ეროვნული საკალათუბრთოა სოციაციის რეგულარული ჩემპიონატის მორიგი მატჩი „დალას მავერიკსმა“ „ლოს-ანჯელეს კლიპერსს“ უმასპინძლა და ანგარიშით 10 ქულით – 118:108 დაამარცხა.
შეხვედრაში მონაწილეობა მიიღო საქართველოს ნაკრების კაპიტანმა ზაზა ფაჩულიამაც, რომლისთვისაც მატჩი წარმატებული გამოდგა. ქართველმა ცენტრმა 30 წუთსა და 49 წამში 10 ქულა, 3 ასისტი და 10 მოხსნა მიითვალა.
შემდეგ შეხვედრას „დალასი“ „კლიპერსთან“ 13 ნოემბერს ჩაატარებს.
ეროვნული საკალაბურთო ასოციაციის მორიგი სათამაშო დღის მატჩში „დალას მავერიკსმა“ „ტორონტო რეპტორსი“ მიიღო. სათქმელია, რომ აქამდე კანადელებს სამიდან სამი მოგება ჰქონდათ. „რეპტორსმა“ ამჯერადაც იმარჯვა და მეტოქეს ანგარიშით 102:91 სძლია.
საქართველოს ნაკრების ცენტრმა ზაზა ფაჩულიამ ხსენებულ შეხვედრაში 4 ქულა და 7 მოხსნა მიითვალა. ჯამში, ზაზას სათამაშო დრომ 28 წუთი შეადგინა.
ამჟამად „მავერიკსი“ კონფერენციაში 7-10 ადგილს იყოფს. 4 მატჩიდან დალასელებმა 2 მოიგეს და, შესაბამისად, ორში დამარცხდნენ.
ზაზა ფაჩულიას „დალას მავერიკსთან“ მარცხის შემდეგ „ლოს-ანჯელეს ლეიკერსის“ შემტევმა უკანახაზელმა კობი ბრაიანტმა თვითკრიტიკა არ დაიშურა.
„ამჟამად ეროვნული საკალათბურთო ასოციაციის საუკეთესო მოთამაშეების რეიტინში მე-200 ადგილს ვიკავებ. საშინლად ცუდი ვარ. ნორმალური სროლის საშუალებაც კი არ მაქვს“, – ციტირებს ბრაიანტს
ESPN.
სეზონის პირველ სამ შეხვედრაში კობიმ თამაშიდან სროლების მხოლოდ 31,4% ჩააგდო, მათ შორის 20,7% მან თამაშიდან ჩააგდო. მისმა საშუალო შედეგიანობამ მატჩში 17,3 ქულა შეადგინა.
ზაზა ფაჩულიას საუკეთესო მატჩი მიმდინარე სეზონში. დღეს, გამთენიისას მისმა „დალას მავერიკსმა“ ლოს ანჯელესში „ლეიკერსი“ 103:93 დასცა და ამ საქმეში ქართველის წვლილი დირკ ნოვიცკისთან ერთად უდიდესია.
ფაჩულია დალასელთა სასტარტო ხუთეულში იყო და მოედანზე გატარებულ 29 წუთში 16 ქულა, 12 მოხსნა, 1 პასი და 1 დაფარება მიითვალა. ზაზა იყო ერთადერთი მოთამაშე „მავერიკსში“, რომელმაც ორმაგი დუბლი მიითვალა.
ამ შედეგამდე ერთი მოხსნა დააკლდა სუპერვარსკვლავ დირკ ნოვიცკის, რომელმაც 25 ქულით საუკეთესო შედეგი დააფიქსირა. გერმანელმა ფორვარდმა 8-დან 7 ორქულიანი, 5-დან 3 სამიანი და 2-დნ 2 საჯარიმო ჩააგდო. ფაჩულია ნოვიცკის შემდეგ დალასელთაგან შედეგიანობით მეორე იყო. ქართველმა ცენტრმა 8-დან 4 ორქულიანი და 10-დნ 8 საჯარიმო ჩააგდო.
ფაჩულიამ დაჩრდილა ნბა-ს ერთ-ერთი საუკეთესო ცენტრი როი ჰიბერტი, რომელიც ლოსანჯელესელებმა პაუ გასოლის შემცვლელად გუნდში „ინდიანიდან“ მიიყვანეს. როი „ლეიკერსის“ სასტარტო ხუთეულში იყო და 26 წუთში 4 ქულა, 8 მოხსნა და 2 დაფარება მოაგროვა. მეორე კალათბურთელი, რომელმაც ამ შეხვედრაში ორმაგი დუბლი მიითვალა, ლეიკერსელი ჯულიუს რენდალი გახლდათ. ძალიან ნიჭიერი ახალგაზრდა ჯულიუსი გასული, 2014 წლის დრაფტის მე-7 ნომერია, რომელმაც შარშან, ნბა-ს სადებიუტო მატჩში ხელი მოიტეხა და მთელი სეზონი გუცდა. ახლა ის მოყოჩაღებულია და „ლეიკერის“ სასარგებლოდ ზედიზედ მეორე ორმაგი დუბლი მიითვლა – 22 ქულა, 14 მოხსნა.
2 მოგებითა და 1 მარცხით „დალასი“ დასავლეთ კონფერენციაში მე-6 ადგილზე იმყოფება. მომდევნო მატჩს ფაჩულიას გუნდი 4 ნოემბერს შინ, აღმოსავლეთის დაუმარცხებელ გუნდ „ტორონტოსთან“ გამართავს.
GBF.GE
გამთენიისას ზაზა ფაჩულიას „დალას მავერიკსმა“ ეროვნული საკალათბურთო ასოციაციის ახალი სეზონის პირველი მატჩი ჩაატარა, რომელშიც „ფინიქს სანსს“ ესტუმრა და ანგარიშით 111:95 გაიმარჯვა. აღნიშნულ შეხვედრაში ქართველმა ცენტრმა 10 ქულა, 10 მოხსნა, 3 პასი, 2 ჩაჭრა და 1 დაფარება მიითვალა. მატჩის შემდეგ მისი თამაში „მავსის“ ლიდერმა, ვეტერანმა დირკ ნოვიცკიმ შეაფასა.
„არამგონია, აქამდე მასზე ჭკვიან ცენტრთან მეთამაშა. ის ბურთს კარგად ხსნის და მოთამაშეებს გახსნის საშუალებას აძლებს. ზაზა კარგი ასისტენტია და მართაც კარგად თამაშობს“, – ციტირებს ნოვიცკის ESPN-ის კორესპონდენტი ტიმ მაკმაჰონი.
„ბოსტონ სელტიკსში“ რაჟონ რონდოს ყოფილი თანაგუნდელი პოლ პირსი გაკვირვებულია, რომ „დალას მავერიკსში“ გამათაშებელმა წარმატებას ვერ მიაღწია.
„სიმართლე რომ გითხრათ, გამიკვირდა, რაც „დალასს“ მოუვიდა. ვფიქრობ, ყველაფერი უბრალოდ კონტროლს გასცდა. არ მეგონა, რომ ასე იქნება. რონდოს გადასვლის შემდეგ ვთვლიდი, რომ „დალასი“ ტიტულისთვის იბრძოლებდა. მათ უკანახაზელი ჰყავდათ, რომელიც კონფერენციის სხვა ამ პოზიციაზე მთამაშე კალათბურთელებს არაფერს უთმობდა.
მე ამ გუნდიდან არ ვარ და ვერ გეტყვით, ასე რატომ მოხდა. მხოლოდ ის მსურს, რომ რონდო იმ გუნდში იყოს, რომელშიც თავის შესაძლებლობებს გამოამჟღავნებს“, – ციტირებს პირსს „Boston Herald“-ი.
„დალას მავერიკსის“ ფორვარდის დირკ ნოვიცკის აზრით, დაცვაში თამაშისა და მოხსნების გაუმჯობესების შემთხვევაში, მის კლუბს რეგულარულ ჩემპიონატში მაღალი ადგილებისთვის ბრძოლა შეუძლია.
„ლიგაში ბევრი კარგი გუნდია. საუკეთესო კლუბები ბრწყინვალედ არიან დაკომპლექტებულები, ასე რომ, უბრალოდ, მუშაობა უნდა გავაგრძელოთ და გვჯეროდეს, რომ უკეთესი გუნდი გავხდებით. დაცვაში და მოხსნებზე თამაში გასაუმჯობესებელია. თუ ამ კომპონენტში მოვიმატებთ, მაშინ ნებისმიერ გუნდთან ბრძოლას მოვახერხებთ“, – ციტირებს ნოვიცკის „დალასის“ ოფიციალური საიტი.
„დალას მავერიკსის“ სამწვრთნელო შტაბი და ხელმძღვანელობა გამთამაშებელ დერონ უილიამსის სათამაშო ფორმით კმაყოფილია. ბოლო დღეებში მოთამაშე ინდივიდუალურად ვარჯიშობს. ამის შესახებ თავისი „ტვიტერის“ გვერდზე ჟურნალისტმა ტიმ მაკმეჰონმა დაწერა.
შეგახსენებთ, რომ ზაფხულში უილიამსმა ტეხასურ კლუბთან ორწლიანი კონტრაქტი მას შემდეგ გააფორმა, რაც „ბრუკოინ ნეთსმა“ მისი გაშვება გადაწყვიტა.
„დალას მავერიკსის“ ფორვარდმა დირკ ნოვიცკიმ ჟურნალისტებს უამბო, თუ როგორ მაოხერხა საჯარიმო დარტყმების რეალიზაციის გაუმჯობესება.
„როდესაც დაძაბული მატჩის დასასრულს ორი მნიშვნელოვანი საჯარიმო ვერ ჩავაგდე, მწვრთნელმა მთხრა: „შენ ძალიან დაძაბული ხარ და ცდილობ, ყურადღება სროლაზე გადაიტანო. ხაზზე დგომისას სიმღერა ხომ არ გეცადა?“
როდესაც მას შევხედე, გიჟს ვგავდი, თუმცა რჩევა მაინც გავითვალისწინე და შედეგიც მივიღე.
საერთოდ, ეს მეთოდი დიდი ხანი აღარ მიცდია. როდესაც უფრო ახალგაზრდა ვიყავი ჯგუფ „Counting Crows“-ის სიღერას, სახელწოდებით „Mr. Jones“-ს ვასრულებდი. არ ვიცი, კონკრეტულად ეს კომპოზიცია რატომ ავირჩიე. ის დღემდე მომწონს“, – ციტირებს ნოვიცკიმ „CBS Sports“-ი.
როგორც ESPN-ის ჟურნალისტმა მარკ სტეინმა თავისი „ტვიტერის“ მიკრობლოგზე დაწერა, „მემფის გრიზლისის“, „ოკლაჰომა-სიტი თანდერისა“ და „დალას მავერიკსის“ ხელმძღვანელები ფორვარდ მაიკლ მილერის შეძენით დაინტერესდნენ.
ამავდროულად, სათქმელია, რომ მილერის ერთ-ერთ ამ კლუბში გადასვლა შესაძლებელი მხოლოდ იმკ~ შემთხვევაში იქნება, თუ ის „პორტლედ ტრეილ ბლეიზერსთან“ კონტრაქტს გაწყვიტავს.
35 წლის მილერი „პორტლენდში“ „კლივლენდ კავალიერსიდან“ გადავიდა. გასულ სეზონში „კავალიერსში“ მან 61 მატჩი ჩაატარა. რეგულარულ ჩემპიონატში მისმა საშუალო მონაგარმა სათამაშო დროის 14 წუთში 2,1 ქულა და 1,8 მოხსნა შეადგინა, ხოლო პლეიოფში 7 წუთში მან 1 ქულა და 1,1 მოხსნა მიითვალა.
საქართველოის ნაკრების ცენტრის ზაზა ფაჩულიას „მილუოკი ბაქსიდან“ „დალას მავერიკსში“ გადასვლა ჯერ კიდევ ერთ კვირის წინ გადაწყდა, თუმცა მხარეებმა აღნუშნული გაცვლა მხოლოდ დღეს დაადასტურეს.
„მილუოკის“ ცენტრის სანაცვლოდ „დალასმა“ შემდეგი დრაფტის მეორე რაუნდში არჩევანის უფლება დათმო. „მავერიკსმა“ ქართველ მოთამაშეს ყურადღება მას შემდეგ მაიქცია, რაც დეანდრე ჯორდანისგან უარი მიიღო – ამ მოთამაშემ „ლოს-ანჯელეს კლიპერსში“ დარჩენა გადაწყვიტა.
განვლილი სეზონის რეგულარულ ჩემპიონატში ზაზამ 73 მატჩი ჩაატარა, აქედან 45 მან სასტარტო შემადგენლობაში დაიწყო. მისმა საშუალო მონაგარმა 8,3 ქულა, 6,8 მოხსნა და 2,4 გადაცემა შეადგინა. რაც შეეხება პლეიოფს, აქ ექვს მატჩში მისი საშუალო მაჩვენებელი შემდეგია: 6,7 ქულა, 6,7 მოხსნა, 1,5 გადაცემა და 1,7 ჩაჭრა.
შეგახსენებთ, რომ აქამდე ზაზა ფაჩულია „მილუოკის“ წერილით დაემშვიდობა.
საქართველოს ნაკრების ცენტრის ზაზა ფაჩყლიას „დალას მავერიკსში“ გადასვლა უკვე გადაწყვეტილი ამბავია. ოფიციალურად ქართველ მოთამაშეს „დალასი“ სულ მალე წარადგენს. მანამდე ქართველი მოთამაშე თავის უკვე ყოფილ კლუბ „მილუოკი აბქსს“ დაემშვიდობა და წარმატება უსურვა.
„ბოლო ორი წლის განმავლობაში თქვენი სიყვარულისთვის სათანდო მადლობას ვერც კი გადახიდით. მიხარია, რომ „ბაქსში“ ვთამაშობდი და მილუოკიში ვცხოვრობდი. წარმატებას და წინსვლას გისურვებთ“, – დაწერა ფჩულიამ თავისი „ტვიტერის“ გვერდზე.
