ევროვიზია 2015-ზე ესპანეთს “მანჩესტერ იუნაიტედის” მეკარის, დავიდ დე ხეას შეყვარებული წარადგენს. ამ მუსიკალურ კონკურსს წელს ავსტრიის დედაქალაქი ვენა უმასპინძლებს.
29 წლის ედურნე გარსია ესპანეთს სიმღერით Amanecer წარადგენს. ევროვიზიის ფინალი 23 მაისს ჩატარდება, მეორე დღეს კი “ჰალ სიტისა” და “მანჩესტერ იუნაიტედს” შორის გასამართი მატჩია ჩანიშნული.
“დავიდი ვალდებულია, პრემიერლიგის მატჩზე იყოს, თუმცა იმედი მაქვს, ის ფინალზე ჩემს ოჯახთან და მეგობრებთან ერთად მოსვლას მოახერხებს”, – აღნიშნა ედურნემ.
წარმოგიდგენთ ვიდეოს, რომელშიც ასახულია მიმდინარე სეზონში „მანჩესტერ იუნაიტედის“ მეკარის დავიდ დე ხეას საუკეთესო სეივები.
მადრიდის “რეალი” “მანჩესტერ იუნაიტედიდან” დავიდ დე ხეას გადაბირებას აპირებს. ბრიტანული პრესის ცნობით ესპანური კლუბი მანჩესტერელებს ოფიციალურ წინადადებას უახლოეს მომავალში გაუკეთებს.
საინტერესოა, რომ ტრანსფერი, მეკარეში გადახდილი თანხის თვალსაზრისით, შესაძლოა, სარეკორდო გახდეს. შეგახსენებთ, ამჟამინდელი რეკროდი ჯანლუიჯი ბუფონს ეკუთვნის, ვისი ტრანსფერიც “იუვენტუსს” 33 მილიონი გირვანქა დაუჯდა.
„მანჩესტერ იუნაიტედის“ მეკარე დავიდ დე ხეა განვლილი შაბათ-კვირის გმირი გახდა. ესპანელმა მეკარემ „ლივერპულთან“ მატჩში ჩინებულად ითამაშა და თავისი გუნდის გაშვებული გოლისგან არაერთხელ იხსნა.
14 დეკემბერს, ინგლისის ჩემპიონატში, “მანჩესტერ იუნაიტედსა” და “ლივერპულს” შორის გამართულ მატჩში დავიდ დე ხეამ შესანიშნავი სეივები განახორციელა.
„მანჩესტერ იუნაიტედის“ ხელმძღვანელობა თავისი ამჟამინდელი მეკარის დავიდ დე ხეას გაშვებას არ აპირებს. უცხოური პრესა დე ხეას მადრიდის „რეალში“ შესაძლო გადასვლის შესახებ წერს.
ბრიტანული მედიის ინფორმაციით, „წითელი ეშმაკები“, მზად არიან, მას, ხელფასის სახით, 36 მილიონი ფუნტი გადაუხადონ. ამ პირობაზე თანხმობის შემთხვევაში, დე ხეა ისტორიაში მსოფლიოს ყველაზე მაღალანაზღაურებადი მეკარე გახდება.
საშუალოდ მანკუნიანელთა მეკარის ხელფასმა წელიწადში 7,2 მილიონი ფუნტი უნდა შეადგინოს, რაც იკერ კასილიასის ამჟამინდელ ანაზღაურებაზე თითქმის ერთ მილიონზე მეტია.
ბრიტანული პრესის ცნობით მადრიდის “რეალის” ხელმძღვანელობა მეკარის დამატებაზე ფიქრობს. ხსენებულ პოზიციაზე ერთ-ერთი მთავარი კანდიდატი ლონდონის “ტოტენჰემის” კიპერი, უგო ლიორისია.
თუმცა, წყაროს ცნობით, ფრანგი მეკარის ტრანსფერი მხოლოდ იმ შემთხვევაში გახდება რეალური, თუ “რეალის” “მანჩესტერ იუნაიტედიდან” დავიდ დე ხეას გადაბირებას ვერ მოახერხეს.
„მანჩესტერ იუნაიტედის“ მეკარის დავიდ დე ხეას თქმით, „ბარსელონას“ ყოფილი გოლკიპერი ვიქტორ ვალდესი „წითელი ეშმაკების“ რიგებში მის შესაცვლელად არ ვარჯიშობს.
„დიახ, ჩემი კონტრაქტი 2016 წელს იწურება, თუმცა კლუბმა ვალდესი ამ მიზეზით არ მოიწვია. ვიქტორს სერიოზული ტრავმა ჰქონდა, მას არც ისე ადვილი პერიოდი აქვს, ვან გაალი კი მას კარგად იცნობს. ჩვენი მწვრთნელი ვალდესს ფორმის აღდგენის საშუალებას აძლევს“, – განაცხადა დე ხეამ.
ბოლო დროს ხუან მატა და დავიდ დე ხეა კიდევ უფრო დაახლოვდნენ. „მანჩესტერ იუნაიტედის“ ესპანელი ლეგიონერები მთელ დღეს ერთად ატარებენ. ორივე ფეხბურთელი ერთ ქუჩაზეც კი ცხოვრობს და ვარჯიშებზე ერთად დადის.
მატას თანაგუნდელის 24-ე დაბადების დღე არ გამოეპარა და იგი ერთ-ერთი პირველი იყო, ვინც იუბილარს სოციალურ ქსელ „ინსტაგრამზე“ მიულოცა.
უახლოეს მომავალში დავიდ დე ხეამ, შესაძლოა, “მანჩესტერ იუნაიტედთან” ახალი კონტრაქტი გააფორმოს.
მანჩესტერელები მზად არიან მეკარეს ხელფასის სახით კვირაში 120 ათასი გირვანქა შესთავაზონ.
ახლანდელი ხელშეკრულების საფუძველზე, რომლის ვადაც 2016 წლის ბოლოს იწურება, დე ხეა კვირაში 60 ათასს იღებს.
აღსანიშნავია, რომ ესპანელი კიპერის ახალი კონტრაქტის შესახებ საუბრები მას შემდეგ დაიწყო, რაც მოთამაშისადმი ინტერესი მადრიდის “რეალმა” გამოთქვა.
“მანჩესტერ იუნაიტედის” მეკარე დავიდ დე ხეა გამოტყდა, რომ ერთხანს ინგლისური კლუბის დატოვებაზე ფიქრობდა. ესპანელი კიპერის თქმით, “ოლდ ტრაფორდზე” თამაში დიდ ფსიქოლოგიურ გამძლეობას მოითხოვს.
“ერთხანს “მანჩესტერ იუნაიტედის” დატოვებაზე ვფიქრობდი. ბევრს მაკრიტიკებდნენ, რაც ძალიან რთული ასატანი იყო. მანჩესტერში ცხოვრების პირველი რამდენიმე დღე მე და ჩემს ოჯახს ძალიან გაგვიჭირდა, თუმცა ყველაფერს დადებითად შევხედე და ამან გამაძლიერა. როდესაც ისეთი კლუბის ღირსებას იცავ, როგორიც “მანჩესტერ იუნაიტედია”, ასეთ რაღაცები ხდება ხოლმე. კრიტიკამ გამაძლიერა. მეკარეობა რთულია, შეცდომები გარდაუვალია, თუმცა ფსიქოლოგიურად ძლერი უნდა იყო, რომ პრობლემები დაძლიო”, – ციტირებს დე ხეას სიტყვებს goal.com-ი.
ბოლო ვარჯიშზე ესპანეთის ნაკრების მეკარემ დავიდ დე ხეამ ფეხის კუნთები დაიზიანა.
სამედიცინო შემოწმების შედეგად გაირკვა, რომ „მანჩესტერ იუნაიტედის“ მეკარე თამაშს მინიმუმ ათი დღის განმავლობაში ვერ მოახერხებს. ამავე დროს, გამორიცხული არ არის, დე ხეა მიმდინარე მუნდიალის დასრულებამდეც კი ვერ გამოჯანმრთელდეს.
ჰოლანდიასთან ანგარიშით 1:5 წაგებული შეხვედრის შემდეგ პრესა და გულშემატკივრები ვარაუდობდნენ, რომ ვისენტე დელ ბოსკე ჩილესთან მატჩში კარის დაცვის შესაძლებლობას სწორედ დე ხეას მისცემდა, თუმცა, როგორც ჩანს, მოახლოებულ თამაშში „ფურია როხას“ კარში კვლავ იკერ კასილიასი იდგება.
ალექსანდრე მატევოსოვი
