ჩემპიონთა ლიგა~ – გვერდი 2 – Fanebi.Com – ფეხბურთი, კალათბურთი, რაგბი, სხვა

ოფიციალურად: “საბურთალო” ჩემპიონთა ლიგაზე ითამაშებს

Posted on ივნისი 18, 2015 by Levan

დღეს, საფეხბურთო კლუბ “საბურთალოს” ოფისში უეფას გენერალური მდივნის, ჯანი ინფანტინოს ხელმოწერით მოვიდა წერილი სათაურით – “Admission to the 2015-2016 uefa youth league”.

ოფიციალურ მიმართვაში ნათქვამია, რომ თბილისურმა კლუბმა დააკმაყოფილა უეფას ყველა მოთხოვნა და უფლება აქვს იუნიორთა ჩემპიონთა ლიგის (19 წლამდელები) ტურნირზე იასპარეზოს.

კლუბის განცხადებით, ხსენებულ ევროტურნირზე თამაში მათთვის დიდი პატივი და გამოწვევაა. თბილისელები იმედოვნებენ, რომ ფეხბურთელები წარმატებით გაართმევენ თავს დაკისრებულ მოვალეობას და ქართველ გულშემატკივრებს სანახაობრივ და შედეგიან თამაშებს აჩვენებენ.

ჩემპიონთა ლიგის თამაშები სექტემბრიდან აიღებს სტარტს. ცნობილია, რომ ქართული გუნდი გათამაშებას საკალიფიკაციო ეტაპიდან დაიწყებს. “საბურთალოს” მეტოქეს წილისყრის შედეგად გაირკვევა.

UEFA-მ ჩემპიონთა ლიგის სეზონის საუკეთესო გოლი დაასახელა

Posted on ივნისი 9, 2015ივნისი 9, 2015 by საბა

უეფას ექსპერტების აზრით, ჩემპიონთა ლიგის გასულ სეზონში ყველაზე ლამაზი გოლი მადრიდის “რეალის” თავდამსხმელმა, კრიშტიანუ რონალდუმ, “ლივერპულის” წინააღმდეგ გაიტანა.

საუკეთესო გოლების ტოპ 10 ასე გამოიყურება:

1 რონალდუ (ლივერპული 0-3 რეალი, 22/10/14)
2 რაკიტიჩი (იუვენტუსი 1-3 ბარსელონა, 06/06/15)
3 მესი (ბარსელონა 3-0 ბაიერნი, 06/05/15)
4 სუარეზი (პსჟ 1-3 ბარსელონა, 15/04/15)
5 რაკიტიჩი (ბარსელონა 1-0 მან სიტი, 18/03/15)
6 როისი (გალათასარაი 0-4 დორტმუნდი, 22/10/14)
7 ბენზემა (რეალი 5-1 ბაზელი, 16/09/14)
8 მესი (პსჟ 1-3 ბარსელონა, 30/09/14)
9 ლევანდოვსკი (ბაიერნი 6-1 პორტუ, 21/04/15)
10 აბუბაქარი (პორტუ 4-0 ბაზელი, 10/03/15)

სტანდარტულებიდან გასულ გოლებში საუკეთესოს ტიტული ჰეუნგ მინ-სონს მისცეს, როდესაც მან ჯარიმით “ზენიტის” კარი ბრწყინვალე გოლით აიღო.

ლუის სუარესის კომენტარი “იუვენტუსთან” მატჩის შემდეგ

Posted on ივნისი 7, 2015ივნისი 7, 2015 by საბა

როგორც იცით, გუშინ “ბარსელონამ” გერმანიის დედაქალაქ, ბერლინში მეხუთედ იზეიმა ჩემპიონთა ლიგის ტიტულის მოგება.

მატჩის შემდეგ, სოციალური ქსელის მეშვეობით ლუის სუარესმა კომენტარი გააკეთა.

“ჩემპიონები! ოცნება სრულდება!!! მადლობა ყველას!! განსაკუთრებით ჩემს სამ სიყვარულს”.

ლიონელ მესის კომენტარი “იუვენტუსთან” მატჩის შემდეგ

Posted on ივნისი 7, 2015 by საბა

რამდენიმე საათის წინ დასრულდა ჩემპიონთა ლიგის ფინალი ბერლინში, სადაც “ბარსელონამ” “იუვენტუსი” 1-3 დაამარცხა.

მატჩის შემდეგ, კატალონიელთა არგენტინელმა შემტევმა, ლეო მესიმ სოციალური ქსელის მეშვეობით კომენტარი გააკეთა.

ინიესტა: “ტრიპლეტის მოგების შემდეგ ემოციების გადმოცემა შეუძლებელია”

Posted on ივნისი 7, 2015 by საბა

“ბარსელონას” ნახევარმცველი დღევანდელი მატჩის შემდეგ, სეზონს აჯამებს, როგორც – “ლამაზ ოცნებას”.

ანდრეს ინიესტას თქმით, შეუძლებელია გადმოსცე ის ემოციები, რასაც ტრიპლეტის მოგების შემდეგაც გრძნობ.

“არაფერს ვითხოვ. სეზონის სამი ტიტულით დასრულება, მშვენიერია. ამას სიტყვებით ვერ გადმოვცემ. ეს საოცარი ემოციაა ფეხბურთელებისთვის და გულშემატკივრებისთვის. ჩვენ ტრიპლეტი კიდევ ერთხელ მოვიგეთ, ეს გენიალურია,”-დაასრულა ინიესტამ.

პოგბა: “იუვენტუსისთვის პენალტი უნდა დაენიშნათ”

Posted on ივნისი 7, 2015 by საბა

“იუვენტუსის” ნახევარმცველმა, პოლ პოგბამ დღევანდელი მარცხი აღიარა, მაგრამ განაცხადა, რომ მის გუნდს თერთმეტმეტრიანის დარტყმის უფლება წაართვეს.

“დიახ, მსაჯმა შეცდომები დაუშვა, მაგრამ ეს ვერაფერს შეცვლის. ყველაფერი გავაკეთეთ, მაგრამ “ბარსელონა” ჩვენზე უკეთ გამოიყურებოდა. მათ ჰქონდათ ის, რაც ჩვენ არა,”-აღიარა პოგბამ.

“გაშვებული გოლის შემდეგ, გვჯეროდა, რომ მატჩის შემოტრიალება შეგვეძლო და ანაგრიში გავათანაბრეთ, თუმცა მეტოქემ ჩვენი მცირე შეცდომებით კარგად ისარგებლა”.

მორატა: “არამგონია, “იუვენტუსს” ხელმეორედ ჰქონდეს ტრიპლეტის ასეთი შანსი”

Posted on ივნისი 7, 2015 by საბა

“იუვენტუსის” ესპანელმა თავდამსხმელმა, ალვარო მორატამ ჩემპიონთა ლიგის ფინალზე კომენტარი გააკეთა.

“მოგების ბრწყინვალე შანსი გქვონდა, მაგრამ ვერ გამოვიყენეთ. არამგონია, “იუვენტუსს” ხელმეორედ ჰქონდეს ტრიპლეტის ასეთი შანსი. ჩვენ უნდა გავაგრძელოთ მუშაობა და მომდევნო სეზონს საბრძოლო განწყობით შევხვდეთ. მიმდინარე სეზონში მიღწეული შედეგებით ამაყები ვართ, მაგრამ 2015/16 წლის სეზონს უფრო დიდი მიზნებით შევხვდებით,”-განაცხადა მორატამ.

“ბარსელონა” ჩემპიონთა ლიგის გამარჯვებულია

Posted on ივნისი 7, 2015ივნისი 7, 2015 by Levan

“იუვენტუსსა” და “ბარსელონას” შორის ბერლინში გამართული ჩემპიონთა ლიგის ფინალური შეხვედრა კატალონიელთა გამარჯვებით დასრულდა.

ანგარიში სწრაფი გოლით ბარსელონელებმა შეხვედრის მე-4 წუთზე გახსნა. ინიესტას გადაცემით თავი რაკიტიჩმა გამოიჩინა. “ბარსელონამ” პირველი ტაიმი დამაჯერებელ გამარჯვებამდე მიიყვანა.

მეორე ნახევრის დებიუტში უპირატესობა ტურინელებმა მოიპოვეს და 55-ე წუთზე ანგარიშის გათანაბრებაც შეძლეს. წონასწორობის აღდგენა ალვარო მორატამ შეძლო, თუმცა “იუვენტუსის” გულშემატკივართა სიხარულმა მხოლოდ 13 წუთს გასტანა. 68-ე წუთზე სუარესმა კატალონიელები კვლავ დააწინაურა და როგორც შემდეგ გაირკვა საბოლოო ანგარიშიც დააფიქსირა.

მსაჯის მიერ კომპენსირებულ მეშვიდე წუთე კი ბუფონის კარი მესამედ ნეიმარმა დალაშქრა და საბოლოო ანგარიში 1:3 დააფიქსირა.

იუვენტუსი 1-3 ბარსელონა

გოლები: რაკიტიჩი 4′ (0:1): მორატა 55′ (1:1); სუარესი 68′ (1:2); ნეიმარი 90+7′ (1:3);

იუვენტუსი: ბუფონი, ბარცალი, ბონუჩი, ლიხშტაინერი, ევრა, პოგბა, მარკიზიო, პირლო, ვიდალი (პერეირა 79′), მორატა, ტევესი.

ბარსელონა: ტერ-შტეგენი, პიკე, მასკერანო, ალბა, ალვეში, რაკიტიჩი (მატიე 90′), ბუსკეტსი, ინიესტა (ჩავი 78′), სუარესი (პერდრო 90′), მესი, ნეიმარი.

UEFA-მ მატჩის საუკეთესო მოთამაშე დაასახელა

Posted on ივნისი 7, 2015ივნისი 7, 2015 by საბა

რამდენიმე წუთის წინ დასრულდა ჩემპიონთა ლიგის ფინალი, გერმანიის დედაქალაქ, ბერლინში, სადაც “ბარსელონამ” ტურინის “იუვენტუსი” 1-3 დაამარცხა.

უეფას ოფიციალურმა თვითერის გვერდმა, მატჩის საუკეთესო მოთამაშედ ესპანელთა ნახევარმცველი, ანდრეს ინიესტა დაასახელა.

“იუვენტუსი”-“ბარსელონა” [სასტარტო შემადგენლობები]

Posted on ივნისი 6, 2015 by საბა

დღეს, 1 საათში, ბერლინში ჩემპიონთა ლიგის ფინალური მატჩი გაიმართება, “იუვენტუსსა” და “ბარსელონას” შორის.

ჩვენი საიტი გუნდების ოფიციალურ შემადგენლობებს შემოგთავაზებთ.

“იუვენტუსი”: ბუფონი, ბარცალი, ბონუჩი, ლიხშტაინერი, ევრა, პოგბა, მარკიზიო, პირლო, ვიდალი, მორატა, ტევესი.

“ბარსელონა”: ტერ-შტეგენი, პიკე, მასკერანო, ალბა, ალვეში, რაკიტიჩი, ბუსკეტსი, ინიესტა, სუარესი, მესი, ნეიმარი.

ნეიმარი: “გვესმის, რომ ფინალში გასვლა კარგია, მაგრამ წინ ძალიან რთული მატჩი გველის”

Posted on ივნისი 6, 2015 by საბა

“იუვენტუსთან” ფინალური მატჩის წინ, ნეიმარმა ჟურნალისტებთან კომენტარი გააკეთა.

“ფინალში ფავორიტი არ არსებობს. ორივე გუნდს უმაღლესი კლასის ფეხბურთელები ჰყავს, ამიტომ 90 წუთი გვაქვს დასამტკიცებლად, ვინ უკეთესია. გამარჯვებისთვის ყველაფერს გავაკეთებთ”.

“იუვენტუსი – დიდი, ფანტასტიკური გუნდი. გვესმის, რომ ფინალში გასვლა კარგია, მაგრამ წინ ძალიან რთული მატჩი გველის. ბუფონი – დიდებული მეკარე, ერთ-ერთი საუკეთესო ფეხბურთის ისტორიაში. მისი დიდი გულშემატკივარი ვარ. PlayStation-ზე თამაშისას, ყოველთვის ჩემს გუნდშია, მაგრამ გამიხარდება, თუ გოლს გავუტან”.

“ბევრ ფინალში მითამაშია, მაგრამ დღეს ყველაზე განსაკუთრებულია, ჩემს კარიერაში. დღევანდელ დღეზე ბავშვობიდან ვოცნებობდი”.

“ჩემპიონთა ლიგის ფინალში თამაში ჩემი ოცნებაა. ამას ექვსი-შვიდი წლის მანძილზე ველოდი. ახლა კი დადგა დრო, შევისრულო სურვილი”.

“მესი და სუარესი – ორი გამოჩენილი, უმაღლესი კლასის მოთამაშე. ჩვენ როგორც მოედანზე, ასევე მის გარეთაც ბრწყინვალე მეგობრები ვართ და ეს ბევრ რაღაცაში მეხმარება. იმედი მაქვს, სეზონს ღირსეულად დავასრულებთ და შრომა დაგვიფასდება,”-დაასრულა ნეიმარმა.