ჭდე: ბარსელონა

ოსკარ რუჯერი, 1986 წლის ტრიუმფატორი არგენტინის ნაკრების წევრი, ლიონელ მესის საკლუბო კარიერის დროებით დავიწყებისკენ მოუწოდებს და თვლის, რომ ახლა მან მხოლოდ მუნდიალზე უნდა იფიქროს.

“თქვენ გგონიათ, რომ მესის გარეშე “ბარსელონა” ესპანეთის ჩემპიონი ვერ გახდება? მან ახლავე უნდა დაურეკოს “ბარსელონას” პრეზიდენტს და უთხრას, რომ “ბარსელონაში” თამაშზე უარს ამბობს და თავს მუნდიალს უძღვნის.

ამის შემდეგ, არგენტინის ნაკრების თავკაცსაც უნდა დაურეკოს და უთხრას, რომ მთლი ძალებით მსოფლიო ჩემპიონატის მოგებაზე იქნება კონცენტრირებული.

ჩვენი მაგალითი რომ განვიხილოთ, თითქმის 65 დღე გავატარეთ თანაგუნდელებთან ერთად მექსიკაში მსოფლიო ჩემპიონატის მოგებამდე,” – აცხადებს არგენტინის ნაკრების ყოფილი ვარსკვლავი.

კატალონიის “ბარსელონას” მცველმა, სამუელ უმტიტიმ თავისი კარგი თამაშით მსოფლიოს საფეხბურთო ექსპერტების კარგი შეფასება დაიმსახურა. მისი გადაბირების სურვილს კი არაერთი ევროპული გრანდი გამოთქვამს, რასაც თავად ფეხბურთელიც ადასტურებს.

“რამდენიმე კლუბი უკვე დამიკავშირდა სატრასნფერო საკითხებთან დაკავშირებით, მაგრამ “ბარსელონაში” იმდენად ბევრი მიზანი მაქვს დასახული, რომ აქიდან წასვლის ვარიანტს არც კი განვიხილავ.

ფეხბურთში ყველაფერი ძალიან სწრაფად ვითარდება და ახლა მხოლოდ იმის თქმა შემიძლია დარწმუნებით, რომ ბედნიერი ვარ. არ მინდა ჩემს მომავალზე ბევრი ვისაუბრო.

შესაძლოა, კლუბს ჩემთან კონტრაქტის გახანგრძლივება სურდეს, მაგრამ ოფიციალური მოლაპარაკებები არ დაწყებულა და არც სურვილი გამოუთქვამთ ამის შესახებ,” – აცხადებს უმტიტი.

პარასკევს, “ბარსელონას” ბაზაზე მიმდინარე ვარჯიში უეფას ანტიდოპინგის წევრების სტუმრობამ ჩაშალა. როგორც ცნობილი ხდება, საერთაშორისო ფეხბურთის ორგანიზაციის წარმომადგენლებმა “ლურჯ-ბროწეულისფერთა” 11 წევრი შეამოწმეს.

შეგახსენებთ, რომ მსგავსი ტიპის შემოწმებები საკმაოდ ხშირია ესპანეთში, განსაკუთრებით კი კატალონიურ გრანდში.

საინტერესოა, რომ უეფას წარმომადგენლებმა ის 11 ფეხბურთელი შეამოწმეს, რომლებმაც “ჩელსისთან” გამართულ მატჩში მიიღეს მონაწილეობა: ტერ შტეგენი, პიკე, რაკიტიჩი, ბუსკეტსი, ინიესტა, სუარესი, მესი, დემბელე, ხორდი ალბა, სერხი რობერტო და უმტიტი.

საიდუმლო არავისთვისაა ის ფაქტი, რომ “ბარსელონას” აქილევსის ქულს ბოლო პერიოდში დაცვა წარმოადგენს. სიტუაცია, შესაძლოა, კიდევ უფრო გაუარესდეს, თუ კლუბს სამუელ უმტიტი დატოვებს. შესაბამისად, “ლურჯ-ბროწეულისფრები” ახალ ფეხბურთელებს ეძებენ.

კატალონიური გამოცემების ცნობით, “ბარსელონას” სკაუტებმა არჩევანი “ლაიფციგის” მცველზე, დაიოტ უპამეკანოზე შეაჩერეს. თუმცაღა, 19 წლის ფრანგი ფეხბურთელის გამოსასყიდი თანხის ოდენობა 100 მილიონს შეადგენს.

კიდევ ერთ რეალურ კანდიდატად გვევლინება “სევილიას” აღმოჩენა, კლემან ლანგლე, რომელმაც თავი “მანჩესტერ იუნაიტედთან” გამართული ბრწყინვალე თამაშით დაგვამახსოვრე.

სატრანსფერო სამიზნეთა სიაში მოხვდა “შალკეს” 21 წლის მცველი, ტილო კერერაც.