ჭდე: დიეგო სიმეონე

მადრიდის “ატლეტიკოს” მთავარი მწვრთნელი, დიეგო სიმეონე აღიარებს, რომ ესპანური გუნდების დონის ზრდამ თავის გუნდსაც ბევრი პრობლემა შეუქმნა.

“ბედნიერი ვარ, რომ გუნდის მთავარი ძალა ფორმაშია, აუგუსტოსა და ტიაგოს გარდა, რომლებიც მომდევნო კვირაში უნდა შემოგვიერთდნენ.

კოპა დელ რეი? მთელი თვე იმ იმედით ვიყავით, რომ ფინალში გასვლას შევძლებდით, რაც ვერ მოვახერხეთ – ეს კი ძალიან მტკივნეულია.

რაც შეეხება ლა ლიგას, ესპანური გუნდების დონე აშკარად იზრდება, რაც ჩემპიონთა ლიგის საგზურისთვის ბრძოლას უფრო რთულს ხდის. “რეალ სოსიედადს” ბრწყინვალე სეზონი აქვს, “ვილიარეალი” ყოველთვის კონკურენტუნარიანი გუნდი იყო, “სევილია” კი წელს უფრო მაღალი მიზნებისთვის აპირებს ბრძოლას,” – აცხადებს ჩოლო სიმეონე.

“ვისენტე კალდერონზე” გამართულ დერბიში, მადრიდის “ატლეტიკოს” განადგურებამ (0:3) კიდევ ერთხელ დაადასტურა, რომ “როხიბლანკო” საშინელ ფორმაში იმყოფება.

პრიმერადივიზიონის 12 ტურში მადრიდულმა გრანდმა 36 შესაძლებელიდან სულ რაღაც 21 ქულის მოპოვება მოახერხა – ყველაზე ცუდი სტარტი კლუბში სიმეონეს მოსვლის დღიდან.

2012/13 წლების სეზონის ამ ეტაპზე, “ატლეტიკოს” 31 ქულა ჰქონდა, შემდეგ წელს -33 და მომდევნო ორ სეზონში – 26-26 ქულა.

ამ დროისთვის, მადრიდელები ლა ლიგის სატურნირო ცხრილის მე-5 ადგილზე იმყოფებიან, მაგრამ თუ “რეალ სოსიედადი” თავისი მატჩის მოგებას მოახერხებს, სიმეონეს გუნდი ერთი პოზიციით ჩამოქვეითდება.

თუმცა უნდა ავღნიშნოთ ისიც, რომ ლა ლიგაში ასეთი ცუდი ასპარეზობა გავლენას არ ახდენს ჩემპიონთა ლიგაზე, სადაც გუნდმა უკვე გაინაღდე მომდევნო ეტაპის საგზური.

მადრიდის “ატლეტიკოს” გემბანი “ესტადიო ანოეტას” ქარიშხალს ვეღარ გადაურჩა – დიეგო სიმეონეს გუნდი ლა ლიგის მე-11 ტურის მატჩში “რეალ სოსიედადთან” ორბურთიანი სხვაობით დამარცხდა.

არგენტინელმა სპეციალისტმა, ჩოლო სიმეონემ მატჩის შემდეგ ამ მარცხის გამომწვევ მიზეზებზე საუბარს თავი აარიდა: “თავის გამართლება შეუძლებელია.”

“მსაჯმა ორივე პენალტი სამართლიანად დანიშნა, მან ყველაფერი სწორად განსაჯა. ჩვენი მარცხის ერთადერთი მიზეზი “რეალ სოსიედადის” კარგი თამაში იყო.

მატჩი კარგად დავიწყეთ, რამდენიმე კარგი მომენტიც გვქონდა, თუმცა მათი რეალიზება ვერ მოვახერხეთ. მატჩის მეორე ნახევარში კი “რეალ სოსიედადმა” დაგვჯაბნა, ჩვენ კი პასუხის გაცემა ვერ მოვახერხეთ. მართალია, რომ გასვლით მატჩებში თამაში გვიჭირს.”