ჭდე: დინამო

თბილისის “დინამომ” ფოთის “კოლხეთს” მარტივად სძლია (ვიდეო)

Posted on by კახა ყიფიანი

დინამო არენაზე ეროვნული ლიგის მერვე ტურის შეხვედრა გაიმართა, რომელშიც თბილისელებმა ფოთის კოლხეთი მიიღეს. შეხვედრას დარასელიას თასზე მონაწილე გუნდები სრული შემადგენლობებით დაესწრნენ. დინამომ სათამაშო უპირატესობა პირველივე წუთებიდან მოიპოვა და სტუმართა კარის მიმართულებით არაერთი შეტევა განახორციელა. მეცამეტე წუთზე მასპინძლებმა ანგარიშიც გახსნეს. ოთარ კიტეიშვილმა ითამაშა კარგად, გაცდა მეტოქეს, ძლიერადაც დაარტყა, დამატებაზე კი პირველი ბუდუ ზივზივაძე გაჩნდა და 1:0. მომდევნო შეტევაში აკაკი შულაიას შეეძლო ანგარიშს გაზრდა, მაგრამ ბურთი მეკარეს გაარტყა. მატჩის 35- ე წუთზე ლევან ხარაბაძის ჩაწოდებულის შემდეგ ბუდუ ზივზივაძეს სულ მცირედი დააკლდა. ცოტახანში ოთარ კიტეიშვილმა ითამაშა კარგად, თავად გაცდა რამდენიმე დამცველს და საბოლოოს მასზე საჯარიმოში დაჯარიმდნენ. პენალტი კაპიტანმა ზუსტად შეასრულა და ანგარიშ 2:0 გახადა. ტაიმი ამ ანგარიშით დასრულდა.

მეორე ტაიმის დებიუტში კი ოთარ კიტეიშვილმა კიდევ ერთხელ იყოჩაღა, დასწრებაზე ზუსტად ითამაშა და მესამე გოლი გაიტანა ანდრეი პოლტავცევის კარში. ამის შემდეგ კიდევ ერთი პენალტი დაინიშნა სტუმართა კარში, რომელიც ბუდუ ზივზივაძემ ვერ გამოიყენა. საერთოდ მთელი მატჩი დინამოელთა კოლოსალური უპირატესობით წარიმართა, თუმცა წუთიერი მოდუნება დედაქალაქელებს გაშვებულ გოლად დაუჯდათ. 81- ე წუთზე ლაშა გოგონაიამ კუთხურიდან ჩამოწოდებული ბურთი თავით გაიტანა. იმავე სიტუაციიდან რამდენიმე წუთში უკვე ლევან ხარაბაძემ იყოჩაღა და 4:1 დააფიქსირა. ბოლო წუთებში დინამოელებმა კიდევ რამდენჯერმე შეუტიეს, მარა ანგარიში აღარ შეცვლილა. დინამოელებმა ამ მოგებით 18 ქულა დააგროვეს და საბურთალოსთან ერთად სატურნირო ცხრილში პირველ ადგილს იყოფენ.

დინამო 4:1 კოლხეთი

გოლი: 1:0 ზივზივაძე 13’ 2:0 კიტეიშვილი (პენ) 39’ 3:0 კიტეიშვილი 47’ 3:1 გოგონაია 81’ 4:1 ხარაბაძე 85’

გაფრთხილება: გოგბერაშვილი 28’ ნინუა 32’ გოგონაია 47’ დანილოვი 53’

დინამო: ბულისკერია, რუხაია, თოთაძე, კობოური, ხარაბაძე, ნინუა (დარცმელია 87), ივანისენია (ქოჩლაძე 76), შულაია, ო. კიტეიშვილი, ივანიშვილი, ზივზივაძე (ბაბუნაძე 81)

კოლხეთი: პოლტავცევი, გოგონაია, პონომარევი, დანილოვი, მიხალოვი, ჯიმშელეიშვილი, კაბორე, ჭეიშვილი, ტყემალაძე, კვასოვი (იმნაძე 53), გოგბერაშვილი (კვერნაძე 86)

მსაჯი: გ. ავაზაშვილი

დარასელიას თასი: თბილისის “დინამომ” არნემის “ვიტესი” დაამარცხა (ვიდეო)

Posted on by კახა ყიფიანი

გუშინდელი დღის ბოლო შეხვედრაში დინამო თბილისმა ვიტესს უმასპინძლა. თბილისელებს ორი მოგების შემდეგ უკვე განაღდებული ჰქონდათ ნახევარფინალის საგზური, თუმცა მატჩს არანაკლები პასუხისმგებლობით მიუდგნენ და ჰოლანდიელები დიდი ანგარიშით 5:1 დაჯაბნეს. ვახტანგ იაგორაშვილის შეგირდებმა მატჩის დაწყებისთანავე ტურნირის უსწრაფესი გოლი გაიტანეს. მატჩის პირველივე წუთზე თავი დავით ზურაბიანმა გამოიჩინა. ორიოდე წუთში შედეგიანად თორნიკე მორჩილაძემ გაისროლა და დინამოს დიდი უპირატესობა შეუქმნა. მესამე გოლი ლამაზი და ზუსტი საჯარიმო დარტყმით თავის ანგარიშზე შეცვლაზე შემოსულმა ირაკლი აზაროვმა ჩაიწერა. შეხვედრის 61- ე წუთზე ჯადული იობაშვილმა კიდევ ერთი გოლი გაიტანა ვიტესის კარში, საპასუხოდ კი აზიზ სესაიმ პრესტიჟის გოლის გატანა მოახერხა. ცოტახანში ისევ იობაშვილმა იყოჩაღა და საბოლოო ანგარიში 5:1 დააფიქსირა. დინამოელები 28 აპრილს 20.00 საათზე ტურნირის ნახევარფინალში მოსკოვის სპარტაკს შეხვდებიან. მატჩი დინამოს აკადემიის მოედანზე გაიმართება.

 

დინამო 5:1 ვიტესი

გოლი: ზურაბიანი, მორჩილაძე, აზაროვი, იობაშვილი (2), სესაი

გაფრთხილება: ბაბლუანი, ზურაბიანი, სმიტსი

 

დინამო: შურღაია, ხვადაგიანი (შაუთიძე 36), სალუქვაძე, უბილავა (ერაძე 44), ბაბლუანი, გოგობერიშვილი (ჩხეტიანი 36), მორჩილაძე, ზურაბიანი, იობაშვილი, ოსიყმაშვილი (აზაროვი 50), ქავთარაძე

ვიტესი: გადელა, ეუსტატია, ესაია (სესაი 51), დავიდსი, სიურული, დერკსენი (ვან ბეემი 36), სმიტსი, შტეფენი (ვან სტრენი 36), ვან რიინი, სანდერსი, გროტენჰაისი

 

Fcdinamo.Ge

სამ წუთში გატანილი ორი გოლი: “დინამომ” “სიონი” დაამარცხა! (ვიდეო)

Posted on by კახა ყიფიანი

დღეს ეროვნული ლიგის მეშვიდე ტურის ერთ-ერთი შეხვედრა “მიხეილ მესხი 2”-ზე ბოლნისის “სიონსა” და თბილისის “დინამოს” შორის შედგა.

ანგარიში 56-ე წუთზე გიორგი მიქაბერიძემ გახნსა. დედაქალაქურმა კლუბმა ჩამორჩენა 70-ე წუთზე გუჯა რუხაიას გოლის შემდეგ აღადგინა. ხოლო, სამ წუთში ნიკა ნინუამ საერთოდ წინ გაიყვანა “დინამო”. საბოლოოდ, მატჩი, ანგარიშით, 1-2 დასრულდა.

ამ მარცხის შემდეგ “სიონი” შვიდი ქულით მეშვიდე პოზიციაზეა. ხოლო, თბილისურ კლუბს 15 ქულა აქვს და მეორე ადგილს იკავებს.

იხილეთ ვიდეო

 

თბილისური დერბი “საბურთალომ” მოიგო (ვიდეო)

Posted on by კახა ყიფიანი

დღეს ეროვნული ლიგის ცენტრალურ შეხვედრაში ერმანეთს თბილისის “დინამო” და თანაქალაქელი “საბურთალო” დაუპირისპირდნენ.

მატჩს პრინციპული დატვირთვა ჰქონდა, რადგან გუნდები პირველ-მეორე ადგილზე იმყოფებიან და ორივე მათგანს 12 ქულა ჰქონდათ. ანგარიში 61-ე წუთზე გაიხსნა: თორნიკე გორგიაშვილმა საჯარიმოში მიიღო ბურთი და იგი შორეულ კუთხეში ლამაზად ჩაახვია. საბოლოოდ, ეს გოლი ამ შეხვედრაში ერთადერთი აღმოჩნდა და მატჩიც ანგარიშით, 0-1 დასრულდა.

“დინამოზე არენაზე” მარცხის შემდეგ, ამ თამაშის მასპინძელ გუნდს 12 ქულა დარჩა და მეორე ადგილზეა. ხოლო, “საბურთალო” 15 ქულით პირველია.

 

ეროვნული ლიგის მეხუთე ტური: პრევიუ

Posted on by კახა ყიფიანი

დღეს ეროვნული ლიგის მეხუთე ტური აიღებს სტარტს. Fanebi.Com-ი გთავაზობთ აღნიშნული ტურის პრევიუს.

ბოლნისის “სიონი” – რუსთავის “რუსთავი”

დაწყების დრო: 4 აპრილი, 16:00 საათი

ბოლნისის “სიონი” “მიხეილ მესხი 2”-ზე რუსთავის “რუსთავს” მიიღებს. წინა ტურში მასპინძლები გორის “დილასთან” დამარცხდნენ. თუმცა, ამ სეზონში მათ უკვე მოახერხეს ერთი მოგებისა და ფრის მიღწევა. შესაბამისად, ოთხი ქულა აქვთ და მეექვსე ადგილს იკავებენ. რაც შეეხება “რუსთავს”, ამ გუნდმა პირველ ტურში “დინამოსთან” სტუმრად მოგების შემდეგ, გოლიც კი ვერ გაიტანა და სამ მატჩში ოთხი გოლი გაუშვა. ერთი მოგებითა და სამი წაგებით, რუსთაველები მერვე საფეხურზე იმყოფებიან.

თბილისის “საბურთალო” – თბილისის “ლოკომოტივი”

დაწყების დრო: 4 აპრილი, 21:00 საათი

კიდევ ერთი მატჩი, რომელიც დღეს შედგება თბილისური დერბია. მზიანი დღის დასასრულს, “მიხეილ მესხზე” დედაქალაქელებს მშვენიერი მატჩი ელით – “საბურთალო” “ლოკომოტივის” წინააღმდეგ. პირველი მათგანი შეუჩერებელია, რადგან ოთხივე შეხვედრა მოიგო. რაც შეეხებათ “რკინიგზელებს”, ეროვნულ ლიგაში მათზე მეტად მოგება ახლა არავის სჭირდება – “ლოკო” ერთადერთი გუნდია, რომელმაც ამ სეზონში ვერცერთხელ ვერ მოახერხა სამი ქულის მოპოვება. ლოგიკურია, რომ ის ერთი ქულით ათში ბოლოა.

საჩხერის “ჩიხურა” – თბილისის “დინამო”

დაწყების დრო: 5 აპრილი, 16:00 საათი

უკვე ხვალ საჩხერის “ჩიხურა” თბილისის “დინამოს” “დავით პეტრიაშვილი არენაზე” მიიღებს. იმერულ კლუბს “საბურთალოსთან” ერთად ამ სეზონში არცერთი მატჩი არ წაუგია: ორი ფრე, ორი მოგება, რვა ქულა და მესამე ადგილი. მასზე ერთი ქულითა და ადგილით წინ სწორედ “დინამოა”, რომელმაც ბოლო სამი დაპირისპირება ისე მოიგო, რომ ცხრა გოლი გაიტანა და მხოლოდ ორი გაუშვა. შესაბამისად, აქაც საინტერესო და დაძაბულ ჯახს უნდა ველოდოთ.

ფოთის “კოლხეთი” – გორის “დილა”

დაწყების დრო: 5 აპრილი, 18:00 საათი

“კოლხეთის” ამჟამინდელი მეტოქე “დილაა”. მეგრელებმა წინა ტურში პატარა სენსაცია გამოაცხვეს და “სამტრედიას” სტუმრად ანგარიშით, 2-0 მოუგეს. ეს გუნდი ერთ-ერთი ყვლაზე სუსტია ჩემპიონატში და, ვინ იცის, სად გამოადგება აღნიშნული სამი ქულა. ამჟამად, “კოლხეთი” ოთხი ქულით მეშვიდე ადგილზეა. გორელებს რაც შეეხებათ, ბოლოს ისინი “სიონს” დაუპირისპირდნენ და პირველი ტაიმი 3:0 მოუგეს. მიუხედავად, ბოლნისლების მიერ გაქვითული ორი გოლისა, მათ მეტი ვეღარაფერი შეძლეს და “დილამაც” სამი ქულა ჩაიწერა აქტივში. ის შვიდი ქულით მეოთხე პოზიციაზეა.

ქუთაისის “ტორპედო” – სამტრედიის “სამტრედია”

დაწყების დრო: 5 აპრილი, 21:00 საათი

ეროვნული ლიგის გულშემატკივარი იმერული დერბის მოლოდინშია: “ტორპედო” “სამტრედიის” წინააღმდეგ. სხვათა შორის, ვერც ერთი გუნდი ვერ ბრწყინავს: “ტორპედომ” პირველ ტურში წაგების შემდეგ, ორჯერ კი მოიგო, თუმცა “დინამოსთან” უშანსოდ დამარცხდა. “სამტრედიამ” კი ბოლო სამი დაპირისპირება დათმო და სამი ქულით მეცხრე ადგილზეა. ორივე გუნდს სჭირდება გამარჯვება წინ სვლისა და თავდაჯერებისთვის – ვნახოთ, რა იქნება.

 

თბილისის “დინამო” ECA– ს საიუბილეო ასამბლეაზე

Posted on by კახა ყიფიანი

27 მარტს იტალიის დედაქალაქ რომში ევროპის კლუბთა ასოციაციის (ECA) გენერალური ასამბლეის პლენარული სესია გაიმართა, რომელშიც ასოციაციის 163 კლუბმა მიიღო მონაწილეობა. “დინამოდან” ECA- ს მეოცე სესიაზე, რომელზეც ამავე ორგანიზაციის ათი წლის იუბილე აღინიშნა მიწვეული იყო კლუბის დირექტორი – ზურა ცინცაძე და კლუბის ადმინისტრაციის ხელმძღვანელი და ტრანსფერების მენეჯერი – თეა შამათავა. შეგახსენებთ, რომ “დინამო” ECA- ს დაარსების დღიდან ამ ორგანიზაციის სრულუფლებიანი წევრია.

სესიას მიწვეული კლუბების წარმომადგენელთა გარდა, ასევე უეფას და ფიფას პრეზიდენტები – ალექსანდერ ჩეფერინი და ჯანი ინფანტინო ესწრებოდნენ. ECA- მ წარმოადგინა წლის შემაჯამებელი რეპორტი და სამომავლო გეგმები. აქტუალური იყო უეფას მიერ ევროთასებზე ასპარეზობიდან შემოსული თანხების შესაბამისობაში მოყვანის საკითხები კლუბის გაწეულ ხარჯებთან. განიხილეს ტრანსფერებთან დაკავშირებული საკითხები და ასევე უეფას ახალ ციკლში შესული გარკვეული ცვლილებების შესახებ ამცნეს კლუბების წარმომადგენლებს.

აღმასრულებელ საბჭოში მოხდა ჩვენი დივიზიონის წარმომადგენლის არჩევა და ამ პოსტს ისლანდიური “ჰაფნარფიორდურის” წარმომადგენელი – ვიდარ ჰალდორსონი დაიკავებს.

Fcdinamo.Ge

ქართული დერბი თბილისის “დინამოს” გამარჯვებით დასრულდა (ვიდეო)

Posted on by კახა ყიფიანი

დღეს ეროვნული ლიგის მეოთხე ტურის ცენტრალურ მატჩში თბილისის “დინამომ” საკუთარ მოედანზე ქუთაისის “ტოპრედო” მიიღო.

მატჩი მასპინძელთა უპირატესობით დაიწყო და მალე ეს ანგარიშზეც აისახა. მე-12 წუთზე ოთარ კიტეიშვილი უეტვდა, მან საჯარიმოში მყოფ ბუდუ ზივზივაძეს გააყოლა ბურთი, რომელმაც როინ კვასხვაძეს გაუტანა. პირველივე ტაიმის მესამე დამატებით წუთზე ივანიშვილი ცდილობდა ახლოდან შეგდებას, თუმცა მას წინ გამოსულმა მეკარემ და მცველებმა არ აცადეს ამის გაკეთება. დედაქალაქელთა შემტევმა უკან მდგომ ზივზივაძეს გადასცა ბურთი, რომელმაც ცარიელ კარში შეაგორა ბურთი.

საბოლოოდ, დაპირსიპირება ანგარიშით, 2-0 დასრულდა. ამ გამარჯვების შემდეგ “დინამო” ცხრა ქულით მეორე ადგილზეა. ხოლო, “ტორპედოს” ექვსი ქულა აქვს და მეხუთე პოზიციას იკავებს.

თბილისის “დინამომ” “გაგრასთან” ამხანაგური შეხვედრა გამართა

Posted on by კახა ყიფიანი

დინამო თბილისმა სანაკრებო პაუზით ისარგებლა და დიღმის საწვრთნელ ბაზაზე გაგრას ესპარინგა. შეხვედრის წინ გუნდებმა არჩილ ტატუნაშვილის ხსოვნას წუთიერი დუმილით პატივი მიაგეს. კახი კაჭარავას დღევანდელ თამაშში რამდენიმე ფეხბურთელი აკლდა, რომლებიც სხვადასხვა ასაკობრივ ნაკრებში არიან მივლინებულნი. მატჩი დინამომ საკმაოდ აქტიურად დაიწყო და პირველ 10 წუთში ორი გოლიც გაუტანა სტუმრებს. პირველ შემთხვევაში გიორგი ივანიშვილის აქტიურობას პენალტი მოჰყვა, თერთმეტმეტრიანი კი ნიკა ძალამიძემ შეასრულა ზუსტად. ცოტახანში გიორგი ივანიშვილმა ორამდე დააწინაურა თბილისური გუნდი, მესამედ ზუსტად კი ლაშა ქოჩლაძემ ითანაშა. მეორე ტაიმში სტუმრებმა ერთი გოლის გაქვითვა მოახერხეს, გოლი გოგატიშვილმა გაიტანა და ამხანაგური 3:1 დასრულდა.

დინამო 3:1 გაგრა

დინამო: მამარდაშვილი, რუხაია, ივანისენია, თოთაძე, ხარაბაძე, კუცია, ქოჩლაძე, თევზაძე, ძალამიძე, ივანიშვილი, ბაბუნაძე

შეცვლაზე შევიდნენ: პ. კიტეიშვილი, ბასარია, ბერიაშვილი

U15: “დინამომ” “მინსკს” პირველი ამხანაგური მოუგო

Posted on by კახა ყიფიანი

თბილისში მინსკის დღეები ტარდება. მრავალ დაგეგმილ ღონისძიებასთან ერთად ვიტალი დარასელიას სახელობის დინამოს აკადემია სკ მინსკის 15 წლამდელთა გუნდს მასპინძლობს. დღეს დინამოელთა და მინსკელთა შორის პირველი ამხანაგური მატჩი ჩატარდა. შეხვედრა საკამოდ აქტიურად და გარდამავალი სათამაშო უპირატესობით წარიმართა. საბოლოოდ ვახტანგ იაგორაშვილის გუნდმა პირველი ტაიმის ბოლოსკენ გატანილი გოლით 1:0 იმარჯვა, გაგნიძის თერთმეტმეტრიანი დარტყმა სტუმართა კიპერმა მოიგერია, თუმცა დამატებაზე ისევ ლუკამ ივარგა და მინსკელთა კარიც აიღო. საგოლე მომენტები ამის შემდეგ ორივე გუნდს ჰქონდა, მაგრამ ანგარიში აღარ შეცვლილა. ამ გუნდების მეორე ამხანაგური მატჩი ხვალ, დინამოს აკადემიაში 16.00 საათზე დაიწყება.

U15 დინამო 1:0 მინსკი

U15 დინამო: ტურძილაძე, ხვადაგიანი, ქავთარაძე (სალუქვაძე), უბილავა (მელაძე), შაუტიძე (გოგობერიშვილი), სიჭინავა, გაგნიძე, სიხარულაშვილი, ჩხეტიანი, იობაშვილი (შენგელია)

Fcdinamo.Ge

თბილსის “დინამომ” “სამტრედიას” საკუთარ მოედანზე სძლია (ვიდეო)

Posted on by კახა ყიფიანი

დღეს ეროვნული ლიგის მესამე ტურის მატჩში თბილისის “დინამომ” სამტრედიის “სამტრედია” საკუთარ მოედანზე მიიღო.

დაპირისპირებაში ანგარიში მეათე წუთზე ბუდუ ზივზივაძემ გახსნა. სამ წუთში აკაკი შულაიამ ოთარ კიტეიშვილის პასით გაიტანა. უკვე მეორე ნახევარში, გიორგი კუციამ სამამდე გაზარდა “დინამოელთა” უპირატესობა. მან შორეული, უძლიერესი დარტყმით შეაგდო. ამ შემთხვევაში ასისტი ნიკა ძალამიძის ანგარიშზეა. ხოლო, ლუკას ვეილმა 89-ეზე ერთი ბურთი პენალტის ნიშნულიდან გაქვითა. საბოლოოდ, 3-1.

დედაქალაქელებს ექვსი ქულა მოუგროვდათ და ახლა მეორეზე არიან. “სამტრედია” სამი ქულით მერვე ადგილზეა.

თბილისური დერბი: “დინამომ” “ლოკომოტივს” მოუგო (ვიდეო)

Posted on by კახა ყიფიანი

დღეს ეროვნული ლიგის მორი მატჩები იმართება. თავისი შეხვედრა ჩაატრა თბილისის “ლოკომოტივმა”, რომელიც თანაქალაქელ “დინამოს” დაუპირისპირდა.

21-ე წუთზე ანგარიში “რკინიგზელთა” ახალწვეულმა, თეიმურაზ შონიამ გახსნა ანგარიში. თუმცა, ტაიმის მიწურულს, ჯერ მე-40 წუთზე ოთარ კიტეიშვილმა აკაკი შულაიას პასით შეაგდო. ხოლო, 44-ეზე კიტეიშვილმა ასისტითაც დაგვამახსოვრა თავი. “დინამოს” კაპიტანმა გიორგი ივანიშვილს გაატანინა.

მეორე ნახევარში კვლავ “დინამო” დომინირებდა და 54-ე წუთზე ბუდუ ზივიზივაძემ შეაგდო. საბოლოო ანგარიში კიტეიშვილმა გიორგი კუციას გადაცემის შემდეგ დააფიქსირა 1-4.

ამ მარცხის შემდეგ “ლოკო” ნული ქულით მერვე პოზიციაზეა. “დინამოს” სამი ქულა აქვს და მეხუთე საფეხურზე იმყოფება.

 

ოფიციალურად: ნიკა ძალამიძე თბილისის “დინამოს” ფეხბურთელია

Posted on by კახა ყიფიანი

საქართველოს ნაკრების 26 წლის შემტევი ნახევარმცველი, ნიკა ძალამიძე თბილისის “დინამოს” ფეხბურთელია. ამის შესახებ კლუბის ოფიციალური გვერდი იტყობინება.

გეტყვით, ნიკამ კლუბთან ხელშეკრულებას წლის ბოლომდე მოაწერა ხელი. ხელშეკრულების სხვა პირობები არაა ცნობილი.

ძალამიძე სხვადასხვა დროს ბაიას, ვიძევის, იაგელონიას, რიზესფორის და გორნიკის ღირსებას იცავდა, ბოლოს კი ბუქარესტის იუვენტუსში გამოდიოდა. მას ასევე ნათამაშები აქვს საქართველოს ყველა ასაკობრივ ნაკრებში.