ჭდე: ბელორუსი

ეროვნული ნაკრები წლის ბოლო მატჩს ბელარუსთან გამართავს

Posted on by კახა ყიფიანი

საქართველოს ეროვნული ნაკრები წლის ბოლო ამხანაგური მატჩისთვის მზადებას განაგრძობს. 12 ნოემბერს, ვლადიმირ ვაისის გუნდმა თბილისის ზღვაზე მდებარე ს.კ „ზესტაფონის“ ბაზაზე მატჩისწინა ბოლო ვარჯიში გამართა. შეკრებაზე მყოფი ყველა ფეხბურთელი ჯანმრთელადაა და მოახლოებული ამხანაგური მატჩისთვის სრული დატვირთვით ემზადება.

13 ნოემბერს, 18:00 საათზე ქუთაისის რამაზ შენგელია სახელობის სტადიონზე საქართველოს ეროვნული ნაკრები ბელარუსს დაუპირისპირდება. მატჩის პირდაპირ რეპორტაჟს საზოგადოებრივი მაუწყებლის პირველი არხი შემოგთავაზებთ.

ეროვნული ნაკრების შემადგენლობა ბელარუსის ნაკრების წინააღმდეგ:

მეკარეები: გიორგი ლორია (ანჟი, რუსეთი), გიორგი მაკარიძე (მორეირენსე, პორტუგალია), როინ კვასხვაძე (ტორპედო, ქუთაისი)

მცველები: ოთარ კაკაბაძე (ხიმნასტიკი, ესპანეთი), გურამ კაშია (ვიტესი, ჰოლანდია), ლევან გეგეჭკორი (დინამო, თბილისი), გია გრიგალავა (არსენალი, ტულა, რუსეთი), ლაშა დვალი (პოგონი, პოლონეთი) დავით ხოჭოლავა (შახტარი, უკრაინა) გიორგი ნავალოვსკი (სკა ენერგია, რუსეთი), ლაშა შერგელაშვილი (რიგასი, ლატვია)

ნახევარმცველები: ნიკა კვეკვესკირი (ტობოლი, ყაზახეთი), ჯაბა კანკავა, ვაკო გვილია (ბატე, ბელარუსი), გიორგი აბურჯანია (სევილია, ესპანეთი), გიორგი მერებაშვილი (ვისლა, პლოცკი, პოლონეთი), ჯაბა ჯიღაური (ვარდარი, მაკედონია), გიორგი პაპუნაშვილი (სარაგოსა, ესპანეთი), საბა ლობჟანიძე (რანდერსი, დანია), ვაკო ყაზაიშვილი (სან ხოსე ერსქვიკსი, აშშ)

თავდამსხმელები: გიორგი ქვილითაია (რაპიდი, ავსტრია), ნიკა კაჭარავა (კორონა, პოლონეთი), ირაკლი სიხარულიძე (ლოკომოტივი, თბილისი)

საქართველოსა და ბელორუსის მატჩზე ბილეთის ფასი 2 ლარს შეადგენს და მისი შეძენა TKT.ge-ზე და სტადიონის სალაროებში შეგიძლიათ. შეგახსენებთ, რომ შეხვედრაზე დასასწრებად ბილეთი ყველა გულშემატკივარს სჭირდება.

Gff.Ge

ნავალოვსკი: “არც ერთა ლიგაზე არ არსებობს მარტივი მეტოქე – მთავარია მონდომება, ფიზიკური მზაობა!”

Posted on by კახა ყიფიანი

საქართველოს ეროვნულმა ნაკრებმა გუშინ ამხანანაგური შეხვედრა გორში, “თენგიზ ბურჯანაძეზე” კვიპროსის წინააღმდეგ ჩაატარ და მეტოქე ანგარიშით, 1-0 დაამარცხა. ერთადერთი გოლის ავტორი გიორგი ქვილითაია გახდა.

მატჩის შემდეგ ჩვენი გუნდის მარცხენა მცველმა, გიორგი ნავალოვსკიმ Fanebi.Com-თან ისაუბრა.

“ნებისმიერ შეხვედრაში გამარჯვება და გულშემატკივრის გახარება გვინდა. გუშინ, ალბათ, ეს გამოგვივიდა. მთავარი, სწორედ მოგებაა – ახლა მხოლოდ ეს სურს ჩვენს ფანებს. გვინდა, ყველაფერი გავაკეთოთ იმისთვის, რომ, ბოლოს და ბოლოს, ქართველმა გულშემატკივარმაც გაიხაროს. წინ ბელორუსია. არ ვიცი, რამდენად ძლიერები არიან ისინი, თუმცა, გეტყვით, რომ სუსტი გუნდი ფეხბურთში აღარაა. რა თქმა უნდა, გამარჯვებისთვის და, ისევ და ისევ, ხალხის გულის გასახარებლად ვიბრძოლებთ.”

“რაც შეეხება ერთა თასს, გავიმეორებ, რომ მარტივი მეტოქე არ არსებობს. უკვე, ყველამ ისწავლლა ფეხბურთის თამაში. ზოგი ფიქრობს, რომ ერთა ლიგიდან ევროპის ჩემპიონატზე გასვლა ადვილია, მაგრამ, მიმაჩნია, ყველა თამაში სერიოზული იქნება.  მთავარია, მონდომება, ფიზიკური მზაობა. ყველაფერი უნდა ვქნათ, რომ რამეს მივაღწიოთ. იმედია, გავალთ ევროპის ჩემპიონატზე. ნამდვილად შეუძლიათ ამ ბიჭებს ამ მიზნის მიღწევა. მთავარია, დავაფასოთ ნებისმიერი მეტოქე, რადგან სუსტი არცერთი მათგანი არაა,” – აცხადებს გიორგი ნავალოვსკი.

აქვე გეტყვით, რომ საქართველოსა და ბელორუსის შეხვედრა ქუთაისში, “რამაზ შენგელიაზე” 13 ნოემბერს, 18:00 საათზე დაიწყება.

გასაოცარი გოლი ბელორუსის მესამე დივიზიონიდან

Posted on by -

ბელორუსის მესამე დივიზიონის ერთ-ერთ შეხვედრაში ძალიან ლამაზი გოლი გავიდა.

საქართველოს ნაკრები მერიის თასს დაეუფლა

Posted on by Levan

დღეს, სპორტის სასახლეში მერიის თასის ბოლო შეხვედრები გაიმართა. პირველი მატჩის შემდეგ, სადაც დიდმა ბრიტანეთმა მოლდოვას 92-43 მოუგო, თბილისის მთავარი სპორტული დარბაზის პარკეტზე მერიის თასის ფავორიტები, საქართველოს და ბელორუსის ნაკრებები გამოვიდნენ.

მასპინძლებმა შეხვედრა აქტიურად დაიწყეს. ბესო ლეჟავამ დებიუტში ორი სამიანის ჩაგდება მოახერხა, თუმცა ბელორუსებმა გაიბრძოლეს და წინ გასვლაც მოახერხეს, რის შემდეგაც კოკოშკოვის შეგირდებმა მეტოქე ფიზიკურად დაჯაბნეს და საჯარიმოებით მოახერხეს ანგარიშის გათანაბრება. ცინცაძე-მეტრეველის შესანიშნავი კომბინაციის შემდეგ კი, საქართველოს ნაკრები წინ გაიჭრა და მეოთხედი მინიმალური სხვაობით – 18:17 მოიგო .

მეორე პერიოდი სტურმების იყო. მართალია, ფაჩულია და ბურჯანაძე ცდილობდნენ უპირატესობის შენარჩნებას, თუმცა ბოლო წამზე ჩაგდებული ბურთით ბელორუსები დიდი შესვენებაზე 3-ქულიანი უპირატესობით გავიდნენ.

გარტამტეხი მესამე მეოთხედი აღმოჩნდა. სტუმრებმა 10 წუთში მხოლოდ 9 ქულის ჩაგდება მოახერხეს. საქართველოს ნაკრებმ კი ძირითადად შენგელიას კარგი თამაშის წყალობით დაწინაურება მოახერხა და დასკვნითი მეოთხედის წინ 10-ქულიანი უპირატესობაც მოიპოვა, რომლის შენარჩუნება მატჩის ბოლომდე არ გაუჭირდა.

ბელორუსის ნაკრებთან შეხვედრაში საქართველოს ნაკრებში საუკეთესო თორნიკე შენგელია იყო, რომლის მონაგარი 21 ქულას შეადგენდა. სტუმრებიდან ტრადიციულად ყველაზე შედეგიანი ლიუტიჩი გახდა (15 ქულა).

10 აგვისტოდან ჩვენი გუნდი ევროპის ჩემპიონატის საკვალიფიკაციო ეტაპზე დაიწყებს ასპარეზობას. საქართველოს პირველ ტურში ჩეხეთის გუნდი ეწვევა.

 

საქართველო 76-66 ბელორუსი

სრული სტატისტიკა

IMG_3812IMG_3850IMG_3878IMG_3998IMG_4032IMG_4099IMG_4235

მარიამ ნიშნიანიძის ფოტოები

U19: საქართვეომ ბელორუსს სძლია

Posted on by Levan

საქართველოს 19-წლამდე ნაკრებმა ამხააგურ მატჩში ბელორუსის ნაკრებს სტუმრად 1-3 სძლია.

აგარიში მე-9 წუთზე კლემიატიჩის ავტოგოლით გაიხსნა. 37-ე წუთზე ჩვენი გუნდის უპირატესობა შერაზადაშვილის გოლის შემდეგ ორბურთიანი გახდა.

86-ე წუთზე ბელორუსებმა სხვაობის შემცირება მოახერხეს, თუმცა მსაჯის მიერ კომპენსირებულ წუთებზე მალანიამ საბოლოო ანგარიში დააფიქსირა 1-3.

 

ესპანეთის ნაკრებს სტადიონზე გენერატორი აუფეთქდა

Posted on by ბექა დოგრაშვილი

ესპანეთის ნაკრების გუშინდელ ვარჯიშზე სტადიონის გენერატორი აფეთქდა, რის შედეგადაც სამი ადამიანი დაშავდა.

კუნძულ მალიორკაზე მდებარე ქალაქ პალმას სტადიონ „იბეროსტარზე“, დღეს ესპანელებმა 2014 წლის მსოფლიოს ჩემპიონატის შესარჩევი ეტაპის მორიგ მატჩში ბელორუსის ნაკრებს უნდა უმასპინძლონ.

უცხოური პრესის ცნობით, სტადიონზე სარეზერვო გენერატორი ჩართეს და ელექტროენერგია ნაწილობრივ აღდგა. სწორედ ასეთ პირობებში მოუწიათ „ფურია როხას“ ფეხბურთელებს საღამოს ვარჯიშის ჩატარება.

ფიფას დელეგატი თვლის, რომ მატჩის გადადების აუცილებლობა ჯერჯერობით არ არის.

ამასვე ამტკიცებს ესპანეთის ფეხბურთის ფედერაციის პრეს-ატაშე ხორხე კარეტერო, რომლის თქმითაც, ესპანეთისა და ბელორუსის ნაკრებებს შორის გასამართი მატჩი დაგეგმილ დროს დაიწყება.

შეხვედრა „იბეროსტარზე“, ჩვენი დროით 00:00 საათზე უნდა დაიწყოს.

რაც შეეხება ესპანეთისა და საქართველოს ნაკრებებს შორის გასამართ მატჩს, ის ქალაქ ალბასეტეში მდებარე „კარლოს ბელმონტეზე“, 15 ოქტომბერს შედგება. შეხვედრა თბილისის დროით 23:00 საათზე აიღებს სტარტს.

 

ბექა დოგრაშვილი