლეისთვის თავის არიდება? არ ვიცი. ჩვენ თანხას ჩვენი კლუბისთვის ვხარჯავთ და ამით მოხარულები ვართ. ჩვენ არ გვაქვს იმის საშუალება, რომ სხვა კლუბები შევიძინოთ”, – ვენგერის სიტყვებს Yahoo ციტირებს.
