“არსენალი” დაინტერესებულია “ტოტენჰემისა” და “მილანის” ექს-ნახევარმცველით, რომელიც “შალკეს” არ სჭირდება.
დღეს გავრცელდა ინფორმაცია, რომ კევინ-პრინც ბოატენგი არ შედის რობერტო დი მატეოს გეგმებში. განელი შემტევი გელზერკინხერულ კლუბს ზაფხულში დატოვებს.
TMW-ის ვერსიით, “არსენალი” ამზადებს წინადადებას 27 წლის შემტევის ტრანსფერის თაობაზე.
მიმდინარე კონტრაქტი კევინ-პრინცს ნახევარ წელში უმთავრდება, ხოლო ლონდონში თვლიან, რომ გარიგებისთვის 10 მილიონი ფუნტი საკმარისი იქნება.
“არსენალის” ყოფილი ნახევარმცველი, ჟილბერტო სილვა დარწმუნებულია, რომ გუნდი მესუთ ოზილისგან წარმატებულ თამაშს კვლავ უნდა ელოდოს.
მიმდინარე სეზონში მესუთი საკმაოდ არაპროდუქტიულია, რის გამოც მის მიმართ ბევრი კრიტიკაა. ამის მიუხედავად, ბრაზილიელი გერმანელს იცავს.
“მისი პოზიციიდან გამომდინარე, ხშირად ჩანს, რომ სწრაფ კონტრშეტევასა და შეტევის ტემპს ანელებს, მიუხედავად ამისა, მესუთი საკმაოდ სარგებლიანია შეტევაში. იმის გათვალისწინებით, რომ გამოცდილებით “არსენალს” დიდად ეხმარება”.
“ძნელია, პრიმერა დივიზიონიდან პრემიერ ლიგაზე გადართვა. აქ ორმაგად მაღალი ტემპია. ვფიქრობ, რომ გულშემატკივრები ოზილისგან კვლავ უნდა ელოდნენ წარმატებულ თამაშს,”-დაასრულა სილვამ London Evening Standard-თან ინტერვიუში.
ნეიმარისა და ლუის სუარესის „ბარსელონაში“ ტრანსფერებმა პედრო როდრიგესის კატალონიურ კლუბში მომავალი დიდი კითხვის ნიშნის ქვეს დააყენეს.
ესპანური გამოცემა AS-ის ინფორმაციით, ნახევარმცველის შეძენით ლონდონის „არსენალის“ ხელმძღვანელობაა დაინტერესებული, რომეკმაც კატალონიური კლუბის წარმომადგენლებს შესაძლო ტრანსფერთან დაკავშირებით უკვე დამოუკავშირდა კიდეც. კატალონიელები პედროს ინგლისში გაშვების სანაცვლოდ, დაახლოებით, 22 მილიონი ფუნტი უნდა მოითხოვენ.
ცნობისთვის, „ბარსასთან“ მოქმედი კონტრაქტი პედროს შემდეგი სეზონის ბოლომდე აკავშირებს.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ როგორ აკონტროლებს ბურთს ლონდონის “არსენალის” ახალგაზრდა ფეხბურთელი რეის ნელსონი, რომელიც ამავდროულად ინგლისის 16-წლამდე ნაკრების წევრია.
“არსენალის” ნახევარმცელმა, ჯეკ უილშირმა ტერფზე მცირე ოპერაცია გაიკეთა.
ინგლისელი ფეხბურთელი გუნდს დიდი ხნით არ დააკლდება, როგორც ეს სხვა შემთხვევებში ხდებოდა.
სავარაუდოა, რომ ჯეკი პირველ მარტს “ევერტონის” წინააღმდეგ თამაშს შეძლებს.
ამ სეზონში, უილშირმა “არსენალის” მაისურით 9 მატჩი ჩაატარა, სადაც თითო-თითო გოლით და საგოლე პასით გამოირჩა.
როგორც მოგეხსენებათ, უეფას ჩემპიონთა ლიგის მერვედფინალურ ეტაპზე ლონდონის “არსენალი” შინ “მონაკოსთან” ანგარიშით 1:3 დამარცხდა და მომდევნო სტადიაზე გასვლის შანსი საგრძნობლად შეიმცირა. “მონაკოს” ბარიერის ძლევის აღარც გუნდის მთავარ მწვრთნელ არსენ ვენგერს არ სჯერა.
“წელიწადში 55 მატჩის ჩატარება გვიხდება და არასასიამოვნო რამ მოხდა. გვინდა, რომ სეზონი მაჟორულ ნოტზე დავასრულოთ. გუნდისგან პრემიერლიგაში დადებით შედეგს ველი. ჩვენ ყველაფერი გვაქვს იმისთვის, რომ პირველ სამეულში ადგილი დავიკავოთ.
ჩვენ ძალისხმევა არ დავიშურეთ “ბეშიქთაშთან” დაპირისპირებისას, რომ ჩემპიონთა ლიგის ჯგუფში მოვხვედრილიყავით. ყველაზე ცუდი ის არის, რომ ტურნირის მერვედფინალიდან ბოლო ოთხი წლის განმავლობაში ზედიზედ მეოთხედ გამოვარდით. მარცხში ინდივიდუალურად დამნაშავე არავინაა. იმ საღამოს ყველაფერი ჩვენ წინააღმდეგ წარიმართა. მომენტების გამოუყენებლობა მარცხის ერთ-ერთი მიზეზია”, – ვენგერის სიტყვები უფეას ოფიციალურ ვებგვერდზე გამოქვეყნდა.
უეფას ჩემპიონთა ლიგის მერვედფინალურ ეტაპზე ლონდონის “არსენალსა” და “მონაკოს” შორის გამართული მატჩი სტუმრების გამარჯვებით, ანგარიშით 1:3 დასრულდა.
ამ შედეგით მონაკოს პრინცი ალბერტიც გაკვირვებული დარჩა.
“ვერასდროს წარმოვიდგენდი, რომ აქ ასეთ ანგარიშს ვნახავდი. ვთვლი, რომ “მონაკომ” ეს გამარჯვება დაიმსახურა. ჩვენთვის ფრეც კარგი შედეგი იქნებოდა. მატჩამდე ვენგერი გავიცანი და ჩვენი დანდობა ვთხოვე. სამწუხაროდ, ჩვენ მას შოუ მოვპარეთ”, – მონაკოს პრინცის სიტყვები უეფას ოფიციალურ ვებგვერდზე გამოქვეყნდა.
შეგახსენებთ, რომ “მონაკოსა” და “არსენალს” შორის განმეორებითი მატჩი 17 მარტს გაიმართება.
უეფას ჩემპიონთა ლიგის მერვედფინალურ ეტაპზე ლონდონის “არსენალსა” და “მონაკოს” შორის გამართული მატჩი სტუმრების გამარჯვებით, ანგარიშით 1:3 დასრულდა. მატჩი “მეთოფეთა” მთავარმა მწვრთნელმა არსენ ვენგერმა შეაჯამა.
“ჩვენი თამაში ვერ ვაჩვენეთ. პირველი გაშვებული გოლის შემდეგ ზედმეტად გავიხსენით. მესამე გაშვებულმა გოლმა რთული ამოცანის წინაშე დაგვაყენა. მაქვს გრძნობა, რომ ნერვებმა გვიმტყუნა და მოედანზე რაციონალური გადაწყვეტილებების მიღების უნარი წაგვერთვა. ფეხბურთელები თამაშობდნენ გულით და არა – გონებით, რამაც შედეგი ვერ მოგვიტანა. ჩვენ ფსიქოლოგიურად არ ვიყავით მზად და ამისთვის დავისაჯეთ. პირველ 20 წუთში შეგვეძლო გამარჯვება, თუმცა “მონაკო” ფსიქოლოგიურად ძლიერი აღმოჩნდა. მომენტები გავანიავეთ. შეხედეთ გაფუჭებული ეპიზოდების რაოდენობას. ასეთი რამ არ შეიძლება. თამაშის შედეგი ფურცელზე არ წყდება. ყველაფერი იმაზეა დამოკიდებული, თუ როგორ იმოქმედებს გუნდი მოედანზე. “მონაკომ” თავი კარგად წარმოაჩინა, ჩვენ კი ეს ვერ შევძელით. ჟირუმ ბევრი მომენტი გააფუჭა, დღეს მას საუკეთესო მატჩი ნამდვილად არ ჩაუტარებია”, – ვენგერის სიტყვები BBC-მ გამოაქვეყნა.
შეგახსენებთ, რომ “მონაკოსა” და “არსენალს” შორის განმეორებითი მატჩი 17 მარტს გაიმართება.
უეფას ჩემპიონთა ლიგის მერვედფინალურ ეტაპზე ლონდონის “არსენალსა” და “მონაკოს” შორის გამართული მატჩი სტუმრების გამარჯვებით, ანგარიშით 1:3 დასრულდა. ერთი გოლი დიმიტარ ბერბატოვის ანგარიშზეა, რომელმაც მატჩის შემდეგ განაცხადა, რომ მის გუნდს უფრო სურდა გამარჯვება, ვიდრე “არსენალს”.
“ალბათ, ამას არავინ ელოდა, თუმცა ჩვენს ძალებში დარწმუნებულნი ვართ და სიმართლე რომ ვთქვათ, ეს გამარჯვება დავიმსახურეთ. შექმნილი შანსები გამოვიყენეთ და მშვენიერი მოგება ჩაიწერეთ, თუმცა ჯერ არაფერი დასრულებულა.
“არსენალი” კარგი გუნდია, თუმცა დღეს ჩვენ უფრო გვინდოდა გამარჯვება. მოედნის ყველა მონაკვეთზე ვიბრძოდით, ორთაბრძოლები მოვიგეთ და გოლები გავიტანეთ.
“არსენალს” საკუთარი თავისთვის არ უნდა მიეცა ჩვენი არდაფასების უფლება. თუ მათ ეს გააკეთეს, ისევ მათთვის არის ცუდი, რადგან ჩვენ ისინი დავამარცხეთ”, – ბერბატოვის სიტყვები “სქაი სპორტსმა” გამოაქვეყნა.
“მონაკოსა” და “არსენალს” შორის განმეორებითი მატჩი 17 მარტს გაიმართება.
უეფა-ს ჩემპიონთა ლიგის 1/8-ფინალური ეტაპის პირველ მატჩში ლონდონის „არსენალმა“ „მონაკოს“ უმასპინძლა და მოულოდნელად, ანგარიშით 1:3 დამარცხდა.
არადა, პირველ ნახევარში უპირატესობას ლონდონელები ფლობდნენ, რაც სტატისტიკაშიც აისახა, თუმცა 38-ე წუთზე მასპინძლებმა გაუშვეს – გოლი კონდოგბიას სახელზე ჩაიწერა.
ლოგიკურად, მეორე ნახევარში ვენგერის გუნდი უნდა გააქტიურებულიყო, მაგრამ 53-ე წუთზე, კონტრშეტევის შედეგად, მარტიალის პასით თავისი გუნდის უპირატესობა დიმიტარ ბერბატოვმა გაზარდა – 2:0. დარჩენილ დროში „არსენალი“ შეტევას ცდილობდა და რამდენიმე კარგი მომენტიც ჰქონდა. აღსანიშნავია ოლივიე ჟირუს მომენტი, რომელმაც დამატებაზე ვერ ივარგა და ახლო პოზიციიდან ბურთი მეტოქის კარს დიდი მანძილით ააცილა. მოგვიანებით, ფრანგი თეო ვოლკოტმა შეცვალა, რომელმაც ერთ_ერთ ეპიზოდში უელბეკს გოლის გატანაში ხელი შეუშალა, როდესაც 23-ე ნომერმა დაარტყა და ბურთი სწორედ თეოს გაარტყა. ლონდონელებმა გოლის გატანა მაინც მოახერხეს – 90-ე წუთზე შეცვლაზე შესულმა ოქსლეიდ-ჩემბერლენმა შორიდან ბრწყინვალედ დაარტყა და ანგარიშიც მინიმუმამდე შეამცირა. ორ წუთში კი იმავე ჩემბერლენმა მეტოქის ნახევარზე ბურთი დაკარგა, რასაც კონტრშეტევა მოჰყვა, რომელიც კარასკომ ფლანგიდან მეტოქის საჯარიმოში შეჭრითა და მახვილი კუთხიდან ზუსტად დარტყმულით დააგვირგვინა. საბოლოოდ, 1:3 და საპასუხო შეხვედრის წინ „მეთოფეებმა“ თავი უმძიმეს მდგომარეობაში ჩაიგდეს.
„არსენალი“ – „მონაკო“ 1:3
გოლები: ოქსლეიდ-ჩემბერლენი 90′ – მონდოგბია 38′, ბერბატოვი 53′, კარასკო 90+
“მონაკოს” ხორვატი მეკარე, დანიელ სუბაშიჩი ჩემპიონთა ლიგის 1/8 ფინალური მატჩისთვის ემზადება.
“ლონდონური გუნდი ამ დაპირისპირების ფავორიტია, მაგრამ მატჩის საბოლოო ანგარიში წინასწარ არავინ იცის. ჩვენ უნდა დავიხარჯოთ ბოლომდე, რათა სასურველ შედეგს მივაღწიოთ”.
“მეტოქე გუნდს დიდი მწვრთნელი ჰყავს, ეს ყველაფერზე მეტყველებს, მაგრამ ამის მიუხედავად, ჩვენ არ გვეშინია”.
“მართალია, მიმდინარე სეზონში კარგად ვერ გამოვიყურებით, რაზეც საფრანგეთის ჩემპიონატის სატურნირო მდგომარეობა მეტყველებს. გუნდმა ზაფხულში ორი ლიდერი: რადამელ ფალკაო და ხამეს როდრიგესი დაკარგა, ამიტომაც, მათი შევსება ძალიან გაგვიჭირდა. ახლა, გუნდი კარგ სათამაშო ფორმას უბრუნდება,”-დაასრულა ხორვატმა მეკარემ.
გრძელდება ჩვენი ტრადიციული პროგნოზისტთა კონკურსი. დღეს გამოქვეყნდა 21-ე საკონკურსო კვირის მეორე მატჩის კითხვები, რომელიც “არსენალსა” და “მონაკოს” შორის გასამართ შეხვედრას ეხება. კითხვები იხილეთ აღნიშნული მატჩის გვერდზე.
გამარჯვებულად ჩაითვლება ის პირველი 7 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს Europe bet-ის ანგარიშზე 10 ლარი დაერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 5 ლარი დაერიცხებათ. გამარჯვებულთა სიაში 3 სწორი პასუხის ავტორები იმ შემთხვევაში მოხვდებიან, თუ მიღებულ საკონკურსო კომენტარებში შვიდი 4-სწორპასუხიანი მომხმარებელი არ იქნება და სიაში გაჩნდება ვაკანტური საპრიზო ადგილები.
ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.
საკონკურსო კითხვებს პასუხი უნდა გასცეთ მატჩის გვერდზე: “არსენალი” – “მონაკო”
