“ინტერის” არგენტინელი თავდამსხმელი, მაურო იკარდი პრემიერ ლიგის კლუბებში პოპულარულია.
Corriere dello Sport-ის ცნობით, “ინტერსა” და “პალერმოს” შორის გასამართ მატჩს “მანჩესტერ სიტის”, “ლივერპულის”, “ჩელსისა” და “ტოტენჰემის” სკაუტები დაესწრებიან.
22 წლის შემტევის სატრანსფერო ღირებულება დაახლოებით 21 მილიონი ევროა, რომლის ხელშეკრულებასაც ვადა 2018 წელს გადის.
ამ სეზონში, მაურო იკარდიმ სერია A-ში და ევროპა ლიგაზე 28 მატჩი ჩაატარა, სადაც 16 გოლით გამოირჩა.
“ჩელსის” პორტუგალიელ თავკაცს, ჟოზე მოურინიოს არ სჯერა, რომ მის გუნდს მიმდინარე სეზონში პრემიერ ლიგის საჩემპიონო ტიტული განაღდებული აქვს.
როგორც იცით, გუშინ ლონდონელებმა “ვილა პარკზე” 1-2 იმარჯვეს, ხოლო მათმა კონკურენტმა “მანჩესტერ სიტიმ” საშინაო არენაზე ქულები “ჰალ სიტისთან” დაკარგა.
“იმ შემთხვევაში, თუ ვიქნებოდით სხვა ჩემპიონატში, ვიტყოდი, რომ ეს ფანტასტიკური შედეგია, მაგრამ ინგლისში სხვაობა შვიდი ქულა, არაფერია. წინ კიდევ 14 ტურია, საქმე 42 ქულას ეხება. ყველაფერი შეიძლება მოხდეს.
“რას ვიტყვი “მანჩესტერ სიტის” ჩავარდნაზე? – არაფერს. ეს პრემიერ ლიგაა, სადაც ნებისმიერი რამ ხდება. აქ ლიდერი და აუტსაიდერი არ არსებობს. არ ვარ მეტოქის შედეგით დაინტერესებული. რაც მთავარია, ჩვენ დავამარცხეთ “ასტონ ვილა“,“-განაცხადა მოურინიომ.
ლონდონის “ჩელსის” მთავარი მწვრთნელი ჟოზე მოურინიო თვლის, რომ საფრანგეთის ფეხბურთის ფედერაციის წარმომადგენლებმა მას რაფაელ ვარანისა და კურტ ზუმას განვითარებისთვის სამადლობელი წერილი უნდა გაუგზავნონ. შეგახსენებთ, რომ ფეხბურთის პორტუგალიელი სპეციალისტი ვარანს მადრიდის “რეალში” მუშაობის პერიოდში თავკაცობდა, ზუმას კი ამჟამად “ჩელსიში” ხელმძღვანელობს.
“საფრანგეთის ფეხბურთის ფედერაციამ მსოფლიოს მასშტაბით ორი საუკეთესო ახალგაზრდა ცენტრალური მცველის გამო მადლობის წერილი უნდა გამომიგზავნოს. წარმოგიდგენიათ, კიდევ რამდენი წლის განმავლობაში ითამაშებენ ვარანი და ზუმა უმაღლეს დონეზე? ფრანგთა თავკაცი დიდიე დეშამი ამით ბედნიერი უნდა იყოს”, – ციტირებს მოურინიოს სიტყვებს BBC.
საფეხბურთო ვებ-გვერდმა Goal.Com-მა 2015 წლის იანვრის ათი საუკეთესო ტრანსფერი დაასახელა.
გაბრიელ პაულისტა (“ვილიარეალიდან” ლონდონის “არსენალში”)
15 მილიონი ევრო
მანოლო გაბიადინი (“სამპდორიადან” “ნაპოლიში”)
13 მილიონი ევრო
მარტინ ედეგორი (“სტრომსგოდსეტიდან” მადრიდის “რეალში”)
4 მილიონი ევრო
ვიქტორ ვალდესი (თავისუფალი აგენტი – “მანჩესტერ იუნაიტედში”)
ლუკას სილვა (“კრუზეიროდან” მადრიდის “რეალში”)
15 მილიონი ევრო
ფერნანდო ტორესი (“მილანიდან” მადრიდის “ატლეტიკოში”)
ანდრეი კრამარიჩი (“რიეკადან” “ლესტერში”)
9.3 მილიონი ევრო
ხუან კუადრადო (“ფიორენტინადან” ლონდონის “ჩელსიში”)
33 მილიონი ევრო
ანდრე შიურლე (ლონდონის “ჩელსიდან” “ვოლფსბურგში”)
30 მილიონი ევრო
ჩერდან შაქირი (მიუნხენის “ბაიერნიდან” “ინტერში”)
15 მილიონი ევრო
იმის შემდეგ, რაც კოლუმბიელი ფეხბურთელი ხუან კუადრადო “ფიორენტინადან” ლონდონის “ჩელსიში” გადავიდა, Talksport-მა სახუმარო ვიდეო გამოაქვეყნა.
ვიდეო მაშინაა გადაღებული, როდესაც კუადრადო “ფიორენტინას” ღირსებას იცავდა. ის ჟურნალისტებს იტალიურ ენაზე ესაუბრება, Talksport-მა კი ყველაფერი გადააკეთა.
“ჯონ ტერიმ ჩემს ცოლს ქალაქი დაათვალირებინა”, – ეს ის სიტყვებია, რომლებიც ყველაზე დიდ ყურადღებას იპყრობს.
გთავაზობთ ვიდეოს, რომელშიც ლონდონის “ჩელსის” ისტორიაში ათი ყველაზე ძვირადღირებული ტრანსფერი აღბეჭდილი.
ლონდონის „ჩელსის“ მთავარმა მწვრთნელმა ჟოზე მოურინიომ „მანჩესტერ სიტისთან“ ინგლისის პრემიერლიგის 23-ე ტურის მატჩის შემდეგ ჟურნალისტებთან საუბარი იუარა, რის შესახებაც BBC წერს. აღსანიშნავია, რომ პორტუგალიელი სპეციალისტის მატჩისშემდგომი პრესკონფერენციაც გადაიდო.
შეგახსენებთ, რომ ამ კვირას „არისტოკრატთა“ თავკაცი მსაჯების კრიტიკისთვის 25 ათასი ფუნტით დაჯარიმდა. ჟოზეს თქმით, მსაჯები მისი გუნდის წინააღმდეგ კამპანიას ატარებენ.
„მანჩესტერ სიტის“ ნახევარმცველმა ფრენკ ლამპარდმა „ჩელსისთან“ ფრედ 1:1 დასრულებული მატჩი შეაჯამა.
„ბოლო მატჩებში ცოტა მოვუკელით, თუმცა დღეს უკეთესად გამოვედით. არამგონია, შედეგის გამო გული არ უნდა დაგვწყდეს.
პირადად ჩემთვის, „სტემფორდ ბრიჯზე“ ჩასვლა ცოტა უცნაური იყო. ვნერვიულობდი, თუმცა მიხარია, რომ გულშემატკივრები თბილად დამხვდნენ. მატჩამდე რთული იყო იმის თქმა, თუ როგორ მიმიღებდა აქაური პუბლიკა. მიხარია, რომ დავბრუნდი და ნაცნობი სახეები ვნახე“, – განაცხადა ფრენკმა.
„მანჩესტერ სიტის“ ნახევარმცველმა ფერნანდომ „ჩელსისთან“ პრემიერლიგის 23-ე ტურის მოახლოებული მატჩის შესახებ ისაუბრა.
„რა თქმა უნდა, წინ ურთულესი მატჩი გველის, თუმცა ყველაფერს გავაკეთებთ, რათა ქულათა სხვაობა შევამციროთ. ვიცით, რომ გამარჯვების შემთხვევაში, „ჩელსის“ ორ ქულამდე მივუახლოვდებით.
ჟოზე მოურინიო ძალიან კარგი მწვრთნელია, იგი მსოფლიოში ერთ-ერთ საუკეთესო ტაქტიკოსია. მის კარიერიას მრავალი წლის განმავლობაში ვაკვირდებოდი.
რა თქმა უნდა, ადვილი არ იქნება, თუმცა ამ შეხვედრის მოგება ნამდვილად შეგვიძლია“, – ციტირებს ფერნანდოს „ქალაქელთა“ ოფიციალური საიტი.
„ლივერპულთან“ სათასო მატჩში „ჩელსის“ თავდამსხმელმა დიეგო კოსტამ ემრე ჩანს ფეხზე დააბიჯა, რის გამოც ინგლისის ფეხბურთის ასოციაციისგან სამმატჩიანი დისკვალიფიკაცია მიიღო. „არისტოკრატების“ ფორვარდმა აღნიშნულ საქმესთან დაკავშირებთ სააპელაციო სარჩელიც შეიტანა, რომელიც არ დაკმაყოფილდა.
აქედან გამომდინარე, დიეგო თავის გუნდს „მანჩესტერ სიტისთან“, „ასტონ ვილასთან“ და „ევერტონთნა“ მატჩებში ვერ დაეხმარება.
მიმდინარე სეზონში კოსტამ პრემიერლიგაში 19 მატჩი ჩაატარა, რომელშიც 17 გოლი გაიტანა და 2 საგოლე გადაცემაც მიითვალა.
27 იანვარს, ლონდონის “ჩელსისა” და “ლივერპულს” შორის გამართული მატჩის მიმდინარეობისას კამერებმა სახალისო კადრი დააფიქსირეს.
27 იანვარს, ინგლისის ლიგის თასზე, ლონდონის “ჩელსისა” და “ლივერპულს” შორის გამართულ შეხვედრაში (1:0) დიეგო კოშტასა და სტივენ ჯერარდს შორის სიტუაცია დაიძაბა.
