მოგეხსენებათ, ხვალ უეფას ჩემპიონთა ლიგის 1/2-ფინალური ეტაპის პირველ მატჩში ერთმანეთს მიუნხენის „ბაიერნი“ და კატალონიის „ბარსელონა“ დაუპირისპირდებიან.
ხსენებულ შეხვედრაში ხოსეპ გვარდიოლას გუნდს ერთდროულად ოთხი ფეხბურთელი ვერ დაეხმარება. მათ შორის აღსანიშნავი გუნდის ორი წამყვანი ნახევარმცველი ფრანკ რიბერი და არიენ რობენია. გარდა ამისა, შეხვედრას ნახევარმცველი სებასტიან როდე და ძირითადი მცველები დავიდ ალაბა და ხოლგერ ბადშტუბერი გამოტოვებენ.
ესპანური გამოცემა „მუნდო დეპორტივო“ საინტერესო ინფორმაციას აქვეყნებს. გამოცემის ინფორმაციით, 2010 წელს ამჟამად მიუნხენის „ბაიერნის“ თავდამსხმელს რობერტ ლევანდოვსკის „ბარსელონაში“ გადასვლა შეეძლო.
კატალონიელებს რობერტის დამატებას მათი ყოფილი მოთამაშე ხოსე მარი ბაკერო ურჩევდა, რომელიც იმ პერიოდში პოლონურ „ლეხს“ თავკაცოვდა. საბოლოოდ, ლევანდოვსკი დორტმუნდის „ბორუსიაში“ გაბარგდა, ეს ტრანსფერი კი გერმანელებს მხოლოდ ოთხი მილიონი ევრო დაუჯდათ.
აღსანიშნავია, რომ 2009 წელს ლევანდოვსკის აგენტი კონტრაქტის გაფორმებას კიდევ ერთ ესპანურ კლუბს „სპორტინგს“ სთავაზობდა, თუმცა უარი მიიღო.
მიუნხენის „ბაიერნის“ ყოფილი მოთამაშის შტეფან ეფენბერგის აზრით, გუნდის მთავარი მწვრთნელი ხოსეპ გვარდიოლა შემდეგი წლის ზაფხულში თავის პოსტს დატოვებს.
„დარწმუნებული ვარ, რომ გვარიოლა „ბაიერნთან“ კონტრაქტს არ გააგრძელებს. 2016 წლის ზაფხულში ის ახალ გამოწვევას მიიღებს ან მცირე პაუზას აიღებს. ასე პეპი „ბარსელონასთან“ მუშაობის დასრულების შემდეგ მოიქცა“, – განაცხადა ეფენბერგმა.
შეგახსენებთ, რომ გვარდიოლამ „ბაიერნი“ 2013 წლის ზაფხულში ჩაიბარა.
მიუნხენის „ბაიერნის“ სპორტულმა დირექტორმა მატიას ზამერმა განაცხადა, რომ პოლონელმა თავდამსხმელმა რობერტ ლევანდოვსკიმ, შესაძლოა, „ბარსელონასთან“ უეფას ჩემპიონთა ლიგის 1/2-ფინალური ეტაპის პირველ მატჩში არ ითამაშოს. „ბორუსიასთან“ სათასო შეხვედრაში პოლონელმა ტვინის შერყევა მიიღო.
„გადაწყვეიტლება ჯერ არ მიგვიღია. ნათელი მხოლოდ ერთია – ჯანმრთელობის პრობლემების ფონზე არც ერთ ფეხბურთელს არ ვთამაშებთ. ლევანვოდსკიმ, შესალოძლოა, იმ შემთხვევაშიც კი არ ითამაშოს, თუ ექიმები მას ამის უფლებას მისცემენ“, – განაცხადა ზამერმა.
მიუნხენის „ბაიერნის“ მთავარმა მწვრთნელმა ხოსეპ გვარდიოლამ ლევერკუზენის „ბაიერთან“ გერმანიის ჩემპიონატის 31-ე ტურის წაგებულ მატჩზე ისაუბრა. შეგახსენებთ, რომ ხსენებული შეხვედრა მისმა გუნდმა ანგარიშით 0:2 წააგო.
„თამაში თანაბარი იყო და მცირე ორთაბრძოლებით გამოირჩეოდა. უფრო მეტი საგოლე მომენტი უნდა შეგვექმნა. გუნდის მიერ ნაჩვენები თამაშით კმაყოფილი ვარ. ახალგაზრდა მოთამაშეებმა ყველაფერი ძალიან კარგად გააკეთეს“, – ციტირებს გვარდიოლას „ბაიერნის“ პრესსამსახური.
აღსანიშნავია, რომ ლევერკუზენელებმა ჯამში „ბაიერნზე“ სამჯერ მეტი დარტყმა შეასრულეს. ამის მიუხედავად, გვარდიოლას გუნდის სასარგებლოდ 56-პროცენტიანი ბურთს ფლობა დაფიქსირდა.
მიუნხენის „ბაიერნის“ ნახევარმცველმა ჩაბი ალონსომ თავისი გუნდის მთავარი მწვრთნელი ხოსეპ გვარდიოლა „ჩელსის“ თავკაც ჟოზე მოურინიოს შეადარა.
„მოურინიო და გვარდიოლა სხვადასხმა ტიპის ადამიანები არიან. ორივეს თავისი სტილის სამუშაო აქვს. ისინი ჩინებული ლიდერები არიან. გამიმართლა, რომ მუშაობა ორივესთან მოვასწარი.
წესით, ფინალში გასვლის შემთხვევაში, „რეალს“ უნდა შევხვდეთ. ეს კლუბი ძალიან მიყვარს, თუმცა, იმედია, ყველაზე ძლიერი „ბაიერნი“ აღმოჩნდება“, – განაცხადა ალონსომ.
მიუნხენის „ბაიერნის“ ნახევარმცველმა ხავი მარტინესმა „ბარსელონას“ მოთამაშის ჩავი ერნანესის სათამაშო დონე შეაფასა.
„ასეთი ტექნიკითა და კლასით ჩავი თამაშს 50 წლამდე შეძლებს. ამ ფეხბურთელისგან ნაკრებში ძალიან ბევრი ვისწავლე.
არ ვიცი, დატოვებს თუ არა ის ზაფხულში „ბარსელონას“. სამწუხაროა, რომ ასეთ მოთამაშეებს ასაკი ემატებათ“, – განაცხადა მარტინესმა.
მიუნხენის „ბაიერნის“ მეკარემ მანუელ ნოიერმა უეფას ჩემპიონთა ლკიგის 1/2-ფინალური ეტაპის კენჭისყრის შედეგები შეაფასა, რომელთა მიხედვითაც მისი გუნდი „ბარსელონას“ დაუპირისპირდება.
„რა თქმა უნდა, გაგვიჭრდება. ნახევარფინალში ადვილი მატჩები საერთოდ არ არის. 2013 წელს „ბარსელონა“ დამაჯერებლად დავამარცხეთ, თუმცა ახლა ეს არაფერს ნიშნავს. ორივე კლუბში ამ პერიოდში ცვლილებები განხორციელდა. ფინალში გასასვლელად ორივე შეხვედრაში საუკეთესო ფეხბურთი უნდა ვაჩვენოთ“, – განაცხადა ნოიერმა.
„პორტუს“ თავდამსხმელმა ჯექსონ მარტინესმა „ბაიერნთან“ გამანადგურებელი ანგარიშით 1:6 წაგებული მატჩის შესახებ მცირე კომენტარი გააკეთა.
„მეორე ტაიმში ვაჩვენეთ, რომ ნახევარფინალისთვის ბრძოლას შევძლებდით. ყველაფერი გამოგვივიდოდა, თუ პირველ ტაიმში ამდენ შეცდომას არ დავუშვებდით. გვესმოდა, რომ რთული შეხვედრა გვექნებოდა, მაგრამ მაინც ბევრს ვცდებოდით. შესვენების შემდეგ უკეთესად ვმოქმედებდით და აქტიურ პრესინგსაც მივმართეთ, რის შემდეგაც გავიტანეთ კიდეც“, – განაცხადა მარტინესმა.
მიუნხენის „ბაიერნის“ მთავარმა მწვრთნელმა ხოსეპ გვარდიოლამ „პორტუსთან“ ანგარიშით 6:1 მოგებული მატჩი შეაფასა.
„პირველ ტაიმში ძალიან კარგად ვითამაშეთ. შესვენების შემდეგ ასეთი ფეხბურთი არ გვიჩვენებია. თუმცა, პირველი 45 წუთისთვის ჩემს მოთამაშეებს მადლობის მეტს ვერაფერს ვეტყვი. ეს ერთი კვირის წინ ჩატარებულ მატჩზე რეაქცია იყო.
გამიმართლა, რომ ამ დიდებულ ფეხბურთელებს ვავარჯიშებ. ამავდროულად, თუ ხალხი თვლის, რომ ყოველი მატჩის მოგება ასე შეგვიძლია, სჯობს, სხვა მწვრთნელი იპოვონ“, – განაცხადა გვარდიოლამ.
უეფას ჩემპიონთა ლიგის 1/4-ფინალური ეტაპის განმეორებით მატჩში მიუნხენის „ბაიერნმა“„ალიანც არენაზე“ „პორტუ“ უშანსოდ დატოვა და ანგარიშით 6:1 გაანადგურა.
შეგახსენებთ, რომ პორტუგალიელებმა პირველი მატჩი ანგარიშით 3:1 მოიგეს, რითაც მიუნხენში ჩასვლის წინ კარგი უპირატესობაც მოიპოვეს.
გვარდიოლას გუნდი მეტოქის კარს პირველივე წუთებიდან აქტიურად უტევდა. უკვე მდ-14 წუთზე მარცხენა ფლანგიდან ჩაწოდებულს ტიაგო მალკანტარა თავური დარტყმით გამოეხმაურა – 1:0. 8 წუთში მასპინძელთა სხვაობა ორ გოლამდე ჟერომ ბოატენგმა გაზარდა, 27-ე წუთზე კი რობერტ ლევანდოვსკიმ ანგარიში 3:0 გახადა. 9 წუთში მიუნხენელებმა კვლავ გაიტანეს – ტომას მიულერის დარტყმის შემდეგ ბურთი რიკოშეტით სტუმართა კარში აღმოჩნდა. მე-40 წუთზე მესამე გოლის ავტორმა ლევანდოვსკიმ დუბლი შეასრულა – 5:0.
მეორე ნახევარში მასპინძლებმა ტემპი დააგდეს, რაც გარკვეულწილად ანგარიშზეც აისახა. 74-ე წუთზე „პორტუმ“ გოლის გატანა შეძლო, თავი ჯექსონ მარტინესმა გამოიჩინა. 87-ე წუთზე ივან მარკანომ მეორე ყვითელი ბარათ მიიღო, მისი გუნდი კი კაცნაკლული დარჩა. „პორტუს“ კარის მიმართულებით დანიშნული საჯარიმო დარტყმის შესასრულებლად ჩაბი ალონსო მივიდა, რომელმაც ფაბიანო უშანსოდ დატოვა.
საბოლოოდ, 6:1 და ორი მატჩის ჯამში ბავარიელებმა ანგარიშით 7:4 მოიგეს.
„ბაიერნი“ – „პორტუ“ 6:1
გოლები: ალკანტარა 14′, ბოატენგი 22′, ლევანდოვსკი 27′, მიულერი 36′, ლევანდოვსკი 40′, ალკანტარა 88′ – მარტინესი 74′
გაფრთხილებები: ბადშტუბერი 42′ – ერერა 34′, მარტინესი 38′, პერეირა 66′, მარკანო 71′, 87′
გაძევება: მარკანო 87′
წარმოგიდგენთ იმ თორმეტ ფეხბურთელს, რომლის მიუნხენის „ბაიერნის“ შემადგენლობაში თამაშის შესახებ, შესაძლოა, აქამდე არ გსმენიათ.
1. მარტინ იოლი, რომელიც უფრო ცნობილი თავისი სამწვრთნელო საქმიანობითაა, 1978 წელს მიუნხენიდან მშობლიურ „დენ ჰააგში“ მოხვდა. თუმცა, „ბაიერნის“ შემადგენლობაში ჰოლანდიელმა ნახევარმცველმა სულ 9 მატჩი ჩაატარა, რის შემდეგაც სამშობლოში დაბრუნდა. „ტვენტეში“ თამაშს მის ეროვნულ ნაკრებში გამოძახება და ინგლისში ტრანსფერი მოჰყვა. მომავალში ამ ქვეყნებში ის მწვრთნელის სახითაც იმუშავებს.
2. ემილ კოსტადინოვი ცნობილი 1993 წელს გახდა, როდესაც მისმა ჩნებულმა გოლმა საფრნაგეთის ნაკრები 1994 წლის მსოფლიო ჩემპიონატს მიღმა დატოვა. ბულგარეთს ნაკრები კი იმ მუნდიალზე ნახევარფინალამდე გავიდა. ერთ წელიწადში ის „ბაიერნში“ გადავიდა და ტიტულების კოლექციას (ბულგარეთის სამგზის ჩემპიონობა და ორი მოგებული პორტუგალიის ჩემპიონატი) უეფას თასი დაუმატა.
3. ალუ დიარა „ბაიერნში“ 29 წლის ასაკში მოხვდა. მიუნხენელთა დუბლების რიგებში ორი სეზონის შემდეგ, სადაც მან ფილიპ ლამთან და ბასტიან შვაინშტაიგერთან ერთად ითამაშა, ფრანგი „ლივერპულში“ ჟერარ ულიესთან გადაბარგდა. თუმცა, ძირითად შემადგენლბოაში ადგილის დამკვირდება მან ვერც იქ შეძლო. თავისი გუნდი – „ბორდო“, მან მხოლოდ 2007 წელს იპოვა.
4. პეტრ ტროხოვსკი „ბაიერნის“ სკოლაში 15 წლიდან ვარჯიშობდა. ძირითად გუნდში პოლონური წარმოშობის გერმანელი არავის უნახავს, რაც „ჰამბურგში“ ტრანსფერის მიზეზი გახდა. იქ მისთვის ყველაფერი იმდენად კარგად აეწყო, რომ ფეხბურთელი არამხოლოდ 2010 წლის მსოფლიო ჩემპიონატზე გაემგზავრა, არამედ სამხრეთ აფრიკაში 4 მატჩიც ჩაატარა.
5. ზვეზდან მისიმოვიჩი კიდევ ერთი ფეხბურთელია, რომელმაც „ბაიერნში“ სახელი ვერ გაირქვა. სამაგიეროდ, „ვოლფსბურგის“ შემადგენლობაში 2008/09 წლების სეზონში ბოსნიელმა ბუნდესლიგა მოიგო. მოგვიანებით, „გალათასარაიში“ ტრანზიტით, ის მოსკოვის „დინამოში“ აღმოჩნდა. მისიმოვიჩმა ასევე ჩინეთში თამაშიც მოასწრო, სადაც კარიერა 32 წლის ასაკში დაასრულა.
6. „ბაიერნის“ აღზრდილი მატს ჰუმელსი დორტმუნდის „ბორუსიაში“ თავიდან მხოლოდ იჯარით მოხვდა. მისი გამოსყიდვის შემდეგ დორტმუნდელებმა ბუნდესლიგა ორჯერ მოიგეს, ახლა კი ამ ფეხბურთელის გადაბირებას ევროპული გრანდები ცდილობენ.
7. ორმეტრიანი თავდამსხმელი შტეფან მაიერხოფერი „ბაიერნის“ სარეზერვო გუნდის შემადგენლობაში ბევრს იტანდა, თუმცა ძირითად გუნდში ამის წყალობით ის მაინც ვერ მოხვდა. 2007 წლიდან ის კლუბებს აქტიურად იცვლიდა, სადაც „მილუოლში“ არ დამკვიდრდა.
8. მიუნხენში გაზრდილ სანდრო ვაგნერს ძალიან არ გაუმaრთლა – მისი კონკურენტი მიროსლავ კლოზე იყო. მოგვიანებით გერმანიის ახალგაზრდული ნაკრების წევრი „დუისბურგში“ გადავიდა, შემდგომ კი „ვერდერშიც“ ითამაშა. ამჟამად წარსულის გახსენებას ის „ჰერტას“ შემადგენლობაში თამაშით ცდილობს.
9. ტიმ ბოროვსკიმ თითქმის მთელი თავისი კარიერა „ვერდერში“ გაატარა. „ბაიერნის“ შემადგენლობაში ერთი სეზონის შემდეგ ის მიხვდა, რომ კვლავ ბრემენში უნდა დაბრუნებულიყო.
10. 2008 წლის შემოდგომაში „ლოს-ანჯელეს გალაქსის“ ვარსკვლავი ლენდონ დონოვანი ფორმის შენარჩნების მიზნით „ბაიერნში“ ვარჯიშობდა. შედეგად, ის მიუნხელებს იჯარით მოკლევადიან კონტრაქტზეც შეუთანხმდა. ბუდნესლიგაში ექვს ჩატარებულ მატჩში მან გოლის გატანა ვერ მოახერხა.
11. ედსონ ბრაფხეიდა „ბაიერნმა“ „ტვენტესგან“ ორ მილიონ ევროდ შეიძინა. შემდგომ ის იჯარით „სელტიკში“ გადავიდა, რასაც „ჰოფენჰაიმში“ ტრანსფერი მოჰყვა. ამჟამად ჰოლანდიის ნაკრების ყოფილი მცველი იტალიაში თამაშობს.
12. 18 წლის ემრე ჯანის დებიუტი „ბაიერნში“ 2012/13 წლების სეზონში შედგა. ამის შემდეგ მიუნხენელებმა ნიჭიერი ნახევარმცველი „ბაიერში“ გაუშვეს, სადაც მისით „ლივეპული“ დაინტერესდა. ინგლისში გადასვლა გარდაუვალი აღმოჩნდა.
