ჭდე: ანჟი

“ანჟიმ” “სკა” დაამარცხა – ქართველები სასტარტოში

Posted on by ცოტნე შაორშაძე

დღეს რუსეთის პრემიერ ლიგის მე-19 ტურის შეხვედრა გაიმართა, სადაც მახაჭკალას “ანჟიმ” “სკა ხაბაროვსკს” უმასპინძლა და 4-0 გაანადგურა მეტოქე.

როგორც მოგეხსენებათ ორივე გუნდის შემადგენლობაში ირიცხება საქართველოს ნაკრების ფეხბურთელი და ჩვენდა სასიხარულოდ გიორგი ლორია და გიორგი ნავალოვსკი დღესაც სასტარტო შემადგენლობაში იყვნენ, ქართველებმა სრული მატჩი ჩაატარეს და ერთ-ერთი გამორჩეულები იყვნენ მოედანზე. შეხვედრა მასპინძელთა აშკარა უპირატესობით წარიმართა და ისინი პირველივე წუთზე ლესკანომ დააწინაურა. მე-8 წუთზე ანგარიში ორამდე პოლუიაქტოვმა გაზარდა, ხოლო 43-ზე მარკელოვმა გაიტანა თავის გოლი. საბოლოო ანგარიში კი 85-ე წუთზე არმასმა დააფიქსირა. შეხვედრა “ანჟის” გამარჯვებით 4-0 დასრულდა.

ამ შედეგის შემდეგ გუნდებმა სატურნირო ცხრილში ადგილი შეინარჩუნეს, “სკა” 12 ქულით ბოლო ადგილზეა, ხოლო “ანჟი” 19 ქულით “დინამო” მოსკოვს წამოეწია, თუმცა დედაქალაქელებს ბურთების უკეთესი შეფარდება აქვთ, ამიტომაც ლორიას გუნდი მე-15 ადგილს ინარჩუნებს.

“ანჟიმ” “არსენალს” სძლია – ლორია კვლავ სასტარტოშია!

Posted on by ცოტნე შაორშაძე

რუსეთის პრემიერ ლიგის მეთოთხმეტე ტურში მახაჩყალაში ადგილობრივმა “ანჟიმ” ტულას “არსენალს” უმასპინძლა და მძიმე ბრძოლაში 3-2 სძლია.

ორივე გუნდის შემადგენლობაში ირიცხება ქართველი ფეხბურთელი, მაგრამ სასტარტოში მხოლოდ საქართველოს ნაკრების მეკარე გიორგი ლორია მოხვდა. მიუხედავად ორი გაშვებული გოლისა, კიპერმა კარგად ითამაშა და გუნდის წარმატებაში თავისი წვლილი შეიტანა. უნდა აღინიშნოს, რომ გიორგი სანაკრებო პაუზის შემდეგ ზედიზედ მეორედ მოხვდა სასტარტოში, რაც მართლაც სასიხარულოა. “ტულას” სათადარიგოთა შორის იყო ქართველი მცველი გია გრიგალავა, რომელიც შეხვედრაში 33-ე წუთზე ჩაერთო.

ამ გამარჯვების შემდეგ, “ანჟიმ” ბოლო ადგილს თავი მაინც ვერ დააღწია. რაც შეეხება გრიგალავას გუნდს, ისინი მეცხრე ადგილზე იმყოფებიან.

ჭანტურიას “ურალმა” ლორიას “ანჟი” დაამარცხა.

Posted on by ცოტნე შაორშაძე

დღეს რუსეთის პრემიერ ლიგაში მე-13 ტურის შეხვედრა გაიმართა, ერთმანეთს გიორგი ჭანტურიასა და გიორგი ლორიას გუნდები დაუპირისპირდნენ.

ორივე ქართველი ფეხბურთელი სასტარტო შემადგენლობაში იყო. გიორგი ლორიამ დიდხნიანი პაუზის შემდეგ “ანჟის” შემადგენლობაში 90 წუთი ჩაატა, მაგრამ სამწუხაროდ ორი გოლი გაუშვა და მისი გუნდი დამარცხდა. რაც შეეხება ჭანტურიას ის 53-ე წუთზე შეცვალეს. საბოლოოდ შეხვედრა 2-1 დასრულდა.

ამ მომენტისათვის “ანჟი” ბოლო ადგილზეა, ჭანტურიას “ურალი” კი, 19 ქულით მეექვსე ადგილს იკავებს.

“ანჟიმ” დუდიევი და თეთრაშვილი დაიმატა

Posted on by იაკობ კაპანაძე

რუსული კლუბის, “ანჟის” ოფიციალური ვებ-გვერდი ადასტურებს ინფორმაციას ორი ტრანსფერის განხორციელების შესახებ.

როგორც ცნობილი ხდება, მახაჩყალური კლუბის ღირსებას ამიერიდან ასლანდ დუდიევი და გურამ თეთრაშვილიც დაიცავენ.

28 წლის გურამ თეთრაშვილი, რომელიც რუსეთის მოქალაქე გახლავთ, სეზონის პირველ ნახევარში “ტოსნოს” რიგებში ირიცხებოდა.

დუდიევმა კი 2016/17 წლების სეზონი “ტომში” დაიწყო, რომელთანაც კონტრაქტი რამდენიმე დღის წინ გაწყვიტა.

ლეგიონი: ჯანო ანანიძემ “ანჟის” გაუტანა (ვიდეო)

Posted on by იაკობ კაპანაძე

მოსკოვური “სპარტაკის” ქართველი ლიდერი, ჯანო ანანიძე კვლავ შესანიშნავ ფორმაშია – ამჯერად, ქართველმა ლეგიონერმა თავი “ანჟისთან” გამართულ მატჩში გამოიჩინა. სწორედ ჯანომ გახსნა ანგარიში აღნიშნულ მატჩში.

გრიგალავამ “ანჟი” დატოვა

Posted on by ბექა დოგრაშვილი

მახაჩყალის “ანჟისა” და გია გრიგალავს შორის კონტრაქტი ურთიერთშეთანხმების საფუძველზე გაწყდა.

“კლუბი მადლობას უხდის გიას კეთილსინდისიერებისთვის, პროფესიონალიზმისთვის და უსურვებს წარმატებას როგორც საკლუბო კარიერაში, ასევე საქართველოს ეროვნული ნაკრების შემადგენლობაში”, – ნათქვამია “ანჟის” ოფიციალურ ვებგვერდზე გამოქვეყნებულ განცხადებაში.

პრესაში გავრცელებული ინფორმაციის თანახმად, გრიგალავას სისხლში აკრძალული პრეპარატი აღმოუჩინეს.

კონტრაქტის გაწყვეტის ფაქტს გამოეხმაურა “ანჟის” გენერალური დირექტორი სერგეი კორაბლევი.

“კლუბი გაგებით ეკიდება იმ რთულ სიტუაციას, რომელშიც გია გრიგალავა ბოლო პერიოდში აღმოჩნდა. მე, როგორც “ანჟის” ხელმძღვანელს, ადამიანურად მესმის ფეხბურთელის ის ემოციური განცხადებები, რომელიც მედიის საშუალებით გავრცელდა. ნებისმიერ შემთხვევაში, ჩვენ პროფესიონალებად ვრჩებით და ყოველთვის მზად ვართ, დავეხმაროთ გიას რეპუტაციის დაცვაში”, – ციტირებს კორაბლევის სიტყვებს “ანჟის” ოფიციალური ვებგვერდი.

გია გრიგალავა “ანჟის” ღირსებას 2013/14 წლების სეზონიდან იცავდა. 25 წლის ფეხბურთელმა დაღესტნური კლუბის რიგებში რუსეთის პრემიერლიგის 22 მატჩში
მიიღო მონაწილეობა. ქართველმა ფეხბურთელმა “ანჟის” ფორმით ევროპის ლიგის შვიდ შეხვედრაში ითამაშა.

ცნობისთვის, გია გრიგალავას მიმართ ინტერესს რუსეთის პრემიერლიგის ბინადარი პერმის “ამკარი” იჩენს.

 

დაღესტანში „ანჟის“ ფეხბურთელი მოკლული იპოვეს

Posted on by Alix

ღამით მახაჭყალის „ანჟის“ მეორე გუნდის მოთამაშე გასან მაგომედოვი მოკლული იპოვეს. ფეხბურთელი უცნობი პირების სროლის შედეგად გარდაიცვალა. როგორც ამჟამად ცნობილია, რამდენიმე ადამიანი ფეხბურთელის მანქანას ესროდა.

შაბათს, 3 იანვარს, გასანმა მეგობრებთან ერთად ფეხბურთი ითამაშა, რის შემდეგაც რამდენიმე მათგანი სახლში გამოიყვანა. ღამის თორმეტი საათისთვის მაგომედოვმა ნათესავებს დაურეკა და აცნობა, რომ სახლისკენ მიდის. ცოტა ხნის შემდეგ კი ფეხბურთელი მანქანაში დაჭრილი იპოვეს. გაირკვა, რომ მაგომედოვი საავადმყოფოში მიყვანისას გარდაიცვალა.

ამ ეტაპზე პოლიციისთვის საქმის სხვა დეტალები უცნობია.

ეტოოს „ანჟის“ მთავარი მწვრთნელის პოსტს სთავაზობენ

Posted on by ბექა დოგრაშვილი

ლონდონის „ჩელსის“ თავდამსხმელ სამუელ ეტოოს მახაჭკალაში უკანასკნელი ვიზიტის დროს ადგილობრივი „ანჟის“ მფლობელმა სულეიმან ქერიმოვმა კლუბის მთავარი მწვრთნელის პოსტი შესთავაზა.

როგორც ცნობილია, ეტოოს „ჩელსისთან“ კონტრაქტი მიმდინარე წლის 30 ივნისს ეწურება. სავარაუდოდ, მხარეებს შორის ხელშეკრულება არ გახანგრძლივდება. 33 წლის კამერუნელი ფეხბურთელი ქერიმოვს დაჰპირდა, რომ აღნიშნულ წინადადებაზე იფიქრებს. ცნობილია ისიც, რომ ეტოოს შემოთავაზებები აქვს ერთ-ერთი სტამბულური კლუბიდან და გაერთიანებული საემიროებიდან.

შეგახსენებთ, რომ სამუელ ეტოო „ანჟის“ ღირსებას 2011-დან 2013 წლამდე იცავდა.

გეტყვით იმასაც, რომ დაღესტნური კლუბის რუსეთის პრემიერლიგიდან გავარდნა გარდაუვალია.

ბექა დოგრაშვილი

გია გრიგალავამ კავკასიურ დერბიში გაიტანა

Posted on by ბექა დოგრაშვილი

რუსეთის პრემიერლიგის 28-ე ტურში მახაჭკალის „ანჟისა“ და გროზნოს „ტერეკს“ შორის კავკასიური დერბი შედგა. მატჩი დაღესტნური გუნდის დამაჯერებელი გამარჯვებით, ანგარიშით 3:0 დასრულდა, რაშიც თავისი წვლილი „ანჟის“ ქართველმა მცველმა გია გრიგალავამაც შეიტანა.

ანგარიში შეხვედრის მე-6 წუთზე მასპინძელთა ნახევარმცველმა ვლადიმირ ბისტროვმა გახსნა. 33-ე წუთზე კუთხურის ჩაწოდების შემდეგ გია გრიგალავამ „ანჟის“ უპირატესობა განამტკიცა. მე-60 წუთზე ანგარიში გამანადგურებელი გახადა დმიტრი ბილიალეტდინოვმა.

ამრიგად, ბოლოადგილოსანმა „ანჟიმ“ 20 ქულა მოაგროვა და პრემიერლიგაში დარჩენისთვის გასამართ საპლეიოფო მატჩებში ასპარეზობის თეორიული შანსი შეინარჩუნა. სეზონის დასრულებამდე ორი ტურით ადრე „ანჟის“ სასურველ მე-14 პოზიციამდე, რომელიც სამარის „კრილია სოვეტოვი“ აქვს დაკავებული,  6 ქულა აშორებს. „ტერეკს“ 29 ქულა დარჩა და ახლა ჩეჩნური გუნდი იმისთვის იბრძვის, რომ საპლეიოფო მატჩებში არ მოხვდეს.

ბექა დოგრაშვილი

გავარდნის საფრთხის წინაშე მყოფი რვა გუნდი

Posted on by Levan

მიმდინარე საფეხურთო სეზონი დასასრულს უახლოვდება. გულშემატკივართა ყურადღბის დიდი ნაწილი საჩემპიონო ბატალიებისადმი არის მიმართული. თუმცა, ამავე დროს სხვადასხვა ლიგებში არანაკლებ დაძაბულად და საინტერესოდ მიმდინარეობს ბრძოლა დივიზიონებში ადგილის შესანარჩუნებლად. ხშირად ისე ხდება, რომ ელიტარულ დივიზიონებს საკმაოდ ცნობილი და მდიდარი ისტორიის მქონდე გუნდები ემშვიდობებიან. გაგაცნობთ, იმ რვა გუნდის ვინაობას, რომლებსაც ეს არც თუ ისე სასიამოვნო პერსპექტივა ელით.

 

ფულემი

2001 წელს ინგლისურ პრმიერლიგაში აღზევების შემდეგ კლუბს ელიტარული ინგლისური დივიზიონი არ დაუტოვებია. ოთხი წლის წინ კი, “ფულემმა” ევროპა ლიგის ფინალშიც კი ითამაშა. მაგათის გუნდი ამჟამად ბოლოსწინა პოზიციაზე, თუმცა დარჩენილი ორი შეხვედრის მოგების შემთხვევაში ლონდონელებს გადარჩენის შანსი აქვთ.

 

ჰამბურგი

გერმანიის ერთ-ერთი ყველაზე ტრადიციული კლუბი, რომელიც ბუნდესლიგიდან ჯერ არ გავარნილა. თუმცა, ჰამბურგელებმა მიმდინარე სეზონი ჩააგდეს და დიდი ალბათობით პლეი-აუტის თამაში მოუწევთ.

 

ბეტისი

ესპანური პრიმერა მომავალ სეზონში “ბეტისის” გარეშე დარჩა. სევილიელბმა სეგუნდაში “საგზური” ჩემპიონატის დასრულებამდე 3 ტურით ადრე გაიფორმეს. გასულ წელს “ბეტისმა” ჩმპიონატი მე-7 პოზიციაზე ჩაამთავრა და ევროტურნირების საგზურიც მოიპოვა. თუმცა, წლევანდელი სეზონის საკმაოდ წარუმატებელი აღმოჩნდა.

 

ბოლონია

საფრხე იტალიის თასის 7-გზის მფლობელს “ბოლონიასაც” ემუქება. 35-ე ტურის შემდეგ ბოლონიელებს 28 ქულა აქვთ და მე-17 პოზიციაზე იმყოფებიან.

 

ანჟი

რამდენიმე წლის წინ რუსულ გუნდში ძალიან დიდი ინვესტიცია ჩაიდო და მრავალი ვარსკვლავიც იქნა მიწვეული. თუმცა, ეს პროექტი განწირული აღმოჩნდა. “ანჟი” მომდევნო სეზონს რუსეთის პირველ ლიგაში გაატარებს.

 

ჰართსი

შოტლანდიურ “ჰართსს” ლიგის მესამე გრანდად ჩამოყალიბების ამბიცია ჰქონდა. თუმცა, მიმდინარე სეზონის დაწყებამდე კლუბი გაკოტრდა და სეზონიც -15 ქულით დაიწყო, რაც საკმაოდ მძიმე დარტყმა იყო. “ჰართსი” შოტლანდიურ პრემიერლიგას დაემშვიდობა.

 

პასუშ დე ფერეირა

პორტუგალიერმა კლუბმა შარშანდელ სეზონში ჩემპიონატში მესამე ადგილი დაიკავა და ჩემპიონთა ლიგის საკვალიფიკაციო ტურნირზეც ითამაშა. თუმცა, სეზონის დასრულებამდე 2 ტურით ადრე გუნდი ბოლოსწინა ადგილზეა და გადარჩენის მცირე შანსი აქვს.

 

ლოზანა

შვეიცარიის მრავალგზის ჩემპიონი “ლოზანა” უმაღლეს ლიგას ოფიციალურად დაემშვიდობა. თანაც, ეს გადარჩენისთვის განსაკუთრებული ბრძოლის გარეშე გააკეთა.

 

გია გრიგალავა: “ყველაფერი ჩვენზე არ არის დამოკიდებული”

Posted on by Levan

“ანჟის” მცველი გია გრიგალავამ “როსტოვთან” მატჩის წინ, რომლის ღირსებას ჯანო ანანიძე იცავს, საკუთარი გუნდის შანსებზე ისაუბრა.

“მატჩისთვის ჩვეულებრივად ვემზადებით. ვფიქრობ, შანსებ გვაქვს. დარჩენილ შეხვედრებში ქულების დაკარგვის უფლება არ გვაქვს, მაგრამ ამ შემთხვევაშიც ყველაფერი ჩვენზე არ არის დამოკიდებული, კონკურენტებმა ქულები უნდა დაკარგონ. იმედი მაქვს პრემიერლიგაში ადგილის შენარჩუნებას მოვახერხებთ” – განაცხადა გრიგალავამ.

“როსტოვის” და “ანჟის” შეხვედრა 27 აპრილს გაიმართება.

დინამო 2-ის ფრე ანჟის დუბლებთან

Posted on by -

დღეს თურქულ ბელექში შეკრებაზე მყოფმა დინამოს მეორე გუნდმა ბოლო სპარინგ მატჩი გამართა. უჩა სოსიაშვილის გუნდის მეტოქე მახაჩკალის ანჟის დუბლშემადგენლობა გახლდათ. შეხვედრა დინამოელთა შეტევებით დაიწყო და მთლიანად პირველმა ტაიმმა ჩვენი გუნდის უპირატესობით ჩაიარა. მატჩის მე- 12 წუთზე ვაკო ბაჩიაშვილის გადაცემის შემდეგ, დავით ვოლკოვმა თავით გადაგზავნა ბურთი მეტოქის კარში 1:0. შეხვედრის მეორე ნახევარში დინამოელებმა ექვსი ცვლილება განახორციელეს და მატჩის მიმდინარეობაც გათანაბრდა. 77- წუთზე ანჟის ფეხბურთელებმა მოახერხეს ანგარიშის გათანაბრება 1:1 და ორთაბრძოლაც ამ ანგარიშით დასრულდა. შეგახსენებთ, რომ დინამოელებმა ბელექში მანამდე სამი მატჩი გამართეს, ამკარის, შახტარის და ზენიტის მეორე გუნდებთან, რომლებიც შესაბამისი ანგარიშებით 6:0, 2:0 და 2:2 დასრულდა.
დინამოელები დღეს გამოემგზავრებიან თბილისში.

დინამო-2 1:1 ანჟი-2
გოლი: 1:0 ვოლკოვი 12’
დინამო-2: კულუა, ჯაფიაშვილი, გურეშიძე, ბაჩიაშვილი (თათხაშვილი 46), სამხარაძე, კვეკვესკირი (გიორგი გურეშიძე 75), ფალავანდიშვილი, ერისთავი (ქაჯაია 65), მახარობლიძე (ჯიშკარიანი 55), ლობჟანიძე (წილოსანი 55), ვოლკოვი (დიასამიძე 46)

FCDinamo.GE