ჭდე: დიეგო სიმეონე

მადრიდის “ატლეტიკოს” მთავარმა მწვრთნელმა, დიეგო სიმეონემ კიდევ ერთხელ გაახარა “როხიბლანკოს” გულშემატკივრები და საჯაროდ განაცხადა, რომ უახლოეს მომავალში კლუბის დატოვებას არ აპირებს.

“პირველ რიგში, მინდა დიდი მადლობა და პატივისცემა გამოვხატო ყველას მიმართ, ვინც ამ სტადიონზე მიმდინარე მოვლენებში იღებდა მონაწილეობას – ფეხბურთელებს, მწვრთნელებს, დირექტორებს…

ერთად ჩვენ ძალიან ბევრი ღირებული მომენტი შევქმენით ჩვენი გულშემატკივრებისათვის. შეიძლება, სხვა კლუბებს ჩვენზე მეტი ფული ან ტიტული აქვთ, მაგრამ მათ ასეთი გრძნობები ვერასოდეს ექნებათ.

და ბოლოს, მინდა გითხრათ, რომ კლუბიდან წასვლას არ ვაპირებ და იცით რატომ ვრჩები? იმიტომ, რომ ამ კლუბს მომავალი აქვს და ჩვენ, ყველანი ამ მომავლის ნაწილი ვართ, ” – აცხადებს დიეგო სიმეონე.

ესპანეთის სამეფოს ფეხბურთის ფედერაციამ მადრიდის “ატლეტიკოს” მთავარი მწვრთნელი, დიეგო სიმეონე შესაძლოა საკმაოდ გრძელვადიანი დისკვალიფიკაციით დასაჯონ.

როგორც იცით, 46 წლის სპეციალისტს პრიმერადივიზიონის 34-ე ტურში (“ვილიარეალთან” (0:1)) ჩადენილი არასპორტული საქციელის გამო ადანაშაულებენ – როდესაც დამხმარე მსაჯს აგრესიულად შეეხო.

“როდესაც თამაში დასრულდა, ის ჩემს პირველ დამხმარე მსაჯთან მივიდა, ორივე ხელი მხრებზე უკნიდან დაადო და დამატებითი დროის რაოდენობაზე უკმაყოფილებას გამოთქვამდა,” – ვკითხულობთ მატჩის მთავარი არბიტრის განცხადებაში.

ფედერაციის მიერ შექმნილი სპეციალური სადისციპლინო კომიტეტი საბოლოო გადაწყვეტილებას 28 აპრილს მიიღებს.

დიეგო სიმეონეს 4-12-მატჩიანი დისკვალიფიკაცია ემუქრება.