გავრცელებული ინფორმაციით, “დინამო თბილისის” ხელმძღვანელობამ მეორე გუნდის დაშლა გადაწყვიტა, რაც ფეხბურთელებსა და სამწვრთნელო შტაბს უკვე აცნობა.
სავარაუდოდ, აღნიშნულ ინფორმაცია 11 დეკემბერს გასამართი სუპერთასის შემდეგ ოფიციალურად დადასტურდება.
შეგახსენებთ, “დინამო 2” პირველი ლიგის ბ ჯგუფში ასპარეზობს და პირველი წრის შემდეგ 33 ქულით მეორე პოზიციაზეა. გუნდის შემადგენლობას მთავარ გუნდში სათამაშო პრაქტიკას მოკლებული და დუბლებიდან დაწინაურებული ფეხბუთელები შეადგენენ.
ტყიბულში საქართველოს ჩემპიონატის პირველი ლიგის მატჩი გაიმართა. ადგილობრივმა მეშახტემ დინამოს მეორე შემადგენლობას უმასპინძლა და 2:1 იმარჯვა. შეხვედრა დაძაბულად წარიმართა. პირველივე წუთზე დინამოელებმა გახსნეს ანგარიში. ზივზივაძე გამოირჩა ზუსტი დარტყმით. მასპინძლებმა 30-ე და 75-ე წუთებზე მოახერხეს თბილისელთა კარის დალაშქვრა. საბოლოოდ ანგარიში აღარ შეცვლილა- 2:1. მომდევნო შეხვედრას დინამო-2 გაგრას წინააღმდეგ 4 ნოემბერს გამართავს.
დინამო-2: ტყეშელაშვილი, სამხარაძე, მარაქველიძე, ჯ. ნოზაძე, ქაჯაია, ქიქავა (ლ. ნოზაძე 46), ლაშხია, სარიშვილი (მესხი 80), გოგოლიძე (სამუშია 46), მათიაშვილი, ზივზივაძე (ვოლკოვი 86)
fcdinamo.ge
დინამო-2 განაგრძობს მზადებას პირველი ლიგის მეხუთე ტურის მატჩისთვის, რომელიც ხვალ ქედაში გაიმართება. ჩვენს მეორე გუნდს ადგილობრივი ბეთლემი უმასპინძლებს. დღეს მალხაზ ჟვანიას შეგირდებმა დინამოს აკადემიის მოედანზე მორიგი წვრთნა გამართეს. დინამოელებმა ვარჯიშის შემდეგ გეზი დასავლეთისკენ აიღეს. დინამო TV გთავაზობთ მზადების ამსახველ ვიდეო სიუჟეტს.
FCDinamo.Ge
დღეს ვიტალი დარასელიას სახელობის დინამოს აკადემიის მოედანზე პირველი ლიგის XXI ტურის შეხვედრაში დინამო–2 ოზურგეთის მერცხალს დაუპირისპირდა. უჩა სოსიაშვილის გუნდმა მეტოქეს წინა თამაშის დარად კვლავ ხუთი ბურთი გაუტანა, ხოლო თავისი კარი მშრალად შეინახა.
შეხვედრის მე– 20 წუთზე მიხეილ ჯიშკარიანმა დასწრებაზე ითამაშა კარგად და გახსნა ანგარიში. 33– ე წუთზე საბა ლობჟანიძემ ითამაშა ზუსტად და ანგარიში 2:0 გახადა. მეორე ნახევარში ბუდუ ზივზივაძემ დუბლი შეასრულა. ჩვენი გუნდის ფორვარდმა 52– ე და 62– ე წუთებზე დალაშქრა არჩილ მაქაცარიას კარი– 4:0. შეხვედრის 79– ე წუთზე გიორგი გურეშიზემ საფინალო ანგარიში 5:0 დააფიქსირა.
დინამო–2: დაუშვილი, ჯაფიაშვილი, ბაჩიაშვილი, თათხაშვილი, მარაქველიძე, კვეკვესკირი, ფალავანდიშვილი (გურეშიძე 55), დიასამიძე (ქაჯაია 64), ჯიშკარიანი (შინდაგორიძე 75), ზივზივაძე (მაკასარაშვილი 70), ლობჟანიძე (ვოლკოვი 67)
მერცხალი: მაქაცარია, ჩიგოგიძე, ზოიძე, ქარჩილაძე, მექვაბიშვილი, ქობულაძე, ქანთარია, ხურციძე, ბაჯელიძე, ბერიშვილი, ვაშაკიძე
FCDinamo.GE
10 აპრილს თელავში გივი ჩოხელის სახელობის სტადიონზე საქართველოს ჩემპიონატის პირველი ლიგის მე- 20 ტურის შეხვედრა გაიმართა. დინამო-2 ადგილობრივ კახეთს დაუპირისპირდა. უჩა სოსიაშვილის გუნდმა მეტოქე ანგარიშით 5:2 დაამარცხა.
მატჩი მასპინძლების უპირატესობით დაიწყო და მე-11 წუთზე ბუიკემ მოახერხა ანგარიშის გახსნა. გაშვებული გოლის შემდეგ დინამოელები დაეუფლნენ უპირატესობას და 22- ე წუთზე ბუდუ ზივზივაძემ შეხვედრაში წონასწორობა აღადგინა 1:1. მატჩის 38- ე წუთზე ზივზივაძემ ანგარიშის გაზრდის რეალური მომენტი გაუშვა ხელიდან. პირველი ტაიმის მიწურულს გოჩა ლომიძემ წინ გაიყვანა მასპინძლები 2:1. მეორე ტაიმის დებიუტში ზივზივაძემ კიდევ ერთი მომენტი ვერ გამოიყენა, როდესაც მეტოქის მეკარეს თავზე უგდებდა ბურთს. შეხვედრის მე- 60 წუთზე საბა ლობჟანიძემ ტექნიკური დარტყმით გაათანაბრა ანგარიში 2:2. მეორე ნახევარი დედაქალაქური გუნდის უპირატესობით გაგრძელდა და 75- ე წუთზე მიხეილ ჯიშკარიანმა წინ გაიყვანა დინამო. ჯიშკარიანმა 81- ე წუთზე ზუსტი და ტექნიკური საჯარიმო დარტყმით დუბლი გაიფორმა 2:4. შვიდი წუთის შემდეგ ასევე დუბლი გაახერხა ბუდუ ზივზივაძემ 2:5. საბოლოოდ შეხვედრა ამ ანგარიშითვე დასრულდა.
გოლები: 1:0 ბუიკე 11’ 1:1 ზივზივაძე 22’ 2:1 ლომიძე 43’ 2:2 ლობჟანიძე 60’ 2:3 ჯიშკარიანი 75’ 2:4 ჯიშკარიანი 81’ 2:5 ზივზივაძე 88’
გაფრთხილება: დაუშვილი 12’ კვეკვესკირი 12’ ბუიკე 41’ ლორთქიფანიძე 61’
კახეთი 2:5 დინამო-2
კახეთი: აბუაშვილი (მეფარიძე 65), მურველაშვილი, ზ. ვარდუაშვილი, ლომიძე, ბააკაშვილი (აბურჯანია 86), ლორთქიფანიძე, კვირკველია, თ. ვარდუაშვილი, ჯინიკაშვილი (მიქაძე 69), ტყეშელაშვილი, ბუიკე
დინამო-2: დაუშვილი, ჯაფიაშვილი, ა. გურეშიძე, ბაჩიაშვილი, სამხარაძე, გ. გურეშიძე (დიასამიძე 69), კვეკვესკირი, ჯიშკარიანი (მაკასარაშვილი 88), ლობჟანიძე, ერისთავი (ვოლკოვი 82), ზივზივაძე
დღეს სამტრედიაში საქართველოს ჩემპიონატის პირველი ლიგის XVIII ტურის მატჩი გაიმართა. დინამოს მეორე გუნდი გათამაშების ლიდერს– ფოთის კოლხეთს დაუპირისპირდა და უჩა სოსიაშვილის გუნდმა 2:0 დაამარცხა მეტოქე.
ანგარიში შეხვედრის 35– ე წუთზე ბუდუ ზივზივაძემ გახსნა, რომელმაც ზუსტად ითამაშა დასწრებაზე 0:1. მეორე ტაიმში კი ისევ ბუდუ ზივზივაძემ გაიტანა გოლი. მატჩის 69–ე წუთზე დინამოს ფორვარდმა ტექნიკური დარტყმით მეორედ აიღო კოლხეთის კარი. ანგარიში აღარ შეცვლილა და დინამომ მორიგი გამარჯვება ჩაიწერა თავის აქტივში.
შემდეგ მატჩში 2 აპრილს, დინამოს მეორე გუნდი ტყიბულის მეშახტეს უმასპინძლებს.
კოლხეთი 0:2 დინამო–2
გოლები: ბუდუ ზივზივაძე 35’ 69’ 0:2
დინამო–2: დაუშვილი, ბაჩიაშვილი, ა. გურეშიძე, სამხარაძე, შერგელაშვილი, ფალავანდიშვილი, კვეკვესკირი, მახარობლიძე, ჯიშკარიანი (გ. დიასამიძე 65’), ერისთავი (ლობჟანიძე 75), ზივზივაძე (ქაჯაია 89)
FCDinamo.GE
დღეს ვიტალი დარასელიას სახელობის დინამოს აკადემიის მოედანზე პირველი ლიგის მე–17 ტურის მატჩი გაიმართა. დინამო–2 მარნეულის ალგეთს დაუპირისპირდა და მეტოქე 7:3 დაამარცხა.
უჩა სოსიაშვილის გუნდი მთელი მატჩის განმავლობაში ფლობდა სათამაშო უპირატესობას და ეს ყველაფერი შვიდ გატანილ გოლში ასახა. ბუდუ ზივზივაძემ შეხვედრაში დუბლი შეასრულა, ხოლო თითო გოლი ნიკა კვეკვესკირმა, ლაშა შერგელაშვილმა, ბიძინა მახარობლიძემ, პატრიკ ვუომ და გიორგი ერისთავმა გაიტანეს. დინამო–2 ამ მოგებით 30 ქულა დააგროვა და მესამე ადგილზე გადაინაცვლა.
გოლები: კვეკვესკირი 15’ (პენ) შერგელაშვილი 21’ მახარობლიძე 23’ ვუო 38’ ზივზივაძე 52’ 60’ ერისთავი 77’
დინამო–2: მიგინეიშვილი, ჯაფიაშვილი, გ. გურეშიძე, კაკაბაძე (ბაჩიაშვილი 46), შერგელაშვილი (სამხარაძე 46), კვეკვესკირი, ფალავანდიშვილი, ერისთავი, გ. დიასმიძე (ჯიშკარიანი 46), მახარობლიძე (ქაჯაია 46), ვუო (ზივზივაძე 46)
FCDinamo.GE
დღეს თბილისში მერანის სტადიონზე პირველი ლიგის მეცამეტე ტურის მატჩი გაიმართა. ერთმანეთს გაგრა და დინამო-2 დაუპირისპირდნენ. ფრიად საინტერესო და დაძაბული შეხვედრა ფრედ, ანგარიშით 1:1 დასრულდა. აღვნიშნავთ, რომ დინამოელებს დღევანდელ მატჩში ოთხი ფეხბურთელი აკლდა. ნიკა კვეკვესკირი, საბა ლობჟანიძე, ლუკა თათხაშვილი და ბუდუ ზივზივაძე ახალგაზრდულ ნაკრებში არიან გამოძახებულნი.
შეხვედრა ორმხრივი იერიშებით დაიწყო და მატჩის დებიუტში ორივე გუნდს შეეძლო გოლის გატანა. ანგარიშის გახსნის რეალური შესაძლებლობა მატჩის 36- ე წუთზე რატი ცაცკრიალაშვილმა გაუშვა ხელიდან. მის მიერ შესრულებული თერთმეტმეტრიანი დარტყმა ოსტატურ ნახტომში ლევან ტყეშელაშვილმა მოიგერია. აღსანიშნავია, რომ დღევანდელ დაპირისპირებაში ორივე გუნდის კიპერმა საკმაოდ მაღალ დონეზე იასპარეზა. პირველი ნახევარი გატანილი გოლების გარეშე დასრულდა. მეორე ტაიმიდან სათამაშო უპირატესობას დინამოელები დაეუფლნენ და არაერთი სახიფათო მომენტიც შექმნეს მეტოქის კართან, გაგრელთა კარის ძელმა ხუთჯერ იხსნა მასპინძლები გოლისგან. შეხვედრის 71-ე წუთზე გოგიტა გოგატიშვილმა აიღო დინამოელთა კარი და დააწინაურა თავისი გუნდი. საბოლოოდ დინამოელთა მასირებულ შეტევებს 85- ე წუთზე გოლი მოჰყვა გაგრელთა კარში. დინამოს კაპიტანმა ბიძინა მახარობლიძემ ტექნიკურად ჩამოიცილა მეტოქე და აღადგინა წონასწორობა 1:1. საბოლოოდ შეხვედრა ფრედ 1:1 დასრულდა.
გაგრა 1:1 დინამო-2
გოლები:1:0 გოგატიშვილი 72’ 1:1 მახარობლიძე 85’
გაფრთხილება: ჯიშკარიანი 24’ ლოჩოშვილი 50’ ბაჩიაშვილი 56’ ქარდავა 68’ მახარობლიძე 83’
გაგრა: რეჭია, გადრანი (მჭედლიშვილი 85), ნოზაძე, ზ. ქარდავა, ხარაბაძე, მოსიაშვილი, ბ. ქარდავა (მუსელიანი 73), ცაცკრიალაშვილი (ღირდალაძე 78), რამიშვილი, გოგატიშვილი, ნიჟარაძე
დინამო-2: ტყეშელაშვილი, ბაჩიაშვილი, ა. გურეშიძე, ლოჩოშვილი (გ. გურეშიძე 86), სამხარაძე, ჯაფიაშვილი, ფალავანდიშვილი, მახარობლიძე, შერგელაშვილი (დიასამიძე 77), ჯიშკარიანი, ერისთავი (ვოლკოვი 66)
fcdinamo.ge
დღეს თურქულ ბელექში შეკრებაზე მყოფმა დინამოს მეორე გუნდმა ბოლო სპარინგ მატჩი გამართა. უჩა სოსიაშვილის გუნდის მეტოქე მახაჩკალის ანჟის დუბლშემადგენლობა გახლდათ. შეხვედრა დინამოელთა შეტევებით დაიწყო და მთლიანად პირველმა ტაიმმა ჩვენი გუნდის უპირატესობით ჩაიარა. მატჩის მე- 12 წუთზე ვაკო ბაჩიაშვილის გადაცემის შემდეგ, დავით ვოლკოვმა თავით გადაგზავნა ბურთი მეტოქის კარში 1:0. შეხვედრის მეორე ნახევარში დინამოელებმა ექვსი ცვლილება განახორციელეს და მატჩის მიმდინარეობაც გათანაბრდა. 77- წუთზე ანჟის ფეხბურთელებმა მოახერხეს ანგარიშის გათანაბრება 1:1 და ორთაბრძოლაც ამ ანგარიშით დასრულდა. შეგახსენებთ, რომ დინამოელებმა ბელექში მანამდე სამი მატჩი გამართეს, ამკარის, შახტარის და ზენიტის მეორე გუნდებთან, რომლებიც შესაბამისი ანგარიშებით 6:0, 2:0 და 2:2 დასრულდა.
დინამოელები დღეს გამოემგზავრებიან თბილისში.
დინამო-2 1:1 ანჟი-2
გოლი: 1:0 ვოლკოვი 12’
დინამო-2: კულუა, ჯაფიაშვილი, გურეშიძე, ბაჩიაშვილი (თათხაშვილი 46), სამხარაძე, კვეკვესკირი (გიორგი გურეშიძე 75), ფალავანდიშვილი, ერისთავი (ქაჯაია 65), მახარობლიძე (ჯიშკარიანი 55), ლობჟანიძე (წილოსანი 55), ვოლკოვი (დიასამიძე 46)
FCDinamo.GE
დინამო–2 განაგრძობს ჩემპიონატის მეორე ეტაპისატვის მზადებას. დღეს უჩა სოსიაშვილის შეგირდებმა ბელექში მორიგი წვრთნა გამართეს. შეგახსენებთ, რომ ხვალ დინამოს მეორე გუნდი მორიგ სპარინგ მატჩს გამართავს და თბილისელთა მეტოქე პეტერბურგის ზენიტის მეორე გუნდი იქნება. გთავაზობთ დღევანდელი ვარჯიშის ფოტო სიუჟეტს.
დინამო–2 სეზონის მეორე ნახევრისთვის სამზადისს განაგრძობს. უჩა სოსიაშვილის გუნდი საწვრთნელ შეკრებას თურქულ ბელეკში გადის. ხვალ, თბილისის დროით 18:00 საათზე დინამოელები საკონტროლო შეხვედრას ამკარის სარეზერვო გუნდის წინააღმდეგ გამართავენ. გთავაზობთ დღევანდელი ვარჯიშის ფოტორეპორტაჟს.
FCDinamo.GE
დინამო-2 ანთალიურ შეკრებაზე გაემგზავრა. გუნდი თურქეთში 28 თებერვლამდე დაჰყოფს და 4 საკონტროლო შეხვედრას გამართავს. ჩვენი გუნდის სავარაუდო მეტოქეები იქნებიან დონეცკის შახტარის, რუსეთის პრემიერლიგის კლუბების ამკარის, კრასნოდარის და ზენიტის სარეზერვო გუნდები. დინამოელები ბელეკში სასტუმრო ბელკონტში იცხოვრებენ. გუნდის მთავარი მწვრთნელის უჩა სოსიაშვილის განკარგულებაში 23 ფეხბურთელი იქნება:
ომარ მიგინეიშვილი, გიორგი დიასამიძე, მიხეილ ქაჯაია, ზურაბ ჯაფიაშვილი, გიორგი გურეშიძე, დავით ვოლკოვი, ბიძინა მახარობლიძე, ნიკა კვეკვესკირი, ვასიკო ბაჩიაშვილი, ალექსანდრე გურეშიძე, გიგა სამხარაძე, მიხეილ ჯიშკარიანი, ვანო წილოსანი, ბუდუ ზივზივაძე, გიორგი ერისთავი, ირაკლი ციცხვაია, გუგა ფალავანდიშვილი, ლუკა თათხაშვილი, ლევან ისიანი, გოგი კულუა, ლუკა ლოჩოშვილი, ვახტანგ კაპანაძე, საბა ლობჟანიძე.
FCDinamo.GE
