დიეგო ლოპესი – Fanebi.Com – ფეხბურთი, კალათბურთი, რაგბი, სხვა

დიეგო ლოპესს 16 წლის მეკარესთან კონკურენცია აშინებს

Posted on ოქტომბერი 25, 2015ოქტომბერი 25, 2015 by ბექა დოგრაშვილი

Football Italia-ს ცნობით, დიეგო ლოპესმა ზამთრის სატრანსფერო პერიოდში შესაძლოა, “მილანი” დატოვოს. ესპანელი მეკარე გუნდიდან აბარგების შესაძლებლობას იმ შემთხვევაში განიხილავს, თუ ძირითად შემადგენლობაში ადგილს დაკარგავს.

იტალიური პრესის ცნობით, “სასუოლოს” წინააღმდეგ დღეს გასამართ მატჩში მილანელთა კარში შესაძლოა 16 წლის მეკარე ჯანლუიჯი დონარუმა დააყენონ.

შეგახსენებთ, რომ დიეგო ლოპესი მადრიდის “რეალიდან” “მილანში” გასული სეზონის დასაწყისში გადავიდა. ესპანელმა კიპერმა იტალიის სერია A-ს მიმდინარე სეზონში ჩატარებულ რვა მატჩში 14 გოლი გაუშვა.

მატჩი “მილანსა” და “სასუოლოს” შორის დღეს, თბილისის დროით 18:00 საათზე დაიწყება.

დიეგო ლოპესის შესანიშნავი სეივი “ფიორენტინასთან” მატჩში (ვიდეო)

Posted on აგვისტო 25, 2015აგვისტო 24, 2015 by -

23 აგვისტოს, იტალიის ჩემპიონატში, “ფიორენტინასა” და “მილანს” შორის გამართულ მატჩში (2:0), კარიდან წინ გამოსულმა დიეგო ლოპესმა მეტოქე გუნდის ფეხბურთელს გოლი არ გაატანინა.

დიეგო ლოპესი: “ყველამ იცის, როგორი მწვრთნელია ანჩელოტი”

Posted on მაისი 22, 2015 by -

იტალიური “მილანის” მეკარე დიეგო ლოპესი ბოლო დროს გავრცელებულ ამბებს გამოეხმაურა და კარლო ანჩელოტიზე კომენტარი გააკეთა.

შეგახსენებთ, რომ იტალიური პრესის ცნობით, დიდი შანსია, მალე “როსონერი” ანჩელოტიმ ჩაიბაროს, რომელიც “შავ-წითლებს” აქამდე უკვე წვრთნიდა.

“მილანის” ყველა გულშემატკივარმა და მსოფლიოში ყველამ იცის, თუ რა კარგი მწვრთნელია კარლო ანჩელოტი. ვწუხვარ, რომ მიმდინარე სეზონში “რეალში” მისი საქმეები კარგად არ წავიდა, მაგრამ ამ თემაზე საუბარი არ მსურს”, – ამბობს დიეგო ლოპესი.

დიეგო ლოპესი: „მოურინიოს საყვარელი ფეხბურთელი არ ვყოფილვარ“

Posted on აპრილი 14, 2015აპრილი 14, 2015 by Alix

„მილანის“ მეკარემ დიეგო ლოპესმა „Canal Plus“-ის ეთერში 2013 წელი გაიხსენა, როდესაც „სევილიარან“ მადრიდის „რეალში“ გადავიდა და „სამეფო კლუბის“ ძირითად შემადგენლობაში აღმოჩნდა.

„მოურინიო გამესაუბრა და „რეალში“ გადასვლაში დამარწმუნა. მან მითხრა, რომ ჩემთან კონტრაქტის გაფორმება ერთი წლით ადრეც სურდა.

შემდეგ ჟოზემ ისიც ახსენა, რომ კარში საუკეთესო მეკარეს დააყენებდა. მთავარია, ვარჯიშზე თავი გამოგვეჩინა. იკერის წინააღმდეგ მას არაფერი ჰქონდა და მისი საყვარელი ფეხბურთელი არც ვყოფილვარ“, – განაცხადა ლოპესმა.

დიეგო ლოპესი: ,,მილანს” ,,ჩემპიონთა ლიგაზე” გასვლა შეუძლია”

Posted on დეკემბერი 18, 2014 by შაკო

იტალიური გრანდის მეკარემ, დიეგო ლოპესმა განაცხადა რომ ,,მილანს” შეუძლია ,,ჩემპიონთა ლიგაზე” გასვლა.

,,რა თქმა უნდა, გუნდს აქვს იმის ძალა და ამბიცია, რომ ,,ჩემპიონთა ლიგაზე” გავიდეს. დიახ, ,,როსონერის” ჰყავს ბევრი კონკურენტი. ,,ნაპოლი” ჩვენთვის ყოველთვის ძლიერი კონკურენტია, მათთან ერთად ,,ინტერიც” და ,,ფიორენტინაც”. ,,ჯენოა” და ,,ლაციო” ყოველთვის კარგ ფეხბურთს თამაშობს. ჩვენ ყველაფერს გავაკეთებთ უფრო მეტი წარმატების მისაღწევად”.

,,ეროვნული ნაკრები? აქ სიტუაცია რთულადაა – იკერ კასილასი, ვიქტორ ვალდესი, რეინა და დე ხეა,” – განაცხადა ,,როსონერის” კარის დარაჯმა.

დიეგო ლოპესი საერთო ჯგუფს დაუბრუნდა

Posted on ოქტომბერი 14, 2014 by Levan

“მილანის” მეკარემ დიეგო ლოპესმა ვარჯიში განაახლა. შეგახსენებთ, ესპანელმა კიპერმა ტრავმა სერია ა-ს მეორე ტურში, “პარმასთან” მატჩის დროს მიიღო და მას შემდეგ მოედანზე არ გასულა.

ლოპესის გარდა “მილანს” ლაზარეთიდან უახლოეს მომავალში რიკარდო საპონარა, ჯაკომო ბონავენტურა და იგნასიო აბატე დაუბრუნდებიან.

ამავე დროს, შესაძლოა, “ვერონასთან” გასამართი უახლოესი მატჩი ჟერემი მენეზმა გამოტოვოს.

დიეგო ლოპესმა საერთო ჯგუფთან ივარჯიშა

Posted on ოქტომბერი 14, 2014ოქტომბერი 14, 2014 by გიორგი

“მილანის” ძირითადის მეკარე დიეგო ლოპესი საერთო ჯგუფთან ერთად ვარჯიშს დაუბრუნდა – იტყობინება იტალიური პრესა.

სერია ა-ს გასვლით მატჩში “პარმას” წინააღმდეგ, სადაც “მილანმა” იმარჯვა 4:5 – დიეგო ლოპესმა მიიღო ტრავმა, მას შემდეგ კი იგი აღდგენით პროცესს გადის. გარდა ლოპესისა სავარაუდოა, რომ ძალიან მალე “მილანელთა” ლაზარეთიდან რიკარდო საპონარა, ჯაკომო ბონავენტურა და იგნაციო აბატეც დაბრუნდებიან.

ამავდროულად შესაძლოა სერია ა-ს შემდეგი ტურში, “ვერონას” წინააღმდეგ დაპირისპირება გამოტოვოს ჟერემი მენეზმა, რომელსაც დაზიანება აღენიშნება.

დიეგო ლოპესის კურიოზული შეცდომა და გაშვებული გოლი

Posted on სექტემბერი 15, 2014 by -

14 სექტემბერს “პარმასა” და “მილანს” შორის გამართულ შეხვედრაში დიეგო ლოპესმა შეცდომა დაუშვა, რის გამოც “როსონერის” კარში გოლი გავიდა.

დიეგო ლოპესის საუკეთესო სეივები

Posted on აგვისტო 14, 2014 by Alix

წარმოგიდგენთ მადრიდის „რეალის“ ყოფილი მეკარის დიეგო ლოპესის საუკეთესო სეივების ამსახველ ვიდეოს.

შეგახსენებთ, რომ რამდენიმე დღის წინ ესპანელი მეკარე „მილანში“ გადაბარგდა.

დიეგო ლოპესი საკუთარ თავს “რეალის” საუკეთესო მეკარედ მიიჩნევს?

Posted on აგვისტო 7, 2014აგვისტო 7, 2014 by ბექა დოგრაშვილი

მადრიდის “რეალის” მეკარე დიეგო ლოპესს კლუბში დარჩენა ძალიან უნდა და ამისთვის ყველაფერს აკეთებს. “სამეფო კლუბმა” ცოტა ხნის წინათ კოსტა რიკის ეროვნული ნაკრების კიპერი კეილორ ნავასი დაიმატა და იკერ კასილასიც დაარწმუნა, რონმ გუნდში უნდა დარჩეს. შესაბამისად, დიეგო ლოპესის ადგილი აღარ რჩება, თუმცა 32 წლის მეკარე სხვანაირად თვლის.

goal.com-ის თანახმად, კლუბის ხელმძღვანელებთან შეხვედრისას დიეგო ლოპესს კატეგორიულად განუცხადებია, მე “რეალის” საუკეთესო მეკარე ვარ და ეს თქვენ კარგად იცით, თუმცა რაც გინდათ, ის გიქნიათო.

აქვე ვრცელდება ინფორმაცია, რომ ესპანელი კიპერის მიმართ “მილანი” არის დაინტერესებული.

დიეგო ლოპესი “რეალის” აღზრდილია. ის მადრიდული კლუბის ღირსებას 2000-დან 2007 წლამდე იცავდა, 2013 წელს კი გუნდში დაბრუნდა.

მილანს დიეგო ლოპესი მოუნდა

Posted on აგვისტო 5, 2014 by Levan

“რეალის” მეკარე დიეგო ლოპესი “მილანის” ინტერესთა სფეროში მოხვდა. იტალიური პრესის ცნობით მოლაპარაკებები ადრიოანო გალიანის და ფლორენტინო პერესის დონეზე მიმდინარეობს. “მილანის” წარმომადგენლები მოლაპარაკებებს ფეხბურთელთანაც აწარმოებენ.

თუმცა, მილანურ კლუბს ლოპესისთვის ბრძოლაში “მონაკოს” სახით ძლიერი კონურენტი ჰყავს.

დიეგო ლოპესმა პრიმერა დივიზიონის გასული წლის გათამაშებაში 36 მატჩი ჩაატარა.

“რეალი” მადრიდში დაბრუნდა, დიეგო ლოპესი კი გუნდიდან წასასვლელად ემზადება

Posted on აგვისტო 3, 2014 by ბექა დოგრაშვილი

მადრიდის “რეალმა” აშშ-ში წინასასეზონო მოსამზადებელი პერიოდი დაასრულა და დღეს დილით ესპანეთის დედაქალაქში დაბრუნდა.

ფეხბურთელები სამშაბათამდე დაისვენებენ, შემდეგ კი ვარჯიშს შეუდგებიან. როგორც მოგეხსენებათ, 12 აგვისტოს “რეალსა” და “სევილიას” შორის უეფას სუპერთასის მატჩი გაიმართება.

აქვე ვრცელდება ინფორმაცია იმის შესახებ, რომ “სამეფო კლუბს” უახლოეს პერიოდში დატოვებს მეკარე დიეგო ლოპესი.

Todomercadoweb-ის თანახმად, ესპანელი კიპერი “მონაკოს” უახლოვდება. გავრცელებული ცნობით, დიეგო ლოპესი “წითელ-თეთრებთან” სამწლიან კონტრაქტს გაფორმებს და სეზონში ხელფასის სახით 5 მილიონ ევროს მიიღებს.

დიეგო ლოპესის შესაძლო ტრანსფერის ღირებულება 12 მილიონ ევროდ ფასდება.