ჭდე: CSKA

ცსკა „მანჩესტერ სიტისთან“ მარცხს გადაურჩა (ვიდეო)

Posted on by Alix

დასრულდა უეფა-ს ჩემპიონთა ლიგის E ჯგუფის მესამე ტურის პირველი მატჩი, რომელიხ ხიმკიში გაიმართა,ს ადაც ერთმანეთს მოსკოვის ცსკა და „მანჩესტერ სიტი“ დაუპირისპირდნენ და ფრედ 2:2 ითამაშეს.

არადა, სტუმართათვის პირველი ტაიმი ჩინებულად განვითარდა. 29-ე წუთზე ანგარიში კუნ აგუერომ გახსნა. ორამდე პელეგრინის გუნდის უპირატესობა მილნერმა გაზარდა, რომელმაც აკინფეევის კარი 38-ე წუთზე აიღო.

მეორე ნახევარში კი, ყველაფერი პირიქით განვითარდა. 65-ე წუთზე ანგარიშში სხვაობა შეცვლაზე შესულმა სეიდუ დუმბიამ შეამცირა, რომლის წაქცევისთვის შეხვედრის მთავარმა არბიტრმა ისტვან ვლადმა ოც წუთში ჯო ჰარტის კარის მიმართულებით თერთმეტმეტრიანი დანიშნა. პენალტის ნიშნულთან ნათხო მივიდა, რომელმაც ზუსტად დაარტყა.

საბოლოოდ, 2:2 – „ქალაქელები“ ორი ქულით ჯგუფის მესამე ადგილზე დარჩნენ, ხოლო „არმიელებმა“ თავის აქტივში პირველი ქულა ჩაიწერეს.

ცსკა – „მანჩესტერ სიტი“ 2:2 (0:2)

გოლები: დუმბია 65′, ნათხო 86′ – აგუერო 29′, მილნერი 38′

ცსკა: აკინფეევი; მარიო ფერნანდესი, ვ. ბერეზუცკი, იგნაშევიჩი, ა. ბერეზუცკი (დუმბია 56′, ცაუნა 90′), შენიკოვი; ტოშიჩი (ეფრემოვი 69′), ნათხო, ერემენკო, მილანოვი; მუსა

„მანჩესტერ სიტი“: ჰარტი; საბალეტა, კომპანი, მანგალა, კოლაროვი; მილნერი, ფერნანდო (იოვეტიჩი 86′), ტურე, დავიდ სილვა; აგუერო, ჯეკო (ნავასი 72′)

გაფრთხილება: ფერნანდო 57′

ცსკა – „მანჩესტერ სიტი“: სასტარტო შემადგენლობები

Posted on by Alix

მოგეხსენებათ, დღეს, თბილისის დროით 20:00 საათზე, უეფა-ს ჩემპიონთა ლიგის E ჯგუფის მესამე ტურის პირველი მატჩი გაიმართება – ქალაქ ხიმკიში ერთმანეთს მოსკოვის ცსკა და „მანჩესტერ სიტი“ დაუპირისპირდებიან.

წარმოგიდგენთ ორივე გუნდის სასტარტო შემადგენლობას.

ცსკა: აკინფეევი; მარიო ფერნანდესი, ვ. ბერეზუცკი, იგნაშევიჩი, ა. ბერეზუცკი, შენიკოვი; ტოშიჩი, ნათხო, ერემენკო, მილანოვი; მუსა

„მანჩესტერ სიტი“: ჰარტი; საბალეტა, კომპანი, მანგალა, კოლაროვი; მილნერი, ფერნანდო, ტურე, დავიდ სილვა; აგუერო, ჯეკო

ჰონდამ კაკა გაიცნო (ვიდეო)

Posted on by ბექა დოგრაშვილი

გუშინ, „მილანის“ ახალწვეულმა კეისუკე ჰონდამ თავის ახალ კლუბში სამედიცინო შემოწმება გაიარა და თანაგუნდელების გაცნობაც მოახერხა. კერძოდ, იაპონელი ფეხბურთელი ბრაზილიელ რიკარდო კაკას გაესაუბრა.

დღეს „მილანი“ სერია А-ს მე-18 ტურში „ატალანტას“ დაუპირისპირდება. ჰონდა აღნიშნულ შეხვედრაში მონაწილეობას ვერ მიიღებს.

იაპონელი ფეხბურთელი „მილანში“ პირველ ვარჯიშს სამშაბათს გამართავს. ჰონდას წარდგენა 8 იანვარს მოეწყობა. 27 წლის ნახევარმცველი „როსონერიში“ 10-ნომრიანი მაისურით იასპარეზებს. იტალიური კლუბის წარმომადგენლები აცხადებენ, რომ „მილანის“ ოფიციალურმა მაღაზიამ ჰონდას უკვე 1000 მაისური გაყიდა.

იაპონელი ნახევარმცველის დებიუტი, სავარაუდოდ, 12 იანვარს, „სასუოლოს“ წინააღმდეგ გასამართ მატჩში შედგება.

ბექა დოგრაშვილი

ელიზბარ ძაგოევი: „მინდა, ჩემი შვილი ევროპის რომელიმე ტოპ-კლუბში მოხვდეს“

Posted on by ბექა დოგრაშვილი

მოსკოვის „ცსკა“-ს ნახევარმცველ ალან ძაგოევის მამა ელიზბარ ძაგოევი გამოტყდა, რომ სურს, მისი შვილი ევროპის რომელიმე წამყვან კლუბში იხილოს.

„რა თქმა უნდა, მინდა, რომ ალანმა ევროპის რომელიმე ტოპ-კლუბში ითამაშოს. ვფიქრობ, ამაზე ნებისმიერი ფეხბურთელი ოცნებობს და ამ მხრივ, არც ჩემი შვილია გამონაკლისი. ამასთანავე, უნდა აღვნიშნო, რომ „ცსკა“ რუსეთის საუკეთესო კლუბია და აქ თამაში ალანისთვის დიდი პატივია. ის ამ გუნდში თავს კომფორტულად გრძნობს. მას შესანიშნავი ურთიერთობა აქვს კლუბის პრეზიდენტ ევგენი გინერთან. ეჭვი არ მეპარება, რომ ისინი ერთად მიიღებენ ჩემი შვილის მომავლისთვის სწორ გადაწყვეტილებას. ალანისთვის მთავარია მუყაითად მუშაობის გაგრძელება და თავისი საუკეთესო თვისებების გამოვლენა როგორც „ცსკა“-ში, ასევე რუსეთის ნაკრებში“, – ელიზბარ ძაგოევის სიტყვები „იზვესტიამ“ გამოაქვეყნა.

აქვე აღსანიშნავია, რომ 23 წლის ძაგოევის საფეხბურთო კარიერას მამამისიც აქტიურად განკარგავს.

ბექა დოგრაშვილი

„მილანში“ ჰონდას წარდგენა 5 იანვრის შემდეგ მოეწყობა

Posted on by ბექა დოგრაშვილი

როგორც მოგეხსენებათ, მოსკოვის „ცსკა“-ს ნახევარმცველი კეისუკე ჰონდა იანვრიდან „მილანის„ ღირსებას დაიცავს. იაპონელი ფეხბურთელი „როსონერის“ 3 იანვარს შეუერთდება.

„მილანის“ მოთამაშედ ჰონდას წარდგენა 6 იანვრიდან 12 იანვრამდე პერიოდში შედგება.

შეგახსენებთ, რომ ჰონდას მიმდინარე წლის ბოლოს რუსულ კლუბთან კონტრაქტი ეწურება. შესაბამისად, იტალიური კლუბი იაპონელ ფეხბურთელს თავისუფალი აგენტის სტატუსით, უსასყიდლოდ მიიღებს. მხარეებს შორის კონტრაქტი 2017 წლის ივნისამდე გაფორმდება.

ჰონდა „მილანში“ 10-ნომრიანი მაისურით ითამაშებს.

ბექა დოგრაშვილი

„მანჩესტერ სიტიმ“ ცსკა-ს მინიმალური სხვაობით სძლია

Posted on by Alix

დასრულდა უეფას ჩემპიონთა ლიგის D ჯგუფის მესამე ტურის პირველი შეხვედრა, რომელშიც ერთმანეთს მოსკოვის ცსკა და „მანჩესტერ სიტი“ დაუპირისპირდნენ.

მატჩი სტუმართა გამარჯვებით, 1:2 დასრულდა.

ანგარიში მასპინძლებმა გახსნეს. 32-ე წუთზე ჯო ჰარტის კარის აღება კეისუკე
ჰონდას პასის შემდეგ ზორან ტოშიჩმა მოახერხა. „ქალაქელებმა“ წონასწორობა ორ წუთშივე აღადგინეს, გოლი კი თავის ანგარიშზე სერხიო აგუერომ ჩაიწერა, რომელმაც 42-ე წუთზე დუბლიც გაიფორმა.
შეხვედრის მეორე ნახევარში გუნდებს მეტი გოლი არ გაუტანიათ, მიუხედავად იმისა, რომ შეტევებს ორივე ახორციელებდა.

ცსკა 1:2 „მანჩესტერ სიტი“
გოლები: ტოშიჩი 32′ – აგუერო 34′, 42′

ცსკა: აკინფეევი; ნაბაბკინი, ვიქტორ ბერეზუცკი (ალექსეი ბერეზუცკი 6′), იგნაშევიჩი, შენიკოვი; მილანოვი, ვერნბლოომი; ტოშიჩი, ჰონდა ცუბერი (მუსა 50′); დუმბია

„მანჩესტერ სიტი“: ჰარტი; ნასტასიჩი, საბალეტა, კოლაროვი; ხავი გარსია, ტურე, ფერნანდინიო; ხესუს ნავასი, დავიდ სილვა (ნასრი 79′); ნეგრედო (ჯეკო 72′), აგუერო (კლიში 89′)

გაფრთხილებები: ვერნბლოომი, იგნაშევიჩი, მუსა – ნეგრედო, ტურე, საბალეტა

ამ გამარჯვებით მანუელ პელეგრინის გუნდმა 6 ქულა დააროვა.

დღეს, ამ ჯგუფის მესამე ტურის მეორე შეხვედრაც შედგება – „ალიანც არენაზე“ ერთმანეთს მიუნხენის „ბაიერნი“ და „ვიქტორია პლზენი“ დაუპირისპირდებიან. აღნიშნული თამაში თბილისის დროით 22 საათსა და 45 წუთზე დაიწყება.

 ალექსანდრე მატევოსოვი

პოპოვიჩი: „ცსკა-ს მოგება შეეძლო“

Posted on by Alix

მოსკოვის ცსკა-სთან ოვერტაიმში ანგარიშით 95:93 მოგებული შეხვედრის შემდეგ, „სან-ანტონიო სპურსის“ მთავარი მწვრთვნელი გრეგ პოპოვიჩი ჟურნალისტებს გაესაუბრა.

„ეს არც ისე ადვილი მატჩი იყო, რომელშიც სერიოზული მეტოქე დაგვიპირისპირდა. ამ შეხვედრის წაგებაც კი შეგვეძლო. საბედნიეროდ, პატრიკ მილსმა გადაგვარჩინა, ხოლო ცსკა-მ თავისი შანსი ვერ გამოიყენა. დღევანდელი თამაშის ჩანაწერს დიდი სიამოვნებით ვნახავ. სხვათაშორის, ეტორე მესინას მუშაობას აქტიურად ვადევნებ თვალყურს. ვაღიარებ, რომ ხშირად მაგალითს ევროპული კალათბურთიდან ვიღებთ“, – განაცხადა „სპურსის“ თავკაცი.

ალექსანდრე მატევოსოვი

აკინფეევი „მილანში“?

Posted on by Alix

მოსკოვის ცსკა-ს გოლკიპერი იგორ აკინფეევი შესაძლოა, შემდეგი სეზონიდან „მილანის“ შემადგენლობაში ვიხილოთ.

რუსეთის ეროვნული ნაკრების მეკარეს „არმიელებთან“ მოქმედი კონტრაქტი მიმდინარე სეზონის ბოლოს ეწურება, შესაბამისად, უკვე ზამთრიდან მას ნებისმიერ კლუბთან მოლაპარაკებების წარმოების საშუალება ექნება.

მოგეხსენებთ, „როსონერის“ ხელმძღვანელობა 36 წლის კრისტიან აბიატის შემცვლელის ძებნას ცდილობს.

ცნობისთვის, დიდი ალბათობით, ზამთარს იტალიურ კლუბს თავისუფალი აგენტის სტატუსით მოსკოვური კლუბის იაპონელი ნახევარმცველი კეისუკე ჰონდა შეუერთდება.

ალექსანდრე მატევოსოვი