ბრიტანელი ჟურნალისტების კურიოზული შემთხვევა.
21 დეკემბერს, პრემიერ ლიგის ერთ-ერთ ტურში, “ლივერპული”-“არსენალის” მატჩისას(2-2), ტრიბუნაზე იესო ქრისტეს ფორმით გამოწყობილი გულშემატკივარი გამოჩნდა. ის არ იყო უბრალოდ მხარდამჭერი, იგი იყო პლაკატით, რომელზეც ეწერა: “ბრენდან, მე დაგიფარავ შენ”.
არ ვიცი რას მიაწერთ ყოველივე ამას, დამთხვევას თუ უბრალო გამართლებას, მაგრამ ფაქტი ფაქტია – გუნდი ამ მატჩის შემდეგ დაუმარცხებელია.
„ლივერპულის“ მთავარმა მწვრთნელმა ბრენდან როჯერსმა „საუთჰემპტონთან“ მოგებული მატჩი შეაფასა.
„დღეს უნდა მოგვეგო. ეს შედეგი ოთხეულში მოსახვედრად ბრძოლაში ძალიან დაგვეხმარება. პირველ თხუთმეტ წუთში გაგვიჭირდა, მაგრამ ჯამში კარგად ვითამაშეთ. აღსანიშნავია კოუტინიო, რომელმაც ყველაფერთან ერთად ლამაზი გოლიც გაიტანა“, – განაცხადა მერსესაიდელთა დამრიგებელმა.
„ლივერპულის“ ხელმძღვანელობა ნახევარმცველ ფელიპე კოუტინიოსთან გრძელვადიანი კონტრაქტს გააფორმებს. როგორც ცნობილია, მერსესაიდელები ბრაზილიელთან არსებულ შეთანხმებას 2020 წლამდე გაახანგრძლივებენ.
„კოუტინიო ჩინებულად თამაშობს. თუ ფელიპე პროგრესს გააგრძელებს, მაშინ, თავის პოზიციაზე იგი ერთ-ერთი საუკეთესო იქნება“, – შეაქო კოუტინიო „წითლების“ მთავარმა მწვრთნელმა ბრენდან როჯერსმა.
ცნობისთვის, წინა კონტრაქტი მხარეებს 2018 წლამდე აკავშირებდათ.
„ვესტ ჰემის“ თავდამსხმელმა ენდი კეროლმა „ლივერპულის“ მთავარ მწვრთნელთან ბრენდან როჯერსთან შექმნილი კონფლიქტის შესახებ ისაუბრა.
„როჯერსთან ბევრი რამ მომსვლია. იგი ერთს მეუბნებოდა, თუმცა მეორეს აკეთებდა. შეხვდრის დროს მეუბნებოდა, რომ სუარესთან ვითამაშებდი, თუმცა შემდგომ მირეკავდა და „ვესტ ჰემის“ მხრიდან ინტერესის შესახებ მეყვებოდა. მსგავსი შემთხვევა არაერთხელ განმეორებულა. მისსადმი პატივისცემა დავკარგე.
კიდევ ერთ შემთხვევას გავიხსენებ – „ჰართსთან“ ევროპის ლიგის მატჩის წინ როჯერსმა მითხრა, რომ ძირითად შემადგენლობაში პირველი წუთიდან ვითამაშებდი. მეორე დღეს კი გადაიფიქრა, რაც ჩემი ტრავმით ახსნა, თუმცა მე მას ვუთხარი, რომ თავს კარგად ვგრძნობდი. შედეგად, შეხვედრის განაცხადშიც კი ვერ მოვხვდი.
როჯერსი ასე სხვა ფეხბურთელებსაც ექცეოდა, რომლებიც ახლა „ლივერპულში“ აღარ თამაშობენ“, – ციტირებს კეროლს „Times“-ი.
„ლივერპულის“ მთავარმა მწვრთნელმა ბრენდან როჯერსმა „ჩელსისთან“ ინგლისის ლიგის თასის ნახევარფინალური მატჩი შეაფასა, რომელიც ფრედ 1:1 დასრულდა.
„გუნდის თამაშით კმაყოფილი დავრჩი, თუმცა შედეგის გამო გულდაწყვეტილი ვარ. მოგებას ვიმსახურებდით.
ხასიათი ვაჩვენეთ, რამდენიმე ჩვენი შეტევა ბრწყინვალე გამოდგა. მეორე მატჩში „ჩელსი“, სავარაუდოდ, უფრო გახსნილ ფეხბურთს აჩვენებს.
ყველაფერი წინაა. დღევანდელმა შეხვედრამ გვიჩვენა, რომ უკეთესად თამაში დავიწყეთ.
სტერლინგის პაუზა? ეს მისი ცხოვრება და კარიერაა. ხალხი ამაზე ისაუბრებს, თუმცა მე მხოლოდ რაჰიმზე ვდარდობ. ფსიქოლოგიური თვალსაზრისით, იგი ძლიერი იყო. რა თქმა უნდა, სტერლინგი ნიჭიერი ფეხბურთელია, მაგრამ კარიერის დასაწყისშივე მასზე დიდი ზეწოლა განხორციელდა“, – განაცხადა მერსესაიდელთა დამრიგებელმა.
„ლივერპულის“ მთავარმა მწვრთნელმა ბრენდან როჯერსმა განაცხადა, რომ იანვარში მარიო ბალოტელი კლუბს არ დატოვებს.
„მარიო კარგია. მან იმდენი გოლი ვერ გაიტანა, რამდენის გატანასაც ისურვებდა, თუმცა ჩვენ, მზად ვართ, მას დავეხმაროთ და სიტუაციიდან გამოსვლის მეთოდები ვიპოვოთ. იანვარში ბალოტელი არსად წავა“, – განაცხადა როჯერსმა.
მიმდინარე სეზონში 24 წლის ფორვარდმა 18 მატჩი ჩაატარა და მხოლოდ 2 გოლი გაიტანა (პრემიერლიგაში მას არც ერთ გოლი არ გაუტანია) და 1 საგოლე გადაცემა მიითვალა.
ინგლისის პრემიერლიგის XXI ტურში “ლივერპულმა” სტუმრად “სანდერლენდი” ლაზარ მარკოვიჩის კინკილა გოლის წყალობით ანგარიშით 1:0 დაამარცხა. მატჩის შემდეგ მერსისაიდული გუნდის მთავარმა მწვრთნელმა ბრენდან როჯერსმა ფეხბურთელებს თავდადებისთვის მადლობა გადაუხადა და იქვე იმედი გამოთქვა, რომ “წითლები” საკუთარი თავის რწმენას დაიბრუნებენ.
“ლივერპულმა” შესანიშნავი თამაში უჩვენა. მატჩის მიმდინარეობას ვაკონტროლებდით, თუმცა სამწუხაროა, რომ მეტის გატანა ვერ შევძელით. ვფიქრობ, გუნდი საკუთარი თავის რწმენას იბრუნებს. ბევრი ახალგაზრდა ფეხბურთელი გვყავს, რომლებიც ძალიან სწრაფად ვითარდებიან”, – ციტირებს როჯერსის სიტყვებს “როიტერი”.
“ლივერპულს” პრემიერლიგის სატურნირო ცხრილში მერვე პოზიცია აქვს დაკავებული.
„ლივერპულის“ მთავარმა მწვრთნელმა ბრენდან როჯერსმა განაცხადა, რომ ჯორდან ჰენდერსონში იგი გუნდის მომავალ კაპიტანს ხედავს.
„ჰენდერსონს ლიდერის თვისებები აქვს. ეს ერთ-ერთი ის მიზეზია, რომლის გამოც იგი გუნდის ვიცე-კაპიტანია. სტივენ ჯერარდზე უკეთეს მაგალითს მას, ალბათ, არავის მისცემდა. ჯორდანმა სტივენისგან ბევრი ისწავლა, რაც მის მოქმედებებში გამოიხატება.
ასე რომ, ჯერარდის წასვლის შემდეგ, მართალია სხვანაირი, მაგრამ მაინც გვეყოლება ის ფეხბურთელი, რომელიც ლიდერის ფუნქციებს შეასრულებს“, – განაცხადა როჯერსმა.
“ლივერპულის” კაპიტანმა, სტივენ ჯერარდმა, გუნდიდან წასვლის შესახებ მიღებული გადაწყვეტილების გამომწვევ მიზეზებზე ისაუბრა.
“გადამწყვეტი ბრენდან როჯერსთან საუბარი გახდა. მან მითხრა რომ ძალების დაზოგვა და სათამაშო დროის განაწილება მჭირდებოდა. როდესაც გუნდის კაპიტანი და ძირითადი შემადგენლობის უცვლელი წევრი ხარ ასეთი საუბრები ძალიან რთული გადასატანია.
დასანანია, რომ როჯერსს ცოტა ადრე არ შევხვდი, მაგალითად 24 წლის ასაკში. ვიფქრობ, ამ შემთხვევაში დღეს უამრავ ტიტულებზე ვისაუბრებდით, რომლებსაც ერთად მოვიგებდით. თუმცა, რეალობა ასეთია. როჯერსი კლუბში მოვიდა, როცა მე 32 წლის ვიყავი და საწყენია, რომ ჩვენი ურთიერთობა 10 წლის წინ დაიწყო” – განაცხადა ჯერარდმა “ლივერპული” ოფიციალურ ვებგვერდთან საუბრისას.
„ლივერპულის“ მთავარმა მწვრთნელმა ბრენდან როჯერსმა კლუბის სატრანსფერო გეგმებზე ისაუბრა.
„იანვარში ჩვენგან დიდ აქტიურობას არ ელოდოთ. ზაფხულში ბევრი ფეხბურთელი დავიმატეთ, რომელიც ახალ გარემოსა და მუშაობის მეთოდს ნელ-ნელა ეჩვევა. არამგონია, ფულის დახარჯვისთვის ეს საჭირო დრო იყო. თუ გასული წლის იანვარს გავიხსენებთ, მაშინ, შეგახსენებთ, რომ არავინ ვიყიდეთ. ჩემი მიზანი გუნდის ამჟამინდელი მოთამაშეების მომზადებაა“, – განაცხადა მერსესაიდელთა დამრიგებელმა.
მარიო ბალოტელიმ “ლივერპულში” ათამაშება ჯერჯერობით ვერ შეძლო, თუცა მერსისაიდელთა მწვრთნელის განცხადებით იტალიელის გაყიდვაზე კლუბში ჯერ არ ფიქრობენ.
“ბალოტელის გაყიდვაზე არც მიფიქრია. წინ კიდევ ბევრი მატჩი გვაქვს. ამტომ, ფეხბურთელების შემადგენლობაში შენარჩუნება მნიშვნელოვანია” – თვლის როჯერსი.
ბალოტელიმ “ლივერპულის” შემადგენლობაში 15 მატჩი ჩაატარა და მხოლოდ 2 გოლის გატანა შეძლო.
“ლივერპულის” მთავარი მწვრთნელისთვის, ბრენდან როჯერსისთვის გასული წელიწადი საკმაოდ კონტრასტული იყო.
